Isaiah 62:4 - De Beebaa Dabu

⁴ Gai koe gu dee hagabinga bolo go De ia gu Dilia, gai doodou henua gu dee hagabinga bolo go Ngadi Dagodo. Aagai koe e hagaingoo ange naa go Hephzibah, gai doo henua e hagaingoo ange naa go Beulah; go hiidinga Tagi Maolunga e malangilangi naa i de goe, gai doo henua e bei naa de hine gu hai bodu.

Isaiah 62:4 Referans Kwoze

Zephaniah 3:17

Tagi Maolunga, doo Maadua e noho madali goe, gai e mmahi i de hagaola goe. Ia e malangilangi mmao donu i de goe, gai ia e hagaaneane naa goe i dono aloha; ia e malangilangi naa ma de daahili i oo hiidinga.”

Isaiah 62:12

Gai gilaadeu e hagaingoo ange naa go de Gau Dabu, go Dangada a Tagi Maolunga gu Hagaola; gai koe e hagaingoo ange naa go de Aduhale e Saalaa, se Aduhale e dee Dilia.

Jeremiah 32:41

Gai au e malangilangi naa donu i de hai ange tanuaa gi gilaadeu, ma de hai naa gilaadeu gi nnoho i de henua nei ga hano ai, i ogu lodo alodahi, ma dogu hagasaalunga alodahi.

1 Peter 2:10

I mua gai goodou e dee se huaahenua, aagai iainei goodou go de huaahenua o de Maadua; i mua gai goodou tee kave tegi o de Maadua, aagai iainei goodou gu kave hogi dono degi.

Isaiah 61:10

Au gu malangilangi mmao i Tagi Maolunga, dogu hagasaalunga e lodo danuaa mmao i dogu Maadua. Go hiidinga ia gu hakahu mai au i de hagaola, ma de saabini au i de heohi bei de malo laa daha, bei de hai a taane e hagahai bodu e gahu hagadanuaa ai laa bei tangada haimeedabu gai bei de hai a de hine e hagahai bodu e dau ai laa denga hadu hagamogomogo.

Psalm 149:4

Go hiidinga Tagi Maolunga e malangilangi i ono dangada; ia e hagamahamaha gilaadeu e lodo maolalo i de hagaola.

Jeremiah 3:14

Goodou aahe mai, denga dama gu daahuli gee i de au, go Tagi Maolunga e hagadaba. Go au doodou dangada aamua; au e kave naa hanu goodou — e dahi mai i dahi aduhale gai e dogolua mai i dahi huaabodu — gai au e hagaahe mai naa goodou gi Zion.

Isaiah 54:1

“Oo ma gi daahili, de hine dee hua, gai go de hine tee haanau; oo ma gi daahili, oo ma gi malangilangi, de hine tigi ai ono hagalangona; go hiidinga dama a de hine gu dilia e dono bodu e soa ange naa i dama a de hine e dahi ono bodu, go Tagi Maolunga e hagadaba.

Isaiah 60:15

E dee galemu donu koe ne dilia ma de kino ai o dangada, gai gu deai dangada e loomai laa kilaa, aagai au e hai naa goe gi maolunga ga hano ai, gai gi se mommee e malangilangi ai denga atangada alodahi.

Isaiah 62:5

Dahi dama daane e hai bodu ange gi dahi damaa hine, gai e bei ai hogi au dama e hai bodu adu naa gi de goe. Gai de Maadua e malangilangi naa hogi i de goe, bei de malangilangi o tama daane i dono bodu.

2 Corinthians 11:2

Au gu lodo gaiaa i oodou hiidinga i de lodo gaiaa o de Maadua. Au ne hagatoo donu e hai goodou go de hagababa gilimalali o dahi daane, go Klisdo.

Isaiah 49:14

Aagai Zion e hagadaba, “Tagi Maolunga gu tili au, gai de Ia Aamua gu ngalo donu au.”

Revelation 21:2

Gai au ne gidee de aduhale dabu, go Jerusalem hoou, e hano iho i de langi i daho de Maadua, gai gu lava i de hagadanuaa bei dagodo o de hine gu dai hagahai bodu gu gahu laa e hagadabena ange gi dono bodu.

John 3:29

Taane niiona de bodu go taane gu dai hagahai bodu. Gai ssoa o taane gu dai hagahai bodu e duu ma e tali e hagallongo ana muna, gai ia e malangilangi mmao i dana langona de leo o taane gu dai hagahai bodu. Deenei ai, dogu malangilangi gu honu danuaa.

Hebrews 13:5

Goodou gi dee nnoo ange gi sseene, gai gi malangilangi i oodou mee e hanu, go hiidinga de Maadua gu hagadaba; “Au e dee tili donu goe, aabe e hano gee mai i oo daha.”

Isaiah 60:18

Gu deai naa donu dangada alasala e gidee i doo henua, e deai mommee e ngadi daakodo ma de maoha i doo henua, aagai koe e hagaingoo ange naa doo buibui go de Hagaola, gai e hagaingoo ange oo haitoga go de Tuhi.

Isaiah 62:2

Gai denga huaahenua e gidee naa doo heohi, denga hodooligi alodahi e gidee naa doo mahamaha; gai koe e kave naa dahi ingoo hoou, go de ngudu donu o Tagi Maolunga e gaavadu doo ingoo.

Isaiah 65:19

Au e malangilangi naa i Jerusalem, ma de lodo danuaa i ogu dangada; gai e deai naa donu se tangi aabe se tangi see e langona i lo te aduhale.

Jeremiah 33:9

Gai de aduhale nei e hai naa ga se mee e haia ga malangilangi au, ma de tala tuhi aama de hagadubu au i daho denga huaahenua alodahi o henua i lalo, e langona mee danuaa alodahi aagu gu hai ange gi gilaadeu. Gai gilaadeu e maatagu naa ma de bolebole i hiidinga o mee danuaa alodahi ma dagu hai ga nnoho paba de aduhale.

Malachi 3:12

Gai denga huaahenua alodahi e hagataba naa bolo goodou gu manuuia, i hiidinga doodou henua gu se mommee hagamalangilangi, go Tagi o denga hagabuulinga hebagi e hagadaba.

Deuteronomy 30:9

Gai Tagi Maolunga doodou Maadua e hai naa gi hagadagadaga age goodou i mee alodahi oodou e hai; goodou e hagadili ga soa oodou dama, oodou manu e hagadili naa ga lagolago, gai manu i honga oodou gelegele e hhua lagolago naa. Gai Tagi Maolunga e ahe ange naa ga malangilangi i goodou, bei dono hai ne malangilangi ai laa i oodou dubuna madagidagi,

Psalm 16:3

De gau dabu i honga de henua, go gilaadeu e mahamaha, gai au e malangilangi ai.

Ezekiel 36:35

Gai gilaadeu e hagataba naa, “De henua nei nogo ngadi dagodo gai iainei gu bei de veelenga o Eden; denga aduhale nogo maoha laa ma e ngadi daakodo, gu aahe ange ma gu buibui ma e nnoho ai dangada.”

Hosea 2:21

De laangi laa, gai au e basa ange naa, go Tagi Maolunga e hagadaba, au e basa ange naa gi de langi, gai de langi e hai naa ga pala iho de langi gi honga de henua;

Hosea 2:22

gai de henua e basa ange naa gi denga grain ma denga uvaini hoou aama lolo, gai gilaadeu e pasa ange naa gi Jezreel,