Isaiah 61:4 - De Beebaa Dabu

⁴ Gilaadeu e aahe ange naa ga hagatuu age mommee gu maoha ma gu ngadi daakodo i denga masavaa gu hulo; gilaadeu e hagaahe age naa denga aduhale gu maoha laa, ma gu ngadi daakodo mai i denga atangada gu hulo.

Isaiah 61:4 Referans Kwoze

Isaiah 58:12

Gai oo dangada e hagatuu age ange naa mommee gu maoha laa ma de hagaahe age tagelo madagidagi, gai koe e hagaingoo ange naa go de ia e hagaahea age de buibui gu maoha laa, ma de ia e hagaahea age denga haiava i de mommee nnoho.

Psalm 46:8

Loomai mage diiloo hegau a Tagi Maolunga, ia gu hai gi ngadi dagodo henua i lalo.

Psalm 74:3

Hannoo seesee i de mommee gu odi laa i de maoha; de hagadaumee gu oha alodahi doo hale dabu!

Isaiah 52:9

Denga mommee i Jerusalem gu ngadi daakodo laa, goodou alodahi hevaalogi daahili i de malangilangi, go hiidinga Tagi Maolunga gu hagaaneane lodo o ono dangada; ia gu hagaola Jerusalem.

Zechariah 1:17

Ahe ange hagailoo ina hagadaba: E hagadaba Tagi o denga hagabuulinga hebagi: Ogu aduhale e aahe ange naa ga hagadagadaga age, gai Tagi Maolunga e ahe ange naa ga hagaaneane Zion ma de hili Jerusalem.”

Ezra 9:9

Gimaadeu gu ni dangada hai hegau donu e dee ilaage; aagai demaadeu Maadua tee tili donu gimaadeu, gai ne hai de hodooligi o Persia gi abodonu mai gi gimaadeu ma de hagaola gimaadeu, gi maua ai e gimaadeu i de hagaahe age de hale o demaadeu Maadua, ma mommee gu maoha laa, aama de buibui gimaadeu i Judah ma Jerusalem.

Micah 7:11

De laangi e hagaduu age ai doo buibui e dae mai naa donu, ma de laangi e hagatolo ai gi daha oo goinga.