Isaiah 58:11 - De Beebaa Dabu

¹¹ Gai Tagi Maolunga e dagi naa goe i masavaa alodahi, ia e gaavadu oo mee e duasala ai i de masavaa hai ngadaa, ma de hagammahi doo angaanga. Gai koe e bei naa dagodo o de veelenga gu maluulu danuaa laa, ma de vai e dee maua laa gi masa.

Isaiah 58:11 Referans Kwoze

John 4:14

aagai be goai e unumia vai aagu e gaavange gi de ia e dee hieunu ange donu. Gai vai aagu e gaavange gi de ia e hai naa ga se saalingaa vai e sali age laa ga hano gi de mouli e dee ngado mai.”

Jeremiah 31:12

Gai gilaadeu e daga mai naa ma de daahili i honga tuuduu o Zion; gilaadeu e malangilangi naa i mee danuaa a Tagi Maolunga: go denga grain, ma uvaini, ma lolo, ma dama a de hagabuulingaa ssiibi ma guudi aama kaau. Gilaadeu e bei naa de veelenga gu maluulu danuaa laa, gai gilaadeu e dee daemaha ange naa donu.

Psalm 32:8

Au e tala adu naa ma de agoago adu goe i doo haiava e hano ai; au e tala adu naa au mee e hai aama de tilo adu goe.

Isaiah 49:10

Gilaadeu e dee hiikai naa donu be hieunu, gai de vao hagavvela ma de madangi hagavvela e dee hagammae naa donu gilaadeu. Gai de ia e lodo aloha ange laa gi gilaadeu e dagi naa gilaadeu, ga kave gi gaogao denga saalingaa vai.

John 16:13

Aagai de masavaa naa huu o de Hagasaalunga o de mee abodonu e humai ai, gai ia ga dagi ange goodou i de mee abodonu alodahi. Gai ia e dee basa i dono sauaa donu huu, gai ia e tala ana mee alodahi gu langona, gai ia ga tala adu ai gi goodou mee gu dai loomai.

Psalm 25:9

Ia e dagi gilaadeu e llodo maolalo i mee heohi ma de agoago ange gilaadeu i dono haiava.

Song of Songs 4:15

Koe e bei de veelenga iai dahi vai, gai se vai geli iai vai hoou ma denga vai e ssali iho laa i Lebanon.

Proverbs 11:25

Tangada e hagamanuuia ina laa dangada e hagadagadaga age; tangada e balea ange dangada, e kave naa hogi de bale.

Proverbs 3:8

De mee nei e hai naa ga ieiangi goe, ma de hagammahi lo too angaanga.

Ezekiel 36:35

Gai gilaadeu e hagataba naa, “De henua nei nogo ngadi dagodo gai iainei gu bei de veelenga o Eden; denga aduhale nogo maoha laa ma e ngadi daakodo, gu aahe ange ma gu buibui ma e nnoho ai dangada.”

Psalm 92:14

Gilaadeu e duudagi naa donu huu de hhua i de masavaa olaadeu gu madumaatua ai, gilaadeu e duudagi naa donu huu de lau kohu ma de ssomo danuaa,

Hosea 13:5

Go au ne diiloo adu goe i de vao, go de henua e deai vai iai.

Jeremiah 17:8

Ia e bei naa de manu somo e doo laa i gaogao de vai, ono aga e ssomo ma e hulo gi lo te saalingaa vai. Gai e dee madagu donu i de masavaa hagavvela; ono lau e lau kohu i masavaa alodahi, gai e dee manavasaa i de ngadau o tau laohie, gai e hua i masavaa alodahi.

Proverbs 28:25

Tangada nnoo hagamau mee e hai naa ga dee heloongoi dangada, aagai tangada e hagadonusia Tagi Maolunga e hagadagadaga age naa.

Psalm 73:24

Koe e dagina huu au i au muna bale, gai muli mai gai koe ga hagaulu au i mommee mahamaha.

Psalm 48:14

bolo deenei de Maadua, taadeu Maadua, ga hano ai e dee ngado mai. Go ia e dagina gidaadeu ga hano ai.

Psalm 37:19

Gilaadeu e dee dookaa i masavaa hai ngadaa, gai gilaadeu e boobosu i de masavaa o de onge.

Psalm 33:19

gai ia e hagaola gilaadeu mai i de magau, ma de tilo gi mouli gilaadeu i de masavaa o de onge.

Psalm 107:9

Ia e hagaunu gi boobosu gilaadeu e hieunu, gai e haangai gi boobosu gilaadeu e hiikai i mee danuaa.

De Beebaa go Job 5:20

Ia e hagaola naa goe mai i de magau i de masavaa o de onge, ma mai i de gadilaasa i de masavaa o de hebagi.

1 Thessalonians 3:11

Deenei ai, de Maadua taadeu Damana, aama taadeu Dagi Maolunga go Iesu gi dagina demaadeu haiava e loadu ai gi oodou daha!

Isaiah 61:11

Gai e bei de hai e matili age ai laa denga manu ssomo i honga de gelegele gai de veelenga e hai gi ssomo denga golee, gai e bei ai hogi, de Ia Aamua go Iahweh e hai gi sula age de heohi ma de tuhi i madamada o denga huaahenua alodahi.

Proverbs 13:4

Tangada vaiduu e lodo gi mee, gai e deai donu ana mee e mau, aagai tangada hai hegau e maua mee alodahi oona e lodo ai.

Isaiah 33:16

deenei tangada e nnoho i mommee maolunga, gai dono mommee mmuni go lodo hadu o de mounga. Gai ana gai e gaavange naa gi de ia, gai e deai donu se odi ana vai.

John 7:38

Be goai e gai mai gi de au, gai ia e bei muna a de Beebaa Dabu gu tala laa, ‘Denga saalingaa vai o de mouli e ssali mai i ono lodo.’ ”

Isaiah 27:3

“Go au donu, Tagi Maolunga, e diiloo ange de veelenga laa; au e hagamaluulu i vai i masavaa alodahi. Gai au e hagaloosi ange i de boo ma de laangi, gi dee humai ai dahi dangada gi vaivai haia.

Isaiah 41:17

De gau hagaau aloha ma gilaadeu e duasala e sala vai unu, aagai gu deai donu vai; olaadeu hakii gu mmasa gee naa i delaadeu hieunu. Aagai au, Tagi Maolunga, e basa ange naa gi alaadeu dalodalo, go au, de Maadua o Israel, au e dee tili donu gilaadeu.

Isaiah 57:18

Au gu gidee donu ana haingaa mee, aagai au e hagaieiangi naa donu ia, au e dagi naa ia ma de hagaaneane ia, aama ono dangada e hinangalosaa,

Isaiah 66:14

Goodou e malangilangi naa i de masavaa oodou e gidee ai mee nei, gai oodou ivi e ssomo danuaa naa bei denga helii; gai Tagi Maolunga e hai naa gi iloo e ono dangada hai hegau dagodo o dono sauaa, aagai ia e hai naa gi iloo e ono hagadaumee dagodo o dono lili.

Deuteronomy 15:4

Gai e deai naa donu se dangada e hagaau aloha i oodou magavaa, go hiidinga Tagi Maolunga doodou Maadua e hagamanuuia goodou, i de henua aana e gaavadu e henua ai goodou,

Psalm 1:3

Tangada bee nei e bei de manu somo e doo laa i gaogao denga saalingaa vai; ono hua e hhaa mai i dono masavaa donu, gai ono lau e dee mmae donu. Hegau alodahi aana e hai e ssula danuaa.

Psalm 84:7

Gilaadeu e hagadagadaga ange de mmahi; gilaadeu e tuu naa i mada i mua o de Maadua i Zion.

Isaiah 44:4

Gai gilaadeu e ssomo naa i magavaa o helii, ma denga willow e ssomo laa i gaogao denga saalingaa vai.