Isaiah 6:8 - De Beebaa Dabu

⁸ Gai au ne langona de leo o de Ia Aamua laa e hagadaba, “Goai aagu e hai gi hano? Gai goai e suuia gimaadeu e hano ai?” Gai au ga hai ange, “Deenei au, haia au gi hano!”

Isaiah 6:8 Referans Kwoze

Ephesians 3:8

Gai dagu hai go au hugadoo e maolalo i dangada o de Maadua alodahi, aagai tuuhanga nei ne gaamai gi de au i dono abodonu, gai au ga agoago ange ai denga Gentile, i dagodo de lava o Klisdo e dee maua laa i de tala ono dagodo,

Acts 22:21

Aagai ia ne hai mai gi de au, ‘Hannoo, au e hai goe gi hano gi daho denga Gentile i de mommee mmao.’ ”

Isaiah 65:1

“Au gu baba ange e hagaago ange au gi dangada e tee siilia ogu dagodo; gai gilaadeu tee saalaa au e gidee naa e gilaadeu au. Gai au e hai ange naa gi de huaahenua tee dalodalo i dogu ingoo, ‘Deenei au, deenei au!’

Acts 20:24

Aagai au e dee hagamogomogo donu dogu mouli, aabe e hai gi se mee e dau, gi maua ai e au i de hagalava de hagatau ma dagu duuhanga hegau mai i daho Tagi Maolunga go Iesu, go de tala hagadonu de longo danuaa, go dagodo de abodonu o de Maadua.

Genesis 1:26

Gai de Maadua ga hagadaba, “Gidaadeu ga hai tangada gi bei odaadeu hagadulagi ma odaadeu dagodo donu; gai gilaadeu ga dagi ai denga mamu i lausedi, ma manu llele i lo te moana i lunga, ma manu haangai, ma manu lodo henua alodahi, ma manu vaaligiligi e nnoho ma de tolo saele i honga de gelegele.”

Genesis 11:7

Loomai, gidaadeu ga loiho e hai gi dee heloongoi gilaadeu i alaadeu muna, gi dee maua ai e dahi i de donu ange gi muna a tangada ange laa.”

Ezekiel 1:24

Gai de masavaa naa huu olaadeu e ngaalue ai, gai au gu langona bolo de gabagaba olaadeu bakau e bei de ngolo o denga vai mmilo, bei de leo o de Ia Mmahi Mmao laa, ma de hagalongaa o dahi hagabuulinga hebagi. Gai de masavaa naa huu olaadeu ne tuu ai, gai gilaadeu ga dugu iho olaadeu bakau.

1 Kings 22:20

Gai Tagi Maolunga ne ssili ange, ‘Goai e maua i de hano e usuusu ina ange Ahab, gi hano gi hebagi ange gi Ramoth i Gilead, gi magau ai ia i kilaa?’ Gai ne dagodo geegee muna a denga dangada de langi ne pasa ange ai.

Ezekiel 10:5

Gai de gabagaba o bakau o denga cherubim laa gu langona i tua de buibui, gai e bei de leo o de Maadua Mmahi Mmao laa i de masavaa oona e basa ai.

Genesis 3:22

Gai Tagi Maolunga go de Maadua ga hagadaba, “Tilo, tangada gu bei odaadeu dagodo, ia gu iloo ngaadahi tanuaa ma de baubau. Deenei ai, e hagamanavasaa noo ia e hhagi hogi ga gai hua o de manu o de mouli, gai ia e mouli ga hano ai e dee ngado mai.”

Acts 9:4

Gai ia gu doo iho gi honga de gelegele, gai ia gu langona dahi leo e hai ange gi de ia, “Saul, Saul, gu aha goe gu vaivai hai ai nei au?”

Acts 26:19

“Deenei ai, de hodooligi go Agrippa, au tee hagangadi mee donu de midi hagaago ange mai i de langi.

1 Samuel 3:4

Gai Tagi Maolunga ne hagahi Samuel, gai Samuel ga hai ange, “Deenei au!”

Ezekiel 9:1

Gai au gu langona ia e oo i de leo laumalie ma e hagadaba, “Loomai, goodou e de gau e oohaa de aduhale, dahi ma dahi gi humai ma ono goloa hebagi e poo i dono lima.”

Genesis 22:1

Dua mee nei, gai de Maadua ne hagatale de gai o Abraham. Gai ia ga hai ange gi de ia, “Abraham!” Abraham ne hai ange, “Deenei au.”

Genesis 22:11

Aagai tangada de langi o Tagi Maolunga ga hagahi mai ia i de langi, ga hai ange, “Abraham! Abraham!” Gai ia ga hai ange, “Deenei au.”

2 Samuel 1:7

Gai ia ne gidee au i de masavaa oona ne huli dua ai, gai ia ga hagahi mai au. Gai au ga hai ange, ‘Deenei au.’