Isaiah 60:4 - De Beebaa Dabu

⁴ Dangage age ma gi galogalo saele mage diiloo: gilaadeu alodahi gu hagabuni e loomai gi oo daha. Au dama daane e loomai naa i de mommee mmao, gai au damaa hine e saabai i honga dono dege.

Isaiah 60:4 Referans Kwoze

Isaiah 42:6

“Go au go Tagi Maolunga, au ne hagahi goe i de heohi, au e poo naa donu doo lima. Au e tilo adu goe, ma de hai goe gi se hagatoo donu hagaheloongoi ange gi dangada, gai gi se maalama ange gi denga huaahenua;

Isaiah 49:18

Dangage age ma gi diiloo; au dama alodahi gu hagabuni mai gi oo daha. Au e hagatoo donu i dogu mouli, go Tagi Maolunga e hagadaba, “Koe e hai naa gilaadeu alodahi bei mee hagalaagii aau e dau laa; koe e dau naa gilaadeu bei mee hagalaagii o de hine gu dai hai bodu.

Isaiah 43:6

Au e hai ange naa gi denga henua i ngaiho, ‘Dugu gilaadeu gi loomai!’ Au e hai ange naa gi henua i ngaage, ‘Goodou aude daohia gilaadeu.’ Hagaahea mai agu dama daane ma damaa hine mai i henua i lalo alodahi —

Acts 13:44

Gai de laangi huu o Sabbath i ono dua, gai gu dai odi mai donu dangada i de aduhale laa e hagallongo muna a de Maadua.

John 4:35

E aha, goodou e dee hagataba laa, ‘E haa ange malama gai ga dae mai de masavaa o de hagihagi’? Au e hai adu gi goodou, goodou kalo ange diiloo denga veelenga gu lleu donu, gai gu dae donu de masavaa e hagihagi ai.

Matthew 8:11

Au e hai adu gi goodou: dangada soa e loomai naa i dua aama mai i dai ga nnoho madali Abraham, ma Isaac, aama Jacob i de nohoanga hodooligi o de langi.

Isaiah 11:12

Gai ia e hagaduu age naa dahi hagailonga ange gi denga huaahenua, ma de hagabuni mai de gau Israel i denga henua gee; ia e hagaahe mai naa dangada o Judah gu mavaevae saele laa gi denga dege e haa o henua i lalo.

Isaiah 49:12

Tilo, gilaadeu nei e loomai naa i mommee mmao — hanu mai i ngaiho, hanu mai i dai, gai hanu mai i Syene.”

Isaiah 66:20

Gai gilaadeu e hagaahe mai naa oodou daina i denga huaahenua alodahi gi dogu mounga dabu, e hai ai ssigidaumaha ange gi Tagi Maolunga. Gilaadeu e loomai naa i honga denga hoosa ma hada hebagi, ma honga hada ange laa, ma honga denga donkey ma gamelo, bei de hai a de gau Israel e gaamai ai laa alaadeu sigidaumaha grain i lodo gumedi gilimalali gi de hale o Tagi Maolunga, go Tagi Maolunga e hagadaba.

Jeremiah 30:10

Jacob, dogu dangada hai hegau, aude madagu; Israel, koe gi dee manavasaa, go Tagi Maolunga e hagadaba. Tilo, au e hagaola naa donu goe mai i denga mommee mmao, aama oo hagadiilinga mai i henua olaadeu gu gaavee laa aagena. Jacob e ahe ange naa ga nnoho paba ma de duadonu, gai e deai ange naa donu se dangada e hagamadagu ina ia.

Amos 9:14

Au e hagaahe ange naa de manuuia o ogu dangada go de gau Israel. Gai gilaadeu e aahe ange naa ga hagatuu age denga aduhale gu maoha laa ga nnoho ai. Gilaadeu e doo naa denga veelengaa grape ga unu uvaini e hai ai, gilaadeu e doo naa alaadeu veelenga ga gai hua iai.

Micah 7:12

De laangi laa, gai dangada e aahe mai naa gi de aduhale mai i Assyria ma denga aduhale o Egypt, ma mai i mommee i Egypt ga hano ai gi Euphrates, aama mai i dahi dai ga hano ai gi tai ange laa ma mai i dahi mounga ga hano ai gi de mounga ange laa.

Haggai 2:7

Au e hagangalungalue naa denga huaahenua alodahi, gai goloa hagamogomogo o denga huaahenua e gaamai naa gi kinei, gai au e hai naa de hale nei gi mahamaha mmao, go Tagi o denga hagabuulinga hebagi e hagadaba.

Isaiah 14:2

Denga huaadangada e kave naa gilaadeu, ga hagaahe gi delaadeu mommee donu. Gai de gau Israel e henua naa i denga huaahenua, bei denga daane ma haahine hai hegau, i de henua o Tagi Maolunga. Gilaadeu e hagadee kii naa dangada ne hagadee kii ina gilaadeu ma de dagi gilaadeu nogo vaivai haia gilaadeu.

Isaiah 49:17

Oo dangada hagaduu e moolau naa donu de aahe mai, gai gilaadeu ne oohaa de aduhale e hulo gee mai naa i oo daha.