Isaiah 60:5 - De Beebaa Dabu

⁵ Gai luoo mada e maalama age naa i dau gidee, koe e lodo danuaa naa ma de malangilangi mmao. De lava o honga lausedi e gaavadu naa gi de goe gai de lava o denga huaahenua e gaavadu naa gi de goe.

Isaiah 60:5 Referans Kwoze

Isaiah 61:6

Gai goodou e hagaingoo ange naa go de gau haimeedabu o Tagi Maolunga, gai e hagabinga naa bolo go de gau hai hegau o taadeu Maadua. Goodou e gaimee naa i de lava o denga huaahenua, ma de tala tuhi naa doodou kave olaadeu goloa.

Isaiah 23:18

Gai ana mee e mau ai ma dono hagaoanga e vvae ange naa gi Tagi Maolunga. Tyre e dee maua naa i de hagabudu e doange dono lava. Gai ana mee e maua e gaavange naa e gaimee ai ma de kahu ai gilaadeu e nnoho i mada luu mada o Tagi Maolunga.

Acts 11:17

Noo de Maadua gu gaavange hogi gi gilaadeu de mee ngadi gaavange gu gaamai laa gi gidaadeu, i de masavaa adaadeu ne hagadonu ai Tagi Maolunga go Iesu Klisdo, gai go au goai, gai au ga hai baasi ange ai gi de Maadua?”

Acts 10:45

Aagai de gau Ssuu ne loomai laa madali Peter gu llele mouli i de hano iho hogi o de ngadi gaavange go de Hagasaalunga Dabu gi honga o denga Gentile.

1 Samuel 2:1

Gai Hannah ne dalodalo ga hagadaba, “Ogu lodo e malangilangi mmao i Tagi Maolunga; au e hagaamua Tagi Maolunga i ogu mahi. Au e gadagada i ogu hagadaumee, i hiidinga au gu malangilangi i dau hagaola.

Romans 15:26

De nohoanga dabu i Macedonia ma Achaia ne malangilangi i de daohi age dahi bale, ange gi de gau hagaau aloha i magavaa o dangada o de Maadua i Jerusalem.

Romans 11:25

Denga daina, au e lodo goodou gi tonu ange gi dagodo o de mee nogo dee iloo laa, gi dee hagataba ai goodou bolo goodou e heiangi i doodou hagassoenga: hanu dangada Israel ne hagamakaga olaadeu lodo ga dae ai gi de odi ange taelodo o denga Gentile i de loomai.

Acts 24:17

Dua hanu ngadau, gai au ne ahe mai gi Jerusalem e gaamai hanu mee ngadi gaavange aama ssigidaumaha gi dogu huaahenua.

Hosea 3:5

Muli mai naa huu gai de gau Israel e aahe ange naa ga ssala Tagi Maolunga delaadeu Maadua ma delaadeu hodooligi go David. Gilaadeu e aahe mai naa gi Tagi Maolunga i de maatagu ga kave dono abodonu i denga laangi hagaodi.

Jeremiah 33:9

Gai de aduhale nei e hai naa ga se mee e haia ga malangilangi au, ma de tala tuhi aama de hagadubu au i daho denga huaahenua alodahi o henua i lalo, e langona mee danuaa alodahi aagu gu hai ange gi gilaadeu. Gai gilaadeu e maatagu naa ma de bolebole i hiidinga o mee danuaa alodahi ma dagu hai ga nnoho paba de aduhale.

Isaiah 60:11

Oo haitoga e hhuge naa i masavaa alodahi, gai e dee pono donu i de laangi ma de boo; gai dangada ga gaamai ai gi de goe de lava o denga huaahenua, gai go olaadeu hodooligi e dagina mai gilaadeu.

Isaiah 54:2

Hagalaumalie ina de mommee o doo hale malo, gai doohaa gi madoha malo buibui o doo hale, aude daohia mai, gai hagatolo ina gi daha oo daula, ma de hagatuu gi makaga oo laagau hagamakaga.

Psalm 34:5

Gilaadeu e tali hagalodolodo ange gi de ia e malangilangi; gai gilaadeu e dee dookaa naa donu.

Revelation 21:26

Gai gilaadeu e gaamai naa goloa mahamaha ma de lava o denga huaahenua gi de aduhale laa.

2 Corinthians 10:15

Gai gimaadeu e dee tuhi gimaadeu i hegau a hanu dangada gee, aagai gimaadeu e tali hagalodolodo bolo de masavaa naa huu e hagadagadaga age ai oodou kai, gai amaadeu hegau gu hai i oodou magavaa gu kii ange de somo ga laumalie,

Revelation 21:24

Gai denga huaahenua e seesee i dono maalama, gai denga hodooligi o henua i lalo e gaamai naa olaadeu goloa mahamaha gi de aduhale laa.

Deuteronomy 33:19

Gilaadeu e hagahi naa dangada gi loomai gi delaadeu mounga, gai gilaadeu ga hai ai denga sigidaumaha heohi. Gilaadeu e kave naa mee danuaa i lausedi, ma mee hagamogomogo e danumia laa i lo te gelegele.”

Psalm 119:32

Au e savini i lo te haiava o au hainga, go hiidinga koe gu hai gi donu danuaa ange au.

Isaiah 66:12

Gai e hagadaba Tagi Maolunga, “Tilo, au e hai naa gi noho baba Jerusalem bei dagodo o dahi saalingaa vai, gai de lava o denga huaahenua e hhao naa ga honu Jerusalem bei ssaalingaa vai gu honu baabaa laa; gai goodou e haau naa ma de saabai i honga dono dege, aama de viivii i honga luu vae.

Matthew 25:16

Gai tangada ne gaavee laa e lima talent ne hagamoolau ga hano ga hagao mee i talent laa, gai ia gu maua ange e lima talent.