Isaiah 60:1 - De Beebaa Dabu

¹ ⌊Jerusalem,⌋ hidi age, haia gi maalama goe, gu dae mai doo maalama, gai de mahamaha o Tagi Maolunga ga hagamaalama goe.

Isaiah 60:1 Referans Kwoze

Ephesians 5:14

go hiidinga mee alodahi gu hagaago mai i de maalama gu gidee. Deenei ai, gu tala e hai ange, “Tangada goi seni, alahage, gai mouli age mai i de magau, gai Klisdo ga hagamaalama goe.”

Ephesians 5:8

Go hiidinga i mua goodou e gohu, gai iainei goodou gu maalama i lodo o Tagi Maolunga; deenei ai, goodou mouli bei dagodo o dama a de maalama,

John 8:12

Gai Iesu ga ahe ange ga basa ange gi gilaadeu, ga hai ange, “Go au de maalama o henua i lalo. Tangada e daudali mai i de au e dee seesee i de gohu, gai ia e hagamaalama i de maalama o de mouli.”

Isaiah 58:8

Gai doo maalama e sula age naa bei de maalama o taiao, gai doo ieiangi e moolau naa donu de dae mai; doo heohi e hano naa i oo mada i mua, gai de mahamaha o Tagi Maolunga e buibui mai naa oo dua.

John 12:46

Au ne humai e hai ai de maalama o henua i lalo, gai be goai e hagadonusia au gai ia e dee noho donu i lo te gohu.

Matthew 5:16

Goodou haia gi gidee e dangada de maalama i oodou daha naa, gai gi gidee ai e gilaadeu oodou hegau danuaa, gai gilaadeu ga tuhi ai doodou Damana i de langi laa.

Malachi 4:2

Aagai dagodo o oodou dangada e hagadubu ina laa dogu ingoo: de laa o de heohi e sobo age naa ma ono gavegave e hagaieiangi ina laa dangada. Gai goodou e ssao naa ga hulo i de malangilangi, bei denga kaau gauligi gu hagassao mai laa i lo te buibui.

John 1:9

De maalama abodonu e hagamaalama ina laa dangada alodahi ne humai gi henua i lalo.

Revelation 22:5

Gai e deai naa donu se boo i kilaa. Gai dangada i kilaa e dee hagamaalama hogi i de laama aabe go de maalama o de laa, go hiidinga Tagi Maolunga de Maadua go de maalama e hagamaalama ina gilaadeu, gai gilaadeu e hodooligi naa ga hano ai e dee ngado mai.

1 Peter 4:14

Noo goodou e hagadookaa ina i hiidinga de ingoo o Klisdo, gai goodou gu manuuia, go hiidinga de Hagasaalunga o de mahamaha, e bei go de Hagasaalunga o de Maadua, e noho i oodou elunga.

Philippians 2:15

gi dee haisala ai goodou, gai gi gilimalali bei dagodo dama a de Maadua e heohi abodonu laa, i doodou nnoho i magavaa o de atangada baubau ma de hai alaadeu hai, gai goodou gi ni mee e hagamaalama ina dangada, bei dagodo o denga heduu e hagamaalama ina laa lo te langi i lunga,

Revelation 21:23

Gai e deai hogi se laa aabe se maasina o de aduhale laa, i hiidinga go de mahamaha o de Maadua e hagamaalama ina kilaa, gai de laama e hagamaalama ina kilaa go Ssiibi Gauligi.

Matthew 4:16

dangada e nnoho i lo te gohu gu gidee e gilaadeu dahi maalama laumalie; gilaadeu e nnoho i de henua o de malu o de magau, de maalama gu hagasula ange gi gilaadeu.”

Isaiah 9:2

Dangada e seesee i lo te gohu e gidee naa dahi maalama laumalie; gai gilaadeu e nnoho i de henua gohu boo dangodango, de maalama e sula ange naa gi gilaadeu.

John 3:19

Gai deenei de mee gu modu: de maalama ne humai gi henua i lalo, aagai dangada e kii de gohu i delaadeu llodo ai i de maalama, i hiidinga alaadeu hegau e baubau.

Luke 2:32

ia se maalama e hagaago ange ai gi denga Gentile, ma de hagamahamaha ai oo dangada go de gau Israel.”

Revelation 21:11

Gai de mahamaha o de Maadua i kilaa, e malamalama bei dahi hadu hagamogomogo mmao, bei de jasper, ma de masalaba bei de crystal.

Psalm 87:3

De aduhale o de Maadua, gu lagolago mee gu tala hagadanuaa ai oo dagodo! Selah

Psalm 102:16

Go hiidinga Tagi Maolunga e ahe ange naa ga hagaduu age Zion; ia e hagasula mai naa i dono mahamaha.

Isaiah 2:5

Loomai, goodou dangada o Jacob, gidaadeu ga seesee i de maalama o Tagi Maolunga!

Isaiah 4:5

Gai Tagi Maolunga e gaamai naa gi honga de mounga go Zion, ma honga o dangada alodahi gu hagabuni i kilaa de hagausinga i de laangi, gai de boo go de useahi ma de ahi ula; gai de mahamaha e haoli naa de mommee laa alodahi bei de hale malo.

Isaiah 24:23

De masavaa laa gai de maasina e senga ange naa, gai de laa e dogaa naa, go hiidinga Tagi o denga hagabuulinga hebagi e hodooligi naa i honga de mounga go Zion aama Jerusalem, gai ia e hagamahamaha naa i madamada o denga daane maatua o Jerusalem.

Isaiah 28:5

De laangi laa gai Tagi o denga hagabuulinga hebagi e hai naa go de hau mahamaha, gai se hau ua mahamaha ange gi ono dangada e doe laa.

Isaiah 35:2

gai ono hua manu e aala naa; gai e oo naa ga malangilangi ma de lodo danuaa. Gai e mahamaha naa bei Lebanon, ma de maolunga o Carmel ma Sharon. Gai dangada e gidee naa de mahamaha o Tagi Maolunga, ma de maolunga o taadeu Maadua.

Isaiah 42:6

“Go au go Tagi Maolunga, au ne hagahi goe i de heohi, au e poo naa donu doo lima. Au e tilo adu goe, ma de hai goe gi se hagatoo donu hagaheloongoi ange gi dangada, gai gi se maalama ange gi denga huaahenua;

Isaiah 66:11

Goodou e bei naa dagodo o de gaagaa gu haau ma gu bosu ma de hagaaneane i de gaanuunu o dono dinana; goodou e unuunu naa ga boobosu ma de malangilangi i mee lagolago o aduhale laa.”

Isaiah 62:1

Au e dee hagapuni naa donu dogu ngudu i hiidinga o Zion, au e dee tuu naa donu dogu basa i hiidinga o Jerusalem, ga dae ai gi de sula age dono heohi bei de maalama o taiao, dono hagaola e bei de lama gu haula laa.

Isaiah 62:2

Gai denga huaahenua e gidee naa doo heohi, denga hodooligi alodahi e gidee naa doo mahamaha; gai koe e kave naa dahi ingoo hoou, go de ngudu donu o Tagi Maolunga e gaavadu doo ingoo.

Ezekiel 43:4

Gai de mahamaha o Tagi Maolunga ne ulu mai gi lo te temple i de haitoga i de baasi gi dua.