Isaiah 60:13 - De Beebaa Dabu

¹³ De mahamaha o Lebanon e gaamai naa gi de goe, go denga pine ma fir, aama cypress, e hagamahamaha ai dogu mommee dabu; gai au e hai naa gi mahamaha de mommee e dugu ange aagena luoogu vae.

Isaiah 60:13 Referans Kwoze

Isaiah 35:2

gai ono hua manu e aala naa; gai e oo naa ga malangilangi ma de lodo danuaa. Gai e mahamaha naa bei Lebanon, ma de maolunga o Carmel ma Sharon. Gai dangada e gidee naa de mahamaha o Tagi Maolunga, ma de maolunga o taadeu Maadua.

1 Chronicles 28:2

Gai de hodooligi ga duu age ga hai ange, “Ogu daina ma ogu dangada, goodou hagalaangona agu muna. Au gu lodo e hagaduu dahi hale e dugu ai de ngavesi o de hagatoo donu hagaheloongoi a Tagi Maolunga, go de mommee e dugu ange aagena luu vae o taadeu Maadua; gai au ne hagadabena mee e hagaduu ai.

Psalm 132:7

“Gidaadeu ga hulo gi dono mommee e noho ai; gidaadeu ga ino e daumaha i gaogao de mommee e dugu ange aagena luoono vae.”

Psalm 96:6

De mahamaha ma ssauaa i ono mada i mua; de mmahi ma de mahamaha e hhao dono mommee dabu.

Isaiah 66:1

E hagadaba Tagi Maolunga: “De langi go dogu nohoanga, gai henua i lalo go de mommee e dugu ange aagena luoogu vae. Gai i hee iai de hale oodou e hagaduu moogu? Gai i hee iai dogu mommee e hagamabu ai?

Isaiah 55:13

Gai gu dee ni manu daladala e ssomo ai, gai gu ni pine; gu dee ni manu dabeo e ssomo ai, gai gu ni myrtle. De mee nei se mee e hagamaanadu ai de ingoo o Tagi Maolunga, gai se hagailonga e dee ngado mai, gai e dee haihai naa donu ga lilo.

Ezra 7:27

Duuhia Tagi Maolunga, de Maadua o odaadeu dubuna madagidagi, i dana gaavange gi lodo o de hodooligi gi haia gi mahamaha de hale o Tagi Maolunga i Jerusalem;

Psalm 99:5

Hagaamua ina Tagi Maolunga taadeu Maadua, gai ino i gaogao luoono vae daumaha ange gi de ia! Ia e dabu mmao.

Isaiah 60:7

Denga hagabuulingaa ssiibi alodahi o Kedar e hagabudu naa ga gaamai gi de goe, denga ssiibi daane o Nebaioth e hai hegau adu naa gi de goe; gilaadeu e hai naa denga sigidaumaha hagamalangilangi i honga dogu mommee o ssigidaumaha, gai au e hai naa gi mahamaha dogu temple.

Ezekiel 47:7

Gai de masavaa oogu ne ahe ai gi gabugabu o de vai laa, gai au gu gidee denga manu ssomo lagolago mmao e ssomo i luu baasi de vai laa.

2 Chronicles 2:15

Gai koe gaamai denga wheat ma barley, ma lolo ma uvaini aau gu hagatoo donu bolo e gaamai gi gimaadeu oo dangada hai hegau,