Isaiah 60:9 - De Beebaa Dabu

⁹ Ni muna abodonu, denga henua i tagudai e tali hagalodolodo mai gi de au; denga vaga o Tarshish e loomai naa i mua, ma e gaamai au dama i mommee mmao, madali alaadeu selevaa ma goolo, e hagadubu ai de ingoo o Tagi Maolunga doo Maadua, go de Ia Dabu o Israel, go hiidinga ia gu hagamahamaha goe.

Isaiah 60:9 Referans Kwoze

Isaiah 55:5

Tilo, koe e hagahi naa denga huaahenua aau e dee iloo, gai denga huaahenua e dee iloo goe e hagamoolau naa ga loomai gi oo daha, i hiidinga o Tagi Maolunga doo Maadua, go de Ia Dabu o Israel, go hiidinga ia gu hagamahamaha goe.

Isaiah 2:16

ma denga vaga alodahi o Tarshish, ma denga vaga mahamaha alodahi.

Isaiah 51:5

Dogu heohi e moolau naa donu de dae mai, dagu hagaola gu dae mai donu; ssauaa o dogu lima e hagamodu naa muna o denga huaahenua i de heohi. Mommee i tagudai e kalo mai naa gi de au, ma de tali mai ssauaa o dogu lima mmahi.

Isaiah 11:11

De laangi laa gai de Ia Aamua e hagaahe mai naa ono dangada e doe i ssauaa o dono lima, mai i Assyria, ma Egypt, ma Pathros, ma Ethiopia, ma Elam, ma Babylon, ma Hamath, aama mai i denga modu alodahi.

Galatians 4:26

Aagai Jerusalem i de langi laa e ilaage, deenei tinana odaadeu alodahi.

Isaiah 49:1

Denga modu, goodou nnoho mai hagalaangona, denga huaadangada i mommee mmao, goodou hagalaangona de mee nei. I mua dogu haanau, gai Tagi Maolunga ne hagahi au; ia ne hagahi mai dogu ingoo i de masavaa oogu ne haanau ai.

Isaiah 42:10

Daahili ange gi Tagi Maolunga i taahili hoou, duuhia ia i henua i lalo alodahi, go goodou e loiho gi tai, ma mee alodahi i ono lodo, goodou denga mommee i tagudai, ma mee alodahi e mouli i kilaa.

Isaiah 42:4

Ia e dee vasega naa donu aabe baageaa ono lodo, ga dae ai gi dana hagaduu gi makaga de hagamodu muna heohi i henua i lalo. Gai dangada e nnoho i tagudai e tali hagalodolodo go ana hainga.

Galatians 3:26

Go hiidinga goodou alodahi gu ni dama nii de Maadua i doodou kai ange gi Klisdo Iesu.

Acts 9:15

Aagai Tagi Maolunga ne hai ange gi de ia, “Hannoo, ia se daane hai hegau niiagu gu hili gi hagaagona ange au gi denga Gentile, ma denga hodooligi aama de gau Israel;

John 17:26

Au gu tala ange gi iloo e gilaadeu oo dagodo, gai au e duudagi naa donu de hai gi iloo e gilaadeu oo dagodo, gi dagodo ai de aloha oou ne aloha ai laa i de au i olaadeu lodo, gai au ga noho hogi i olaadeu lodo.”

Luke 2:32

ia se maalama e hagaago ange ai gi denga Gentile, ma de hagamahamaha ai oo dangada go de gau Israel.”

Zechariah 14:14

Judah e hebagi naa hogi i Jerusalem. Gai goloa o denga huaahenua alodahi e paa ange gi gilaadeu e hagabudu mai naa: go goolo ma selevaa, aama malo lagolago.

Zephaniah 2:11

Tagi Maolunga e hagalele mouli i dono hai baasi ange gi gilaadeu, i de masavaa aana e oha ai denga diinonga alodahi o de henua. Denga huaahenua alodahi e daumaha ange naa gi de ia, dahi ma dahi i dono henua donu.

Jeremiah 30:19

Gai gilaadeu e daahili naa ga hagaahe ange de abodonu, gai leo o dangada e malangilangi ai e langona naa i kilaa. Gai au e hai naa gi kii ange de soa gilaadeu, gai taelodo o olaadeu dangada e dee kii mai naa donu. Au e hai naa gi hagadubu ina gilaadeu, gilaadeu e dee hagangadi mee ina naa donu.

Jeremiah 3:17

De masavaa laa gai Jerusalem e hagaingoo ange naa go de Nohoanga o Tagi Maolunga, gai denga huaahenua alodahi e hagabuni mai naa gi Jerusalem i mada luu mada o Tagi Maolunga. Gilaadeu gu dee aahe ange e hai de baubau ma de hagamakaga olaadeu lodo.

Isaiah 60:4

Dangage age ma gi galogalo saele mage diiloo: gilaadeu alodahi gu hagabuni e loomai gi oo daha. Au dama daane e loomai naa i de mommee mmao, gai au damaa hine e saabai i honga dono dege.

Isaiah 57:17

Au ne lili i hiidinga dono nnoo hagamau mee; gai au e hagaduasala naa ia, ma de haoli luoogu mada i dogu lili, aagai ia ne duudagi donu huu de hai ono lodo.

Isaiah 43:6

Au e hai ange naa gi denga henua i ngaiho, ‘Dugu gilaadeu gi loomai!’ Au e hai ange naa gi henua i ngaage, ‘Goodou aude daohia gilaadeu.’ Hagaahea mai agu dama daane ma damaa hine mai i henua i lalo alodahi —

Isaiah 43:4

Go hiidinga au e hagamogomogo goe, ma de hagadubu goe, gai go hiidinga au e aloha i de goe, au e gaavange dangada e sui ai goe, ma denga huaadangada e hagaola ai doo mouli.

Proverbs 18:20

Muna a tangada e aahe ange naa donu huu gi de ia; gai ia e kave naa donu hua o ana muna e tala.

Psalm 72:10

Gai denga hodooligi o Tarshish ma denga mommee i tagudai e hagao ange naa taagisese gi de ia; gai denga hodooligi o Sheba ma Seba e gaamai naa denga mee ngadi gaavange gi de ia.

1 Kings 22:48

Gai Jehoshaphat ne hagatuu hanu vaga hagao mee gi hulo gi Ophir gi gaamai ai denga goolo, gai denga vaga laa tee maua donu i de maalanga e hulo, gai gu maoha i Ezion Geber.

1 Kings 10:22

Gai de hodooligi e hanu ono vaga hagao mee e hulo saele madali denga vaga o Hiram. Gai denga dolu ngadau alodahi gai denga vaga laa e gaamai denga goolo, ma selevaa, ma ivory, ma denga monkey, ma peacock.

1 Kings 10:1

Gai ga langona huu e de hine hodooligi o Sheba longo o Solomon, ma dagodo o de ingoo o Tagi Maolunga, gai ia ga humai e hagatale ange dono iloo mee i hanu muna ssili hai ngadaa.

1 Kings 8:41

E bei ai hogi dagodo o tangada henua gee, e dee se dangada Israel aagai ne humai i dahi henua mmao i hiidinga doo ingoo,

Joshua 9:9

Gilaadeu ga hai ange, “Gimaadeu, oo dangada hai hegau, ne loomai i dahi henua mmao, i hiidinga longo o de ingoo o Tagi Maolunga doodou Maadua. Gimaadeu gu langona ono longo ma mee alodahi aana ne hai i Egypt,

Exodus 33:19

Gai Tagi Maolunga ga hai ange, “Au e hai naa ogu dagodo danuaa alodahi gi hano i oo mada i mua, gai au e tala naa dogu ingoo, go Iahweh; au e abodonu ange gi gilaadeu oogu e lodo abodonu ange aagena, gai e lodo aloha ange gi gilaadeu oogu e lodo e aloha ange aagena.”

Genesis 9:27

De Maadua gi hagalaumalie ina de vaaenga o Japheth, gai ia gi noho madali a Shem i lodo ono hale malo, gai Canaan gi se dangada hai hegau niio Japheth.”

Psalm 48:7

Koe gu oha vaga o Tarshish i de madangi mai i dua.

Isaiah 24:15

Deenei ai, hagamahamaha ina Tagi Maolunga i baasi dua; denga modu i honga tai, goodou duuhia de ingoo o Tagi Maolunga, de Maadua o Israel.

Isaiah 49:22

E hagadaba de Ia Aamua go Iahweh, “Tilo, au e aloalohagi ange naa denga huaahenua, ma de hagaduu age dahi hagailonga gi gidee e denga huaadangada; gai gilaadeu e hagauda mai naa oodou dama i olaadeu aloalo, ma de saabai mai oodou damaa hine i honga olaadeu eu.

Isaiah 60:6

Denga hagabuulingaa gamelo e loomai naa ga hhao honga de henua, go gamelo gauligi a Midian ma Ephah. Gai dangada alodahi mai i Sheba e loomai naa; gilaadeu ga gaamai denga goolo ma mee maanongi, ma de tala de tuhi o Tagi Maolunga.

Ezekiel 39:7

Gai au e hai naa gi iloo e ogu dangada, go de gau Israel, dogu ingoo dabu. Au e dee dugu ange naa donu gilaadeu gi hagangadi mee ina dogu ingoo dabu. Gai denga huaahenua e iloo naa bolo go au donu go Iahweh, de Ia Dabu o Israel.

Micah 4:13

Tamaa hine o Zion, hiihidi age dagadagahia, go hiidinga au e hai naa oo hanga gi ni iron gai oo gubu vae gi ni bronze, gai koe ga oha ai gi maoha denga huaahenua soa. Koe e hagadabu ange naa olaadeu goloa gi Tagi Maolunga, gai olaadeu lava e gaavange gi de Ia Aamua o henua i lalo alodahi.

Micah 7:12

De laangi laa, gai dangada e aahe mai naa gi de aduhale mai i Assyria ma denga aduhale o Egypt, ma mai i mommee i Egypt ga hano ai gi Euphrates, aama mai i dahi dai ga hano ai gi tai ange laa ma mai i dahi mounga ga hano ai gi de mounga ange laa.

Psalm 97:1

Go Tagi Maolunga e hodooligi; henua i lalo gi lodo danuaa, gai mommee lagolago i tagudai gi malangilangi.

Isaiah 46:13

au e hai gi baa mai dogu heohi, gai e dee mmao donu; gai dagu hagaola mai e dee mmule donu. Au e hai dagu hagaola gi dagodo i Zion, gai dogu mahamaha i Israel.

Isaiah 66:12

Gai e hagadaba Tagi Maolunga, “Tilo, au e hai naa gi noho baba Jerusalem bei dagodo o dahi saalingaa vai, gai de lava o denga huaahenua e hhao naa ga honu Jerusalem bei ssaalingaa vai gu honu baabaa laa; gai goodou e haau naa ma de saabai i honga dono dege, aama de viivii i honga luu vae.