Isaiah 60:3 - De Beebaa Dabu

³ Denga huaahenua e loomai naa gi doo maalama, denga hodooligi e loomai naa gi de sula age o doo maalama.

Isaiah 60:3 Referans Kwoze

Acts 13:47

Go hiidinga deenei de mee a Tagi Maolunga gu tala mai gi gidaadeu, e hagadaba: ‘Au gu hai goe gi se maalama ange gi denga Gentile, gai koe ga kave ai de hagaola gi de bido laa o henua i lalo.’ ”

Isaiah 49:23

Denga hodooligi e tilo adu naa goodou, gai denga haahine hodooligi e haele naa goodou. Gilaadeu e ino gi honga de gelegele i oodou mada i mua, gilaadeu e samusamu laa gelegele i oodou vae. Gai gi iloo ai e goodou bolo go au donu go Iahweh; gilaadeu e haia au go delaadeu tali hagalodolodo e dee dookaa naa donu.”

Revelation 21:24

Gai denga huaahenua e seesee i dono maalama, gai denga hodooligi o henua i lalo e gaamai naa olaadeu goloa mahamaha gi de aduhale laa.

John 12:32

Aagai aanei ogu dagodo, de masavaa naa huu oogu e hagaduu age ai i henua i lalo, gai au ga hai gi loomai dangada alodahi gi de au.”

Isaiah 45:14

E hagadaba Tagi Maolunga: “Goloa o Egypt ma goloa a Ethiopia e hagao, ma denga doa o Seba — gilaadeu e loomai naa gi goodou gai goodou e kave naa olaadeu goloa; gilaadeu e noonoodia naa i denga seeini ga daudali mai ai i oodou dua. Gilaadeu e duuduli naa i oodou mada i mua, ga dangidangi adu naa, ga hai adu, ‘Ni muna abodonu, de Maadua e noho i oodou daha, gai e deai ange donu se maadua abodonu.’ ”

Acts 15:17

gai gi saalaa ai e dangada e doe Tagi Maolunga, aama denga Gentile alodahi gu hagaingoo i dogu ingoo, go Tagi Maolunga donu e hagadaba, go de ia e haia mee nei alodahi

Zechariah 2:11

Denga huaahenua soa e hagabuni mai naa gi daho Tagi Maolunga, i de laangi laa ga hai ai ono dangada. Gai au e noho naa i oodou daha, gi iloo ai e goodou bolo go Tagi o denga hagabuulinga hebagi donu ne haia nei au gi humai gi oodou daha.

Isaiah 49:12

Tilo, gilaadeu nei e loomai naa i mommee mmao — hanu mai i ngaiho, hanu mai i dai, gai hanu mai i Syene.”

Isaiah 11:10

De laangi laa gai de uli o Jesse e duu age naa e hai ai de hagailonga ange gi denga huaadangada; gai denga huaahenua e hagabuni mai naa gi kilaa, gai dono mommee hagammabu e hai naa ga mahamaha.

Psalm 138:4

Tagi Maolunga, denga hodooligi alodahi o henua i lalo gi hagaahe adu de abodonu gi de goe, i delaadeu langona au muna,

Psalm 68:29

I hiidinga doo temple i Jerusalem, denga hodooligi e gaamai naa gi de goe mee ngadi gaavange.

Revelation 11:15

Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”

Luke 24:47

gai de dahuli o de lodo ma de degi ange gi haisala, e agoago ange naa gi denga huaahenua alodahi i dono ingoo, gai e daamada mai i Jerusalem.

Matthew 28:19

Deenei ai, goodou hulo haia gi hanu agu dangada agoago i denga huaahenua alodahi, ga babudaisi gilaadeu i de ingoo o Tamana ma Tama aama de Hagasaalunga Dabu,

Amos 9:12

Gai gilaadeu e kave naa mommee e doe i Edom aama huaahenua alodahi e hagaingoo i dogu ingoo, go Tagi Maolunga e hagadaba, go de ia e hagasula ina de mee nei.

Isaiah 66:12

Gai e hagadaba Tagi Maolunga, “Tilo, au e hai naa gi noho baba Jerusalem bei dagodo o dahi saalingaa vai, gai de lava o denga huaahenua e hhao naa ga honu Jerusalem bei ssaalingaa vai gu honu baabaa laa; gai goodou e haau naa ma de saabai i honga dono dege, aama de viivii i honga luu vae.

Isaiah 60:16

Koe e unu naa vai uu a denga huaahenua, ma de gaimee i gai danuaa a denga hodooligi. Gai koe e iloo naa bolo go au donu go Iahweh, doo Ia Hagaola, go au ne hagaola ina goe, de Ia Mmahi o Jacob.

Isaiah 60:10

De gau henua gee e hagatuu age naa oo buibui, gai olaadeu hodooligi e hai hegau adu naa gi de goe. Gai e dee galemu naa donu dagu hagaduasala goe i dogu lili, aagai au e abodonu adu donu gi de goe i dogu lodo aloha.

Psalm 72:11

Denga hodooligi alodahi gi ino gi lalo i ono mada i mua, denga huaahenua alodahi gi hai hegau ange gi de ia.

Psalm 22:27

Henua i lalo alodahi e manadua, ma de daahuli mai gi Tagi Maolunga; gai aamuli alodahi o denga huaahenua e daumaha adu naa gi de goe.

Psalm 2:10

Deenei ai, denga hodooligi, goodou gi heiangi, dagi o henua i lalo, goodou gi kana ange.

Genesis 49:10

De laagau hodooligi e dee aau gee naa donu i daho Judah, aabe e aau gee togo o tagi mai i magavaa luoono vae, ga dae ai gi de humai o de ia niiona togo laa; gai denga huaahenua e hagallongo ange gi de ia.

Psalm 102:22

i de masavaa o denga huaadangada ma denga hodooligi e hagabuni ai e daumaha ange ai gi Tagi Maolunga.

Isaiah 42:6

“Go au go Tagi Maolunga, au ne hagahi goe i de heohi, au e poo naa donu doo lima. Au e tilo adu goe, ma de hai goe gi se hagatoo donu hagaheloongoi ange gi dangada, gai gi se maalama ange gi denga huaahenua;

Isaiah 45:22

Henua i lalo alodahi, daahuli mai gi de au, gi ola ai goodou; i hiidinga go au donu huu de Maadua, e deai ange donu.

Isaiah 56:8

Gai de Ia Aamua go Iahweh e hagadaba, go de ia e hagabuni ina mai de gau Israel gu i denga henua gee: “Au e hagabuni mai naa hogi de gau ange laa, gi daho olaadeu aagu gu lava laa i de hagabuni mai.”

Isaiah 62:2

Gai denga huaahenua e gidee naa doo heohi, denga hodooligi alodahi e gidee naa doo mahamaha; gai koe e kave naa dahi ingoo hoou, go de ngudu donu o Tagi Maolunga e gaavadu doo ingoo.

Psalm 102:16

Go hiidinga Tagi Maolunga e ahe ange naa ga hagaduu age Zion; ia e hagasula mai naa i dono mahamaha.