Isaiah 58:7 - De Beebaa Dabu

⁷ E aha, e dee go dau duha ange au gai gi gilaadeu e hiikai, ma de gaavange dahi mommee moo tangada e deai sono hale — ma de hakahu tangada e deai ono malo, i de masavaa aau e gidee ai dono gilisau, gai koe e dee hano e mmuni e dee bale ange doo dangada donu?

Isaiah 58:7 Referans Kwoze

Luke 3:11

John ne hai ange gi gilaadeu, “Be goai e lua ono malo gahu gai ia gi gaavange dahi gi tangada e deai sono malo. Gai be goai e hanu ana gai, gai ia gi gaavange hogi hanu gi tangada e deai ana gai.”

Ezekiel 18:7

Ia e dee vaivai hai dahi dangada, aagai e hagaahe ange ana mee ne kave e hagadonu ai de hagao muli a tangada. Ia e dee gaiaa donu, aagai e gaavange ana gai gi gilaadeu e hiikai, ma de gaavange malo gi tangada e deai ono malo.

Proverbs 28:27

Tangada e abodonu ange laa gi de gau hagaau aloha e dee duasala naa donu; aagai tangada e dee anga ange gi gilaadeu, e duu ange naa gi denga hagamalaia lagolago.

Proverbs 25:21

Noo doo hagadaumee gu hiigai, gai koe haangai ina ange ia; noo ia gu hieunu, gai koe hagaunumia ange ia.

Ezekiel 18:16

ia e dee vaivai hai dahi dangada, gai e dee kave dahi mee e hagadonu ai de hagao ana muli; ia e dee gaiaa, gai ia e gaavange gai gi gilaadeu e hiikai, ma de hakahu gilaadeu e deai olaadeu malo;

Isaiah 58:10

gai noo koe e haangai anga gilaadeu e hiikai ma de gaavange au mee gi gilaadeu e duasala laa, gai doo maalama e sula age naa i lo te gohu, gai de gohu i oo daha e bei naa de maalama o lo te laangi.

Proverbs 22:9

Tangada abodonu e manuuia naa donu, go hiidinga ia e gaavange ana gai gi de gau hagaau aloha.

Luke 11:41

Aagai goodou ngadi gaavange mee i lodo oodou ubu gi de gau hagaau aloha, gai tilo, mee alodahi e odi naa i de gilimalali adu gi goodou.

1 Timothy 5:10

gai se hine gu iloo abodonu ana hegau danuaa — ia ne agoago danuaa ana dama, ma de abodonu ange gi dangada i dono hale, ma de hhui vae o dangada o de Maadua, ma de bale ange gilaadeu e hai ngadaa, aama de hagaduu ngae i denga hagadaagangaa hegau danuaa alodahi.

Daniel 4:27

Deenei ai, de hodooligi, noo e heohi mai i oo daha, gai koe gi daudali i agu muna. Dugua oo haisala gai hai hegau i de mee heohi, dilia oo baubau gai abodonu ange gi gilaadeu e duasala. Kana adu e maua naa gi daulooloa doo noho baba.”

Philemon 1:7

Dogu daina, doo aloha gu hagamalangilangi ma de hagaaneane ogu lodo, i hiidinga koe gu hagaaneane lodo o dangada o de Maadua.

Romans 12:13

Goodou bale ange dangada o de Maadua gu duasala laa; goodou abodonu ange gi dangada.

Acts 16:34

Ia ne kave hogi gilaau gi dono hale, ga haangai gilaau. Aagai ia ma dangada alodahi i dono hale gu malangilangi, go hiidinga gilaadeu gu hagadonusia de Maadua.

Psalm 112:9

Ia e ngadi gaavange mee gi gilaadeu e duasala, gai dono heohi e dagodo ga hano ai, dono hanga e laumalie mmao dono hagadubu.

De Beebaa go Job 22:7

Koe tee gaavange vai gi gilaadeu e hieunu, gai koe tee haangai gilaadeu e hiikai.

Luke 19:8

Aagai Zacchaeus ne duu age ga hai ange gi Tagi Maolunga, “Tilo, Tagi Maolunga, au e gaavange naa dahi luu baasi o agu mee gi de gau hagaau aloha. Gai noo au gu gaiaa mee a dahi dangada, gai au e hagaahe ange naa agu mee ne kave gi haa hanonga e kii ange ai.”

Nehemiah 5:5

Gai gimaadeu e bei donu dagodo o omaadeu dangada, gai amaadeu dama e bei dagodo o alaadeu dama, aagai gimaadeu e hai amaadeu dama gi ni dangada hai hegau. Hanu amaadeu damaa hine gu lava donu i de hai gi ni dangada hai hegau dee ilaage, aagai gu deai donu amaadeu mee e mau i de hai, go hiidinga omaadeu alahenua ma amaadeu veelengaa grape gu niio hanu dangada gee.”

2 Chronicles 28:15

Gai denga daane gu hagailonga laa olaadeu ingoo ne hulo ga kave de gau dee kii laa madali denga goloa. Gai gilaadeu ga hakahu ange dangada gu deai laa olaadeu malo ma mee vae, ga haangai ma de hagaunu ange gilaadeu, ga hulu gilaadeu i lolo, aama de hagauda gilaadeu e baageaa i honga denga donkey, ga hagaahe gilaadeu gi daho olaadeu dangada i Jericho, go de aduhale o denga palm. Gai denga daane laa ga aahe mai gi Samaria.

Genesis 19:2

ga hai ange, “Luoogu dangada aamua, au e dangidangi adu, gooluu taa mai gi de hale o dooluu dangada hai hegau, ga nnoho ai aaboo nei. Gai gooluu ga hhui ai ooluu vae ga sseni ai aaboo nei; gai gooluu ga oho age ai ga hulo i boo taiao.” Gai gilaau ga hai ange, “E deai, gimaau e sseni donu huu i duaahaho aaboo nei.”

Acts 16:15

Aagai dua huu dono babudaisi madali dangada alodahi i dono hale, gai ia ne dangidangi mai gimaadeu, ga hai mai, “Noo goodou e hagataba bolo au gu hagadonusia abodonu Tagi Maolunga, gai goodou loomai nnoho i dogu hale.” Gai ia ne usuusu mai gimaadeu ga dae ai gi demaadeu uaa ange.

Genesis 19:14

Gai Lot ne sao ange hogi gi duaahaho ga basa ange gi hagababa o luaana damaa hine, ga hai ange, “Gooluu hagamoolau hulo gee mai i de mommee nei, go hiidinga Tagi Maolunga gu dai oha naa de aduhale nei.” Aagai gilaau e maanadu bolo ia e hakadanga ange gi gilaau.

Judges 9:2

“Goodou siilia ange gi dangada o Shechem, hai ange, ‘Dee hee de mee e danuaa adu gi goodou: go de hai denga dama daane dinohidu alodahi a Jerub-Baal gi dagina goodou, aabe go de hai dahi gilaadeu gi dagina goodou?’ Gai goodou e dee ngalo bolo au se dangada donu niiodou.”

Deuteronomy 22:1

Noo koe e gidee de kaau aabe go ssiibi a dahi dangada gu sao ma gu hano, gai koe aude hagadee anga ange aagena; gai gaamai de manu a doo daina hagaahea gi de ia.

Proverbs 24:11

Hagaola ina gilaadeu gu kave laa e daa gi maakau; gai daohia gilaadeu e hulo laa gi de mommee olaadeu e daa ai gi maakau.

Jeremiah 22:3

E hagadaba Tagi Maolunga: Goodou hai hegau i de mee heohi ma de soe. Gai hagaola ina tangada gu gaiaadia ono goloa, i tangada vaivai dagodo. Goodou aude haia de baubau aabe gi vaivai haia tangada henua gee, de gauligi gu deai sono damana, aabe go de hine gu magau dono bodu. Gai goodou aude daia gi magau tangada tigi haisala i de mommee nei.

Proverbs 11:17

Hegau a tangada abodonu e hai donu ga danuaa ange gi de ia, aagai tangada alasala e hagabaubau donu huu ia.