Isaiah 61:8 - De Beebaa Dabu

⁸ Gai au, go au go Iahweh, e lodo i de hagamodu muna heohi, au e kino i de gaiaa ma de baubau. Gai au e hagao ange naa alaadeu hegau i hiidinga dogu hai hegau i de mee abodonu, ma de hai dahi hagatoo donu hagaheloongoi dee ngado mai madali gilaadeu.

Isaiah 61:8 Referans Kwoze

Psalm 11:7

Go hiidinga Tagi Maolunga e heohi, ia e lodo mmao i de hagamodu heohi, gai go gilaadeu e heohi e gidee luoono mada.

Jeremiah 9:24

aagai tangada e lodo e tuhi, ia gi duuhia dono donu ange ma dana iloo au, gai go au Tagi Maolunga, de ia e abodonu laa, ma de hai hegau i de hagamodu heohi ma de heohi i henua i lalo, go hiidinga aanei mee oogu e malangilangi ai, go Tagi Maolunga e hagadaba.

Jeremiah 32:40

Gai au e hai naa dahi hagatoo donu hagaheloongoi dee ngado mai madali gilaadeu, au e dee tuu naa donu dagu hai ange tanuaa gi gilaadeu. Gai au e hai naa gilaadeu gi madagu i de au, gi dee daahuli gee ai gilaadeu i de au.

Isaiah 55:3

Huugea oodou dalinga, gai loomai gi de au; goodou hagalaangona agu muna, gi mouli ai goodou. Au e hai naa dahi hagatoo donu hagaheloongoi dee ngado mai madali goodou, i hiidinga dogu hai hegau i de muna abodonu, aama dogu aloha gu hagatoo donu ange laa gi David.

Psalm 37:28

Tagi Maolunga e lodo i de hagamodu muna heohi; gai e dee tili donu ono dangada e hai hegau laa i de muna abodonu. Ia e buibui gilaadeu ga hano ai, aagai hagadiilinga o tangada baubau e llilo naa donu.

Genesis 17:7

Gai au e hai naa dahi hagatoo donu hagaheloongoi e dee ngado mai adu gi de goe, ma doo hagadiilinga e loomai i oo dua, aama olaadeu atangada alodahi, bolo au go doo Maadua aama de Maadua o doo hagadiilinga e loomai i oo dua.

Proverbs 8:20

au e seesee i de haiava o de heohi, ma haiava o de hagamodu heohi,

Psalm 99:4

De Hodooligi e mmahi, gai e lodo i de hagamodu muna heohi; koe gu hagaduu gi makaga de hagamodu muna heohi, gai koe gu hagamodu muna o Jacob i de heohi.

Proverbs 3:6

koe gi manadua ia i mee alodahi aau e hai, gai ia ga dagi ai goe i denga haiava heohi.

Psalm 45:7

Koe e lodo i de mee heohi gai e kino i de baubau. Deenei ai, de Maadua, doo Maadua, gu hai goe gi maolunga ange i oo soa ange laa, i dana hagasulu goe i de lolo o de malangilangi.

Psalm 33:5

Ia e malangilangi i mee heohi ma de hagamodu heohi, gai de abodonu o Tagi Maolunga gu hagadohu henua i lalo alodahi.

2 Samuel 23:5

E aha, e dee aanei dagodo o dogu huaabodu i daho de Maadua? Ia gu hai dahi hagatoo donu hagaheloongoi dee ngado mai madali au, ma de hai gi too donu mee alodahi iai. E aha, ia e dee hai naa gi sula dogu hagaola, ma mee alodahi oogu e lodo ai?

2 Thessalonians 3:5

Gai Tagi Maolunga gi dagina oodou lodo i de aloha o de Maadua aama de golomagi lodo o Klisdo.

Isaiah 5:16

Aagai Tagi o denga hagabuulinga hebagi e hagaamua naa i hiidinga dana hagamodu i de heohi, gai de Maadua dabu e hagaago mai naa bolo ia e dabu i dono heohi.

Psalm 50:5

“Hagabuni ina mai ogu dangada e hai hegau i de muna abodonu, go gilaadeu ne haia dahi hagatoo donu hagaheloongoi madali au ga hagasauaa i dahi ssigidaumaha.”

Psalm 32:8

Au e tala adu naa ma de agoago adu goe i doo haiava e hano ai; au e tala adu naa au mee e hai aama de tilo adu goe.

Matthew 23:13

“E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e pono de nohoanga hodooligi o de langi i dangada. Goodou e dee ulu ai, aagai goodou e buibui hogi dangada e llodo laa e ulu ai! [

Psalm 62:10

Aude hagadonusia denga goloa e hai gi de mahi, aude tali hagalodolodo ange gi denga goloa gaiaa; koe gi dee nnoo ange gi oo goloa, e dee galemu donu de lagolago oo goloa.

Psalm 105:10

Ia ne hai de hainga nei gi too donu ange gi Jacob, ma de hai dahi hagatoo donu hagaheloongoi ange gi Israel ga hano ai:

Isaiah 28:17

Au e hai naa de hagamodu muna heohi go de uga haide mee, gai de heohi go de mee e hagassoe ai muna; denga dibadibaa haisi e oha naa doodou buibui, e hai laa go muna hhadu, gai denga vai e haoli naa doodou mommee mmuni.

Isaiah 30:18

Aagai Tagi Maolunga e tali e abodonu adu gi goodou, ia e baba ange e lodo aloha adu gi goodou. Go hiidinga ia se Maadua e hagamodu muna i de heohi. E manuuia gilaadeu alodahi e daalia ange ia.

Isaiah 54:10

Gai ga aau naa donu ga deai mounga, gai denga duuduu gu hagangalue gee, aagai dogu abodonu adu gi goodou e dee ngalungalue donu, dagu hagatoo donu hagaheloongoi i de nnoho baba e dee tuu naa donu, go Tagi Maolunga e hagadaba, go de ia e lodo aloha adu gi de goe.

Isaiah 56:1

E hagadaba Tagi Maolunga: “Hai hegau i de hagamodu heohi, gai haia de mee heohi, go hiidinga dagu hagaola gu baa mai donu, gai dogu heohi gu dai hagaago mai donu.

Isaiah 66:22

De langi hoou ma henua i lalo hoou aagu e hai e dee llilo naa donu, go Tagi Maolunga e hagadaba; gai e bei ai hogi doo hagadiilinga ma doo ingoo.

Malachi 1:13

Goodou e hagataba bolo ni mee hagadaemaha, gai goodou e hagangadi mee mee nei, go Tagi o denga hagabuulinga hebagi e hagadaba. Goodou e gaamai oodou manu gu lagolagohia, ma oodou manu balagelage, aama manu mmagi e hai ai oodou sigidaumaha. E aha, goodou e maanadu bolo au e malangilangi i de kave mee nei mai i oodou daha? go Tagi Maolunga e hagadaba.

Ezekiel 16:60

Aagai au e ahe ange naa ga hagamaanadu dagu hagatoo donu hagaheloongoi ne hai madali goe i de masavaa oou e gauligi ai, gai au e hai adu naa dahi hagatoo donu hagaheloongoi e dee ngado gi de goe.

Ezekiel 34:25

Gai au e hai naa dahi hagatoo donu hagaheloongoi ange gi de nnoho paba madali gilaadeu, ma de hai gi deai manu lodo henua e loomai gi honga de henua. Gai gilaadeu gu maua i de nnoho paba i de vao ma de sseni i lodo henua.