Isaiah 6:13 - De Beebaa Dabu

¹³ Gai ga dahi naa donu huu diba i diba e madaangahulu o dangada e doe i de henua, gai e ahe ange naa donu ga ngadi dagodo. Aagai e bei naa de terebinth ma de oak e sele iho laa gai olaau daahido e tuu i honga de gelegele, gai de uli dabu laa go tahido donu i honga de henua laa.”

Isaiah 6:13 Referans Kwoze

Genesis 22:18

Gai denga huaahenua alodahi o henua i lalo e manuuia naa i hiidinga o doo hagadiilinga, go hiidinga koe ne daudali i agu muna.”

Ezra 9:2

Gilaadeu gu kave hanu alaadeu damaa hine ma gu hai ai olaadeu bodu ma de hai ai bodu o alaadeu dama daane, gilaadeu gu hai ma gu hilo de huaadangada dabu ma dangada o de henua. Gai go denga dagi ma de gau aamua ne damadaa de hai de hegau hakino gee nei.”

Mark 13:20

Gai noo Tagi Maolunga e dee hai gi podo denga laangi laa, gai e deai naa donu se dangada e ola. Aagai ia e hai naa gi podo laangi laa, i hiidinga o dangada gu lava laa i dana hili.

Malachi 2:15

E aha, e dee go de Maadua ne haia gooluu gi dahi? De angaanga ma de hagasaalunga ni mee niiana. Gai se aha a de Maadua e ssala? Go denga hagadiilinga dabu. Deenei ai, goodou dagidiiloo dagodo o oodou lodo, goodou gi dee oohaa de hagatoo donu ange gi doo bodu mai i doo masavaa e dama daane ai.

Isaiah 1:9

Noo Tagi o denga hagabuulinga hebagi tee hagaola hanu odaadeu momo dangada, gai gidaadeu ne bei donu dagodo o Sodom, gidaadeu gu bei dagodo o Gomorrah.

Romans 9:5

Gai go gilaadeu hogi hagadiilinga o denga dubuna madagidagi, gai Klisdo se mogobuna niiolaadeu, gai go ia de Maadua i honga mee alodahi, gai gi duuhia ia ga hano ai! Amen.

Isaiah 4:3

Gai tangada e doe i Zion ma de noho i Jerusalem e hagabinga naa bolo e dabu, go dangada alodahi gu daohi olaadeu ingoo bolo e mouli i Jerusalem.

Matthew 24:22

Gai noo laangi laa e dee hai gi podo, gai e deai donu se dangada daudahi e ola. Aagai laangi laa e hai naa gi podo i hiidinga o dangada gu lava laa i de hili.

Deuteronomy 7:6

Go hiidinga goodou se huaadangada gu hagadabu ange gi Tagi Maolunga doodou Maadua. Gai Tagi Maolunga doodou Maadua ne hili goodou, mai i magavaa o dangada alodahi o henua i lalo e hai ai dono huaadangada hagamogomogo.

Isaiah 11:1

Dahi uli e matili age naa i tahido o Jesse; gai dahi laa e somo age naa i dono dahido ga hua.

Ezekiel 6:8

Aagai au e dugu naa hanu goodou gi ola; hanu goodou e ola mai i de gadilaasa, i doodou masavaa e mavaevae saele ai i denga huaahenua, ga nnoho i olaadeu henua.

Amos 5:3

E hagadaba de Ia Aamua go Iahweh: “E hulo naa e mano daane mai i de aduhale, gai e lau naa donu huu daane e doe ai, gai e lau naa daane e hulo mai i de aduhale, gai e dinoangahulu naa donu huu e doe ai.”

Zechariah 13:8

E hagadaba Tagi Maolunga: E lua naa diba i diba e dolu o dangada e daa ga maakau i honga de henua alodahi, gai dahi diba i diba e dolu e doe.

Deuteronomy 28:62

Goodou ni dangada e soa bei de lagolago o denga heduu i lo te langi, gai e sogoisi naa donu huu dangada e doe, i hiidinga koe tee hagallongo ange gi muna a Tagi Maolunga doo Maadua.

Ezra 9:8

Aagai iainei Tagi Maolunga demaadeu Maadua ne abodonu mai gi gimaadeu, i dahi damaa masavaa, ia ne hai gi hanu gimaadeu e doe, ma de gaamai gi gimaadeu dahi duulanga i dono mommee dabu. Demaadeu Maadua ne hai gi ilaage gimaadeu ma de ola mai i omaadeu hagaduasala.

Micah 5:6

gi dagina de henua go Assyria i de gadilaasa, ma de henua o Nimrod i de gadilaasa. Ia e hagaola naa gidaadeu mai i de gau Assyria i dono masavaa e gage mai ai gi honga taadeu henua ma de humai gi lodo odaadeu goinga.

Zephaniah 3:12

Aagai au e dugu naa i oo daha gilaadeu e duasala ma de hagaau aloha, go gilaadeu e hagadonusia de ingoo o Tagi Maolunga.