Isaiah 58:9 - De Beebaa Dabu

⁹ Gai de masavaa naa huu oou e dalodalo ai, gai Tagi Maolunga ga basa adu gi de goe; de masavaa naa huu oou e dangidangi i de bale, gai ia e hai adu naa, ‘Deenei au.’ Noo koe e tuu dau vaivai hai dangada, ma de sisi ange dahi, ma de tala hagabaubau dahi,

Isaiah 58:9 Referans Kwoze

Psalm 50:15

ma de hagahi mai au i de masavaa o de hai ngadaa gai au ga hagaola ai goe, gai koe ga hagamahamaha ai au.” Selah

Isaiah 65:24

I mua delaadeu hagaagahi mai au, gai au e basa ange gi gilaadeu, gai de masavaa alaadeu goi tala ai alaadeu muna gai au ga hagallongo.

Psalm 91:15

Au e basa ange naa gi de ia, i de masavaa aana e hagahi mai ai au; au e noho naa i ono daha i de masavaa hai ngadaa, gai au e hagaola naa ia ma de hagadubu ia.

Isaiah 1:15

De masavaa oodou e hhola ai oodou lima ga dalodalo ai, gai au e hagammuni naa luoogu mada i goodou; gai ga dalodalo mai naa donu goodou i hanonga lagolago, gai au e dee hagallongo donu oodou dalodalo. Oodou lima e hoohonu i dodo;

Proverbs 6:13

ia e hai gi dabadaba luoono mada, ma de sisi ange i luoono vae, aama de sisi ange i ono madannia;

Psalm 118:5

Au ne hagahi Tagi Maolunga i dogu duasala, gai ia ne basa mai gi dagu dalodalo, ga hai gi ilaage au.

Psalm 12:2

Dangada alodahi gu hagadau hadu muna; alaadeu muna e hagasegesege ange dangada i de mee hhadu.

Psalm 37:4

Koe gi malangilangi i Tagi Maolunga, gai ia ga gaavadu gi de goe oo mee e lodo ai.

Isaiah 58:6

E aha, e dee deenei de hagahiikai aagu ne hili: go de hagadangadanga daula o hegau baubau, ma de tala daula o de laagau hagahai hegau, ma de hai gi ilaage gilaadeu e vaivai haia, aama de hadihadi laagau hagahai hegau alodahi?

Isaiah 57:4

Goai oodou e hakadanga ai naa? Gai goai oodou e hagangadi mee naa ma de hagassomo ange oodou alelo aagena? E aha, e dee go goodou dama a de gau hagamaanege, ma hagadiilinga a de gau hadu muna?

Zechariah 10:2

Denga diinonga e dee tala de muna abodonu, de gau e daalaa mee e loomai e hadu muna; gilaadeu e tala denga midi dee heohi, alaadeu muna hagaaneane e deai haigamaiana. Deelaa ai, dangada gu ssenga saele bei denga ssiibi; gilaadeu gu duasala i hiidinga gu deai selaadeu hagaloosi.

Genesis 27:18

Gai ia ga hano ga hai ange gi dono damana, “Dogu damana.” Isaac ne hai ange, “Deenei au. Dagu dama, go koe goai?”

Ezekiel 13:8

Deenei ai, e hagadaba de Ia Aamua go Iahweh: Go hiidinga o oodou muna hhadu ma oodou midi hagaago ange hhadu, deenei ai, au e hai baasi adu donu gi goodou, go de Ia Aamua go Iahweh e hagadaba.

Isaiah 59:13

Gimaadeu ne hagamaanege ma de hagadee iloo Tagi Maolunga, gimaadeu ne daahuli gee i demaadeu Maadua; gimaadeu ne hai denga hagatau hagadaemaha ma de hai baasi, gimaadeu e tala muna hhadu ne loage laa i omaadeu lodo.

Isaiah 30:19

Dangada o Zion, e nnoho laa i Jerusalem, goodou e tuu naa doodou tangi. Ia e abodonu adu naa donu gi goodou i doodou tangi ange ia gi balea adu goodou. De masavaa naa donu huu aana e langona ai, gai ia ga basa adu gi goodou.

De Beebaa go Job 22:27

Gai koe ga dalodalo ange gi de ia, gai ia e langona dau dangidangi, gai koe ga hagasula au mee gu hagatoo donu ai.

Psalm 20:6

Au gu donu iho bolo Tagi Maolunga e hagaola de ia aana gu hagadabu i de lolo; ia e basa ange gi de ia mai i dono mommee dabu i de langi ma de hagaola ia i dono lima madau mmahi.

Isaiah 55:6

Saalaa Tagi Maolunga i de masavaa e maua ai gi gidee ia; dalodalo ange gi de ia i de masavaa oona e baa mai ai.

Isaiah 59:1

Tilo, de lima o Tagi Maolunga e dee bodobodo, gu dee maua i de hagaola, aabe luoono dalinga gu longoduli gu dee langona.

Daniel 9:20

Gai de masavaa aagu e tala ai agu muna ma de dalodalo, ga tala ogu haisala ma haisala o ogu dangada go de gau Israel, aama de dangidangi ange gi Tagi Maolunga dogu Maadua i hiidinga o dono mounga dabu —

Zechariah 13:9

Gai au e hai naa tahi diba i diba e dolu nei gi hulo laa lo te ahi; gai au ga hagagilimalali ai gilaadeu bei denga selevaa, ma de hagatale ange olaadeu dagodo bei denga goolo. Gilaadeu e hagaagahi naa dogu ingoo, gai au ga basa ange gi gilaadeu. Au e hagadaba naa, ‘Gilaadeu go ogu dangada,’ gai gilaadeu e hagataba naa, ‘Tagi Maolunga go taadeu Maadua.’ ”

Leviticus 6:5

be se mee niiana gu hagatoo donu hadu muna ai. Ia gi hagaahea ange mee nei alodahi ga hagapuni ange dahi diba i diba e lima ga hagaahe ange ai gi tangada niiana mee laa, i de laangi aana e hai ai ssigidaumaha o tagasala.

Psalm 145:18

Tagi Maolunga e baa ange gi gilaadeu e hagahia ange ia; go gilaadeu alodahi e hagahia ia i de muna abodonu.

Lamentations 3:57

Koe ne hagabaa mai gi de au i de masavaa aagu ne hagahi adu ai goe; koe ne hai mai, “Aude madagu!”