Isaiah 59:14 - De Beebaa Dabu

¹⁴ Gai de hagamodu muna heohi gu buibuia, de heohi gu mmao gee; gai mee abodonu gu dee gidee i denga aduhale, gai de muna abodonu gu dee gidee hogi.

Isaiah 59:14 Referans Kwoze

Habakkuk 1:4

Deenei ai, de hainga gu dee hai hegau, gai de hagamodu heohi gu dee sula age. De gau baubau gu soa ange i gilaadeu e heohi, de hagamodu heohi gu dee hai hegau.

Amos 5:11

Goodou e vaivai hai de gau hagaau aloha ma de hai ia gi hagao ina taagisese o alaadeu grain. Gai goodou e hagatuu denga hale hadu danuaa aagai goodou e dee nnoho ai naa donu; goodou e doo naa denga veelengaa grape lau kohu, aagai goodou e dee unu naa donu uvaini e hai ai.

Jeremiah 5:31

denga pelaabisi e hadu muna i delaadeu pasa pelaabisi, gai de gau haimeedabu e dagi i olaadeu sauaa donu huu; gai ogu dangada e malangilangi donu i mee nei! Aagai ni aha naa oodou ga hai i dua mee nei?

Isaiah 5:23

go gilaadeu e degi ange gi tangada gu haisala i hiidinga o de ngadi gaavange hagasenga, aagai e dee hagamodu muna o tangada tigi haisala i de mee heohi.

Isaiah 1:21

Kalo ange diiloo, de aduhale nogo hai hegau i de mee heohi, gu hai hegau ai nei bei de hine hai be se manu! De aduhale nogo hai hegau laa i de hagamodu heohi; de mee heohi nogo dagodo i kilaa, aagai iainei go de gau daa dangada e nnoho ai!

Ecclesiastes 3:16

E dahi ange agu mee ne gidee i lalo de laa: de mommee iai de hagamodu heohi, gai iai hogi de baubau; de mommee iai de mee heohi, gai de baubau i kilaa hogi.

Amos 5:7

Goodou dangada e suuia de hagamodu heohi gi bei de mee mmala ma de dagadagahi gi honga de gelegele de mee heohi —

Isaiah 59:4

Gu deai donu dangada e daalaa de muna abodonu i de masavaa hagamodu muna e deai hogi e gaavange tangada gi de hainga i de muna abodonu. Dangada alodahi gu hagadonu alaadeu ngadi muna e hagadaumee ai ma alaadeu muna hadu; gilaadeu e hagahale denga hai ngadaa, ma de hai gi sula de baubau.

Isaiah 5:7

De veelengaa grape a Tagi o denga hagabuulinga hebagi go de hale o Israel, gai dangada o Judah go de veelenga oona e malangilangi ai laa. Ia ne ssala de hagamodu muna heohi i kilaa, aagai tilo, go de daa dangada donu huu aana ne gidee; ia ne saalaa de heohi, aagai tilo, go de tangi donu huu o dangada aana ne langona!

Isaiah 46:12

Goodou de gau makaga oodou lodo, nnoho mai hagalaangona agu muna; go goodou e mmao gee i de mee heohi:

Isaiah 59:9

Deelaa ai, de hagamodu muna heohi e mmao gee donu i gidaadeu, gai de heohi e dee dae ange donu gi gimaadeu. Gimaadeu e tali gi maalama, aagai e gohu donu huu; gimaadeu ne tali gi hagamaalama, aagai gimaadeu e seesee i de malu o de gohu.

Isaiah 59:11

Gimaadeu alodahi e hagangolo bei denga bea, gai e gonogono bei denga manu kono. Gimaadeu ne ssala de hagamodu muna heohi, aagai gimaadeu tee gidee, gimaadeu e tali de hagaola, aagai e mmao gee donu i gimaadeu.

Jeremiah 7:28

Deenei ai, hai ange gi gilaadeu, Deenei de huaahenua tee hagallongo ange laa gi Tagi Maolunga delaadeu Maadua, gai tee hagallongo ange gi dana haelenga. Gai de muna abodonu gu lilo; gai gilaadeu gu dee pasa ai hogi.

Daniel 8:12

Go hiidinga o de haisala, de hagabuulinga hebagi ma denga sigidaumaha i de laa tubua gu gaavange gi de hanga laa. Gai de hanga laa gu hagadagadaga age i mee alodahi aana e hai, gai de muna abodonu gu hagangadi mee ina.

Amos 6:12

E aha, denga hoosa e saavini laa i honga hadu? E aha, tangada e hagabalabala laa kilaa i denga kaau daane? Aagai goodou gu hai de hagamodu heohi gi se mee hagammau gai e hai denga hegau heohi gi ni mee mmala —

1 Kings 21:10

Gai goodou ga hai e dogolua daane baubau gi nnoho i ono gaogao, gai gilaau gi hai ange, ‘Koe gu basa hagamaolunga i de Maadua aama de hodooligi.’ Gai goodou ga kave ia gi tua de aduhale ga maga ai ia gi magau.”

1 Kings 21:11

Gai denga daane maatua ma de gau aamua, i de aduhale laa ne hai ga bei muna a Jezebel ne aalu mai gi gilaadeu.

Psalm 119:150

Gilaadeu e haia denga hagatau baubau e paa mai donu, aagai gilaadeu e mmao gee i au hainga.

Hosea 7:1

de masavaa aagu e lodo ai e hagaieiangi Israel, gai gu gidee mai baubau a Ephraim, ma hegau dee heohi a Samaria. Gilaau ne hai hegau i de hagasenga, de gau gaiaa e ulu gi lodo hale e gaiaa ai, denga hagabuulinga e gaiaa mee o dangada i honga denga haiava;