Isaiah 58:8 - De Beebaa Dabu

⁸ Gai doo maalama e sula age naa bei de maalama o taiao, gai doo ieiangi e moolau naa donu de dae mai; doo heohi e hano naa i oo mada i mua, gai de mahamaha o Tagi Maolunga e buibui mai naa oo dua.

Isaiah 58:8 Referans Kwoze

Isaiah 52:12

Gai goodou e dee hagamoolau naa donu e hulo, aabe e saavini e hulo, go hiidinga Tagi Maolunga e hano naa i oodou mada i mua, gai de Maadua o Israel e buibui naa oodou dua.

Jeremiah 33:6

Aagai au e hai naa gi mmahi ma de hagaieiangi de aduhale nei; au e hagaieiangi naa ogu dangada ga hai gi nnoho paba gilaadeu ma de duadonu.

Psalm 37:6

Ia e hai naa gi sula mai doo heohi bei de maalama o taiao, gai doo heohi gi bei de mmahi o de laa i de madohi lua o de laangi.

Jeremiah 30:17

Aagai au e hagaieiangi naa goe, ma de hai gi mmahu oo maanuga, go Tagi Maolunga e hagadaba, go hiidinga koe ne hagaingoo ange bolo se ia e kino ai dangada, ma Zion e deai laa dangada e anga ange aagena.

Psalm 85:13

De heohi e hano i ono mada i mua, e hagadabena ai dono haiava e seesee ai.

Malachi 4:2

Aagai dagodo o oodou dangada e hagadubu ina laa dogu ingoo: de laa o de heohi e sobo age naa ma ono gavegave e hagaieiangi ina laa dangada. Gai goodou e ssao naa ga hulo i de malangilangi, bei denga kaau gauligi gu hagassao mai laa i lo te buibui.

Acts 10:35

aagai e abodonu ange gi dangada i denga huaahenua alodahi e maatagu i de ia, ma de hai hegau i de mee heohi.

Exodus 14:19

Gai tangada de langi o de Maadua, go de ia e hano laa i mada i mua o de gau Israel, ne ngalue ga hano gi olaadeu dua. Gai tuludulu hagausinga laa ne ngalue mai hogi i olaadeu mada i mua ga hano ga duu i olaadeu dua,

Proverbs 4:18

Aagai de haiava o tangada heohi e bei de maalama o taiao, e hagadagadaga ange laa de maalama ga dae ai gi de duu donu o de laa.

Psalm 97:11

De maalama e hagamaalama gilaadeu e heohi, gai gilaadeu e heohi olaadeu lodo e malangilangi.

Hosea 14:4

Au e hagaieiangi naa gilaadeu mai i delaadeu hulo gee i de au ma de aloha ange gi gilaadeu, i hiidinga gu helui dogu lili i gilaadeu.

De Beebaa go Job 11:17

Doo mouli e maalama ange i de maalama o de hualaangi, gai dono gohu e bei naa de maalama o taiao.

Isaiah 57:18

Au gu gidee donu ana haingaa mee, aagai au e hagaieiangi naa donu ia, au e dagi naa ia ma de hagaaneane ia, aama ono dangada e hinangalosaa,

Isaiah 30:26

Gai de maalama o de maasina e mmahi naa bei de maalama o de laa, gai de laa e hidu naa hanonga e kii ange ai de maalama, gu bei de mmahi o de laa i e hidu laangi, i de laangi a Tagi Maolunga e saabini ai mommee maaguluaa o ono dangada, ma de hagaieiangi olaadeu mee lagolagohia aana ne hai laa ga lagolagohia.

Psalm 112:4

De maalama e hagamaalama gilaadeu e heohi i de masavaa e gohu ai, go hiidinga gilaadeu e abodonu ma de lodo aaloha aama de heohi.

Acts 10:31

gai ia ne hai mai gi de au, ‘Cornelius, de Maadua gu langona au dalodalo ma de manadua doo abodonu ange gi de gau hagaau aloha.

Acts 10:4

Gai ia ga haaina ia i dono madagu, ga ssili ange gi de ia, “Tagi Maolunga, se aha e hai?” Tangada de langi laa ne hai ange gi de ia, “Au dalodalo alodahi ma doo abodonu ange gi de gau hagaau aloha gu tae age, ma de hagamaanadu ai goe i mada luu mada o de Maadua.

Matthew 13:15

Go hiidinga de huaadangada nei e makaga olaadeu lodo, gai olaadeu dalinga gu longoduli, gai gu pono olaadeu ganomada; kana gidee naa e gilaadeu i olaadeu ganomada ma de langona i olaadeu dalinga, ga tonu ange i olaadeu lodo, ga daahuli olaadeu lodo, gai au ga hagaieiangi gilaadeu.’

Isaiah 26:2

Huugea haitoga o de aduhale, e ulu mai ai de huaahenua heohi, go de huaahenua e hai hegau i de muna abodonu.

Isaiah 33:24

Gai e deai naa donu se dangada e noho i kilaa e hagadaba, “Au gu magi;” gai ia e degi ange naa gi haisala o dangada e nnoho i kilaa.

Isaiah 60:1

⌊Jerusalem,⌋ hidi age, haia gi maalama goe, gu dae mai doo maalama, gai de mahamaha o Tagi Maolunga ga hagamaalama goe.

Isaiah 62:1

Au e dee hagapuni naa donu dogu ngudu i hiidinga o Zion, au e dee tuu naa donu dogu basa i hiidinga o Jerusalem, ga dae ai gi de sula age dono heohi bei de maalama o taiao, dono hagaola e bei de lama gu haula laa.

Proverbs 11:17

Hegau a tangada abodonu e hai donu ga danuaa ange gi de ia, aagai tangada alasala e hagabaubau donu huu ia.

Proverbs 11:25

Tangada e hagamanuuia ina laa dangada e hagadagadaga age; tangada e balea ange dangada, e kave naa hogi de bale.

Isaiah 60:2

Tilo, de gohu gu haoli henua i lalo, gai de gohu boo dangodango gu haoli denga huaadangada; aagai Tagi Maolunga e humai naa gi oo elunga, gai dono mahamaha e gidee naa i oo daha.