Isaiah 59:18 - De Beebaa Dabu

¹⁸ Gai ia e hagao ange naa gilaadeu gi bei alaadeu hegau, ma de bole ange gi ono hagadaumee, ma de hagao ange hegau a dangada e kino i de ia; gai ia e sui ange naa hegau a dangada e nnoho i tagudai.

Isaiah 59:18 Referans Kwoze

Jeremiah 17:10

Gai au, Tagi Maolunga, e tilo dagodo o de lodo ma de hagatale maanadu a tangada, au e hagao ange naa gi bei dagodo hegau a dahi.”

Isaiah 63:6

Au ne dagadagahi denga huaahenua i dogu lili, gai ne hai gilaadeu gi ssenga i dogu bole; au ne llingi olaadeu dodo gi honga de gelegele.”

Romans 2:6

Gai ia e hagamodu naa muna o dahi ma dahi gi bei dagodo o ana hegau:

Matthew 16:27

Gai Tama a Tangada e humai naa i de mahamaha o dono Damana, madali ono dangada de langi, gai ia ga hagao ange ai gi bei dagodo hegau a dahi ma dahi.

Nahum 1:2

Tagi Maolunga e lodo gaiaa, gai se Maadua e sui ange de baubau; Tagi Maolunga e sui ange baubau o ono hagadaumee. Tagi Maolunga e sui ange hegau a ono hagadaumee, ma de hagaduasala gilaadeu e kino i de ia i dono bole.

Luke 21:22

Gai aanei laangi o de hagaduasala e hagassula ai mee alodahi gu lava laa i de sisi.

Lamentations 4:11

Tagi Maolunga gu bole mmao, ia gu hagahai hegau dono lili, Ia gu dahu dahi ahi i Zion e dudu ai de aduhale alodahi.

Isaiah 66:15

Tilo, Tagi Maolunga e humai naa madali de ahi, gai ono hada hebagi e bei dahi sio; ia e hagahai hegau naa dono lili i dono bole, gai dana hagasee e hai naa madali de ahi ula.

Isaiah 63:3

“Go au donu huu ne dagadagahi denga grape i de mommee kumi uvaini; gai teai donu se dangada mai i de huaadangada madali au. Au ne dagadagahi gilaadeu i dogu lili ma de hagaduasala gilaadeu gi lalo i dogu bole; gai olaadeu dodo ne ssii age gi ogu malo, gai ogu malo alodahi gu baalau hogi i dodo.

Isaiah 1:24

Deenei ai, de Ia Aamua, Tagi o denga hagabuulinga hebagi, de Ia Mmahi o Israel, e hagadaba: “E vakaa naa ogu hagadaumee, au e hagaduasala naa gilaadeu i dogu bole, ma de sui ange hegau a dangada e kino i de au.

Psalm 62:12

gai koe, de Ia Aamua, e lodo aloha mmao. Koe e sui ange mee a tangada gu hai gi bei dagodo o ana hegau.

De Beebaa go Job 34:11

Gai ia e hagao ange tangada gi bei dagodo o ana hegau, ia e hai gi aahe ange donu huu gi tangada ana hegau.

Revelation 19:15

Gai ia e hagadee kii denga huaahenua i de gadilaasa kangi baasi lua e sao mai laa i lo tono ngudu, ma de dagi gilaadeu i togo iron. Gai ia e dagadagahi naa denga grape ga hai gi ssali mai ai uvaini o de bole laumalie o de Maadua Mmahi Mmao laa.

Revelation 16:19

Gai de aduhale laumalie laa gu vvae dolu, gai aduhale o denga huaahenua gu maoha. Gai de Maadua gu manadua dagodo o Babylon maolunga laa, ga hai de aduhale laa gi unumia mee i lo te ubu o dono bole.

Luke 19:27

Aagai goodou gaamai gilaadeu e dee llodo laa au gi hodooligi i gilaadeu, gai daia gi maakau i ogu mada i mua.’ ”

Ezekiel 38:18

Aagai aanei mee e hai i de masavaa laa: de laangi o Gog e hebagi ange ai gi de henua go Israel, gai au e hagasula naa dogu lili, go de Ia Aamua go Iahweh e hagadaba.

Ezekiel 6:12

Tangada i de mommee mmao e magau naa i denga mee hagamaakau, tangada i de mommee e baa mai e daia naa ga magau i de gadilaasa, gai tangada e ola mai i mee nei e magau naa i de onge. Gai au e hagaduasala naa gilaadeu i dogu lili.

Ezekiel 5:13

Gai dogu lili e sili naa, dogu bole i gilaadeu e helui naa, gai au e hagasili naa ogu lodo. Gai gi iloo ai e gilaadeu bolo go au donu go Iahweh ne tala muna nei i dogu lodo mmahi.

Jeremiah 50:29

Hagahia gilaadeu e damaa tili gi hebagi ange ai gi Babylon, go gilaadeu e dilia denga mee hholu. Gilaadeu gi holiagina de henua laa, gai gi dee dugua donu dahi dangada daudahi gi ola. Hagao ina ange ana hegau baubau; gai suuia ange gi bei ana hegau gu hai. Go hiidinga de henua laa gu hagamaolunga i Tagi Maolunga, de Ia Dabu o Israel.

Leviticus 26:28

gai au e hai baasi adu naa gi goodou i dogu lili, ma de hagaduasala goodou gi hidu hanonga e kii ange ai i hiidinga oodou haisala.

Deuteronomy 7:10

Aagai e moolau naa donu dana sui ange hegau a dangada e kino i de ia, ga daa gilaadeu gi maakau.

Isaiah 35:4

hai ange gi gilaadeu e manavasaa olaadeu lodo, “Goodou llodo mmahi, goodou gi dee maatagu; tilo, doodou Maadua e humai naa e sui ange de baubau, doodou Maadua e hagao ange naa alaadeu hegau, ia e humai naa ga hagaola goodou.”

Isaiah 40:10

Tilo, de Ia Aamua go Iahweh e humai naa i ssauaa, gai ia ga hodooligi i dono lima mmahi. Tilo, ia e gaamai ana hagaoanga madali ia, ma mee e hagao ange ai alaadeu hegau.

Isaiah 49:4

Aagai au ne hagadaba, “Teai donu haigamaiana o agu hegau, au ne moumou ogu mahi i hanu ngadi mee. Gai go Tagi Maolunga e hagamodu ina dogu heohi, gai go dogu Maadua e gaamai dogu hagaoanga.”

Isaiah 65:6

Tilo, gu lava i de sisi i ogu mada i mua: au e dee noho naa donu huu ga dee muu, au e sui ange naa donu alaadeu hegau alodahi. Au e hagao ange naa donu alaadeu hegau,

Isaiah 65:7

go oodou baubau ma baubau o oodou dubuna, go Tagi Maolunga e hagadaba. Go hiidinga gilaadeu ne dudu denga sigidaumaha i honga denga mounga ma de hai baasi mai gi de au i honga duuduu, au e hagabau ange naa gi gilaadeu de hagaoanga o alaadeu hegau i mua.”

Isaiah 66:6

Hagalaangona adu de hellumi o dangada i de aduhale, hagalaangona adu de hagalongaa o dangada i de temple! Go de leo o Tagi Maolunga e suuia ange hegau a ono hagadaumee.

Ezekiel 23:49

Gai goodou e hagaduasala naa i hiidinga oodou dahulinga hakino gee, goodou e kave naa de hagaoanga o doodou daumaha ange gi denga diinonga. Gai gi iloo ai e goodou bolo go au donu de Ia Aamua go Iahweh.”

Joel 3:4

Tyre ma Sidon, aama Philistia alodahi, ni aha oodou gu hai mai nei gi de au? Goodou gu llodo nei e sui mai agu mee gu hai adu gi goodou? Noo goodou e llodo e sui mai gi de au, gai e moolau naa donu dagu sui adu oodou hegau gu hai.

Deuteronomy 32:41

de masavaa naa huu aagu e hakaa ai dagu gadilaasa ga malamalama ma de poo i dogu lima e hagamodu ai muna, gai au e sui ange naa hegau baubau a ogu hagadaumee, ma de hagao ange hegau alaadeu e kino i de au.

Isaiah 66:14

Goodou e malangilangi naa i de masavaa oodou e gidee ai mee nei, gai oodou ivi e ssomo danuaa naa bei denga helii; gai Tagi Maolunga e hai naa gi iloo e ono dangada hai hegau dagodo o dono sauaa, aagai ia e hai naa gi iloo e ono hagadaumee dagodo o dono lili.

Jeremiah 32:19

au hagatau e danuaa mmao gai au hegau e mmahi mmao. Koe e gidee dagodo hegau alodahi a dangada, gai koe e hagao ange hegau a dangada gi bei alaadeu hegau.

Jeremiah 50:15

Goodou hevaalogi i doodou masavaa e holiage ai de aduhale! De aduhale gu magulu, ono hale buibui makaga gu maoha, dono buibui gu oha iho. Go hiidinga deenei de hai a Tagi Maolunga e sui ange ai ana hegau: hai baasi ange gi de ia; suuia ange gi bei dagodo o ana mee gu hai.