Isaiah 58:14 - De Beebaa Dabu

¹⁴ gai koe e malangilangi naa i Tagi Maolunga, gai au e hai naa goe gi gage i honga mommee maolunga o de henua; ma de hagadanuaa i de boolonga o doo dubuna go Jacob.” Go Tagi Maolunga donu ne daalaa muna nei.

Isaiah 58:14 Referans Kwoze

Deuteronomy 32:13

Ia ne hai gilaadeu gi saavini laa honga denga mommee maolunga o de henua, ma de gai hua o denga manu ssomo i lo te duu malaelae; ia e haangai ange gilaadeu i denga hooni lo te baba, aama lolo o denga olive i lodo hadu makaga.

De Beebaa go Job 22:26

Gai koe ga malangilangi i de Ia Mmahi Mmao laa, ma de galo age gi de Maadua.

Isaiah 33:16

deenei tangada e nnoho i mommee maolunga, gai dono mommee mmuni go lodo hadu o de mounga. Gai ana gai e gaavange naa gi de ia, gai e deai donu se odi ana vai.

Deuteronomy 33:29

De gau Israel, goodou gu manuuia! Goai e bei oodou dagodo, dangada a Tagi Maolunga gu hagaola? Ia e bei doodou mee hungihungi ma doodou bale aama doodou gadilaasa e kii ai. Oodou hagadaumee e maatagu naa i goodou, gai goodou e dagadagahi naa olaadeu mommee daumaha.”

Isaiah 40:5

Gai de mahamaha o Tagi Maolunga e hagasula mai naa, gai dangada alodahi e gidee naa, go hiidinga Tagi Maolunga gu lava i de tala muna nei.”

Psalm 37:4

Koe gi malangilangi i Tagi Maolunga, gai ia ga gaavadu gi de goe oo mee e lodo ai.

Psalm 36:8

Gilaadeu e gaimee i mee lagolago i doo hale; koe e hai gilaadeu gi unu i dau saalingaa vai iai laa de malangilangi.

Philippians 4:4

Goodou gi malangilangi i lodo o Tagi Maolunga i masavaa alodahi! Au e ahe ange e hai adu, goodou gi malangilangi!

Jeremiah 3:19

Au ne hagadaba, ‘Au e lodo mmao e hai goodou gi ni dama niiagu, ma de gaavadu gi goodou dahi henua danuaa, gai se boolonga e mahamaha ange i denga huaahenua alodahi!’ Gai au ne maanadu bolo goodou e hagahi mai naa Tamana gi de au, ma tee huuhuli gee i de daudali mai i de au.

1 Peter 1:8

E dee galemu donu goodou tee gidee ia, gai goodou e aaloha i de ia; e dee galemu donu goodou e dee gidee ia iainei, gai goodou e hagadonusia ia ma de malangilangi i de malangilangi e dee maua laa i de tala ono dagodo aama de lodo danuaa mmao,

Micah 4:4

Gai dahi ma dahi e noho baba naa i lalo dana grapevine aama lalo dana fig, gu deai dangada e hagamaatagu ina gilaadeu, go hiidinga Tagi o denga hagabuulinga hebagi gu lava donu i de tala mee nei.

De Beebaa go Job 27:10

Ia e malangilangi naa i de Ia Mmahi Mmao laa? Ia e hagahi naa de Maadua i masavaa alodahi?

Matthew 24:35

De langi ma henua i lalo e llilo naa donu, aagai agu muna e dee llilo donu.

Psalm 136:21

gai ne bolo ange olaau henua Dono abodonu e dagodo ga hano ai.

Psalm 135:12

ga gaavange delaadeu henua e henua ai ono dangada go de gau Israel.

Psalm 37:11

Aagai gilaadeu e daudonu e henua naa i de henua, ma de malangilangi i de nnoho paba.

De Beebaa go Job 34:9

Gai ia e hagadaba, ‘E deai donu mee a tangada e mau, i dana hai gi malangilangi de Maadua.’

Isaiah 34:16

Huugea age de beebaa a Tagi Maolunga, mage daulia: E deai naa donu se manu nei e dee maleva, de manu nei ma dono soa, go hiidinga ia gu lava donu i de tala muna nei, gai dono Hagasaalunga gu hagabuni mai gilaadeu.

Isaiah 61:10

Au gu malangilangi mmao i Tagi Maolunga, dogu hagasaalunga e lodo danuaa mmao i dogu Maadua. Go hiidinga ia gu hakahu mai au i de hagaola, ma de saabini au i de heohi bei de malo laa daha, bei de hai a taane e hagahai bodu e gahu hagadanuaa ai laa bei tangada haimeedabu gai bei de hai a de hine e hagahai bodu e dau ai laa denga hadu hagamogomogo.

Ezekiel 36:2

E hagadaba de Ia Aamua go Iahweh: Go hiidinga oodou hagadaumee ne hakadanga i Jerusalem ga hagataba, ‘Gimaadeu gu kave denga mommee maolunga gu daakodo mai laa madagidagi,’