Isaiah 60:2 - De Beebaa Dabu

² Tilo, de gohu gu haoli henua i lalo, gai de gohu boo dangodango gu haoli denga huaadangada; aagai Tagi Maolunga e humai naa gi oo elunga, gai dono mahamaha e gidee naa i oo daha.

Isaiah 60:2 Referans Kwoze

Colossians 1:13

Ia ne hagaola gidaadeu mai i lalo ssauaa o de gohu ma gu hagaulu gidaadeu i de nohoanga hodooligi o dana Dama Daane hagamogomogo,

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.

Acts 26:18

gi maahuge ai olaadeu mada, ma de hulo gee i de gohu ga daudali i de maalama, aama de hulo gee mai i lalo ssauaa o Satan ga daudali ange i de Maadua, gai ia ga degi ange ai gi olaadeu haisala gai gilaadeu gu dau madali gilaadeu gu vvae gee i de kai i ogu lodo.’

Malachi 4:2

Aagai dagodo o oodou dangada e hagadubu ina laa dogu ingoo: de laa o de heohi e sobo age naa ma ono gavegave e hagaieiangi ina laa dangada. Gai goodou e ssao naa ga hulo i de malangilangi, bei denga kaau gauligi gu hagassao mai laa i lo te buibui.

2 Corinthians 3:18

Gai gidaadeu alodahi gu aau gee laa de mee e haolia laa odaadeu mada, gu gidee de mahamaha o Tagi Maolunga, bei de hai e gidee ai laa de ada i lo te galaasa dilodilo, gai e sui ma e hagadagodo ange gi ono dagodo e hagadaga ange de mahamaha, gai de mee nei se mee mai i daho Tagi Maolunga, se Hagasaalunga laa.

Acts 17:23

I hiidinga de masavaa oogu ne hagadaga ai ga tilo oodou mee e daumaha ange aagena, gai au ne gidee dahi mommee o ssigidaumaha e sisi ange aagena muna nei: ‘Ange gi de Maadua e dee iloo laa’. Gai goodou e dee iloo donu dagodo o de mee oodou e daumaha ange naa aagena — gai au e tala adu gi iloo ai e goodou.

Acts 14:16

Madagidagi gai ia ne dugu ange denga atangada alodahi gi haia olaadeu lodo.

John 8:55

Goodou e dee iloo ia, gai au e iloo donu ia. Noo au e hagadaba bolo au e dee iloo ia, gai au gu se dangada hadu muna bei oodou dagodo, aagai au e iloo donu ia ma de daohi ana muna.

John 1:18

Tigi ai donu se dangada ne gidee de Maadua; go de Maadua e dahi laa donu huu, go de ia e noho i gaogao o Tamana, ia gu hagaagona mai Tamana gi gidaadeu.

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

Ezekiel 10:4

Gai de mahamaha o Tagi Maolunga gu hagamalanga age mai i honga denga cherubim laa ga hano gi ma te haitoga o de temple; gai de giliiga gu hhao ga honu lo te temple, gai lo te buibui laa gu honu i de maalama o de mahamaha o Tagi Maolunga.

Numbers 16:19

Gai Korah ne hai gi loomai de hagabuulingaa dangada alodahi gi de haitoga o de hale malo hagabuni, gi hagadaumee ange ai gi luu daane laa. Gai de mahamaha o Tagi Maolunga gu hagasula ange gi de hagabuulingaa dangada laa.

Leviticus 9:23

Gai Moses ma Aaron ne hulo ga ulu gi lo te hale malo hagabuni; gai de masavaa olaau ne ssao mai ai gai gilaau ga hagamanuuia de huaadangada, gai dangada gu gidee de mahamaha o Tagi Maolunga.

John 1:1

De Muna gu dahi donu i taamada, gai de Muna gu noho huu madali de Maadua, gai de Muna go de Maadua donu.

Matthew 23:19

Goodou ni dangada donu dee kide! Dee hee de mee hagamogomogo, go de mee ngadi gaavange, aabe go de mommee o ssigidaumaha e haia laa ga dabu de mee ngadi gaavange?

Matthew 15:14

Goodou aude anga ange, gilaadeu ni dagi e dee kide, e dagina de gau dee kide. Noo dahi dangada dee gide e dagidahi dangada dee gide, gai gilaau ngaadahi e too ange donu gi dahi geelinga.”

Jeremiah 13:16

Hagamahamaha ina Tagi Maolunga doodou Maadua i mua dana gaamai de gohu, ma mua doodou baakuu i honga denga mounga gohu. Goodou e tali gi humai de maalama, aagai ia e hai gi kona de gohu, ma de hai gi gohu boo dangodango.

Psalm 80:1

De Ia Hagaloosi o Israel, hagalaangona amaadeu muna, koe, de ia e dagina Joseph bei de hagabuulingaa ssiibi! go koe, de ia e noho laa i magavaa o luu cherubim, hagaagona mai doo mahamaha.

1 Kings 8:11

gai de gau haimeedabu gu dee maua i de tuu i kilaa e hai ai alaadeu hegau i de hagausinga laa; go hiidinga de mahamaha o Tagi Maolunga gu hhao ma gu honu de hale o Tagi Maolunga.

Matthew 23:24

Goodou ni dagi e dee kide! Goodou e nonu de namu, gai e holo de gamelo!

Psalm 102:16

Go hiidinga Tagi Maolunga e ahe ange naa ga hagaduu age Zion; ia e hagasula mai naa i dono mahamaha.

Isaiah 2:5

Loomai, goodou dangada o Jacob, gidaadeu ga seesee i de maalama o Tagi Maolunga!

Isaiah 4:5

Gai Tagi Maolunga e gaamai naa gi honga de mounga go Zion, ma honga o dangada alodahi gu hagabuni i kilaa de hagausinga i de laangi, gai de boo go de useahi ma de ahi ula; gai de mahamaha e haoli naa de mommee laa alodahi bei de hale malo.

Isaiah 58:10

gai noo koe e haangai anga gilaadeu e hiikai ma de gaavange au mee gi gilaadeu e duasala laa, gai doo maalama e sula age naa i lo te gohu, gai de gohu i oo daha e bei naa de maalama o lo te laangi.

Isaiah 66:11

Goodou e bei naa dagodo o de gaagaa gu haau ma gu bosu ma de hagaaneane i de gaanuunu o dono dinana; goodou e unuunu naa ga boobosu ma de malangilangi i mee lagolago o aduhale laa.”

Isaiah 8:22

Gai gilaadeu e kalo ange naa ga tilo henua i lalo, gai gilaadeu e gidee naa donu huu de hai ngadaa, ma de gohu aama de gohu hagamaatagu. Gai gilaadeu e hai naa gi nnoho i lo te gohu boo dangodango.

Isaiah 58:8

Gai doo maalama e sula age naa bei de maalama o taiao, gai doo ieiangi e moolau naa donu de dae mai; doo heohi e hano naa i oo mada i mua, gai de mahamaha o Tagi Maolunga e buibui mai naa oo dua.

Isaiah 62:1

Au e dee hagapuni naa donu dogu ngudu i hiidinga o Zion, au e dee tuu naa donu dogu basa i hiidinga o Jerusalem, ga dae ai gi de sula age dono heohi bei de maalama o taiao, dono hagaola e bei de lama gu haula laa.