Isaiah 57:9 - De Beebaa Dabu

⁹ Goodou ne hulo gi daho Molek ma denga lolo olive ma de hai gi lagolago oodou vai hagamaanongi. Goodou ne hai gi hulo oodou dangada sui gi tae gi denga mommee mmao, ma de hai gi loiho hanu gi tae gi de mommee o de gau maakau.

Isaiah 57:9 Referans Kwoze

Ezekiel 23:16

Gai ga gidee huu e Oholibah gilaadeu, gai ia gu lodo e dagodo haisala ma gilaadeu, gai ia ga hai hanu dangada hagailoo gi olaadeu daha i Chaldea.

Colossians 2:18

Goodou gi dee dugua ange dahi dangada gi haia gi dee dau goodou, i dana hagammahi adu goodou gi hagamaolalo i de hadu muna, ma de daumaha ange gi denga dangada de langi, ma de tala hanu midi hagaago ange, ga hagasoenga ai i teai hiidinga, i ana maanadu dee heohi.

Hosea 12:1

Ephraim e gai de madangi, ma de doolohi de madangi mai i dua i taiao ga boo ai. Gilaadeu e dee modu de hadu muna ma de vaivai hai dangada; gilaadeu e hai dahi hagatoo donu hagaheloongoi madali Assyria, ma de kave denga lolo gi Egypt.

Hosea 7:11

Ephraim gu bei dahi manu kono e lodo senga laa ma teai ana maanadu danuaa; ia e hagahi ange Egypt ma de hano gi Assyria.

Ezekiel 23:40

Gilaau ne hai hogi hanu gi hulo gi alumia gi loomai hanu daane i de mommee mmao, gai gilaadeu ne loomai. Gai gooluu ne gaugau ga lebu ooluu ganomada, ga dau ooluu hadu hagamogomogo.

Ezekiel 16:33

Denga daane e gaavange mee ngadi gaavange gi denga haahine hai be se manu alodahi, aagai koe e gaavange mee ngadi gaavange gi oo dau soa daane, ga hai gilaadeu gi loomai gi oo daha, mai i mommee alodahi gi dagodo haisala madali goe.

Isaiah 2:9

Deelaa ai, dangada e hai naa ga maolalo, dangada alodahi e hagamaolalo ina naa — koe gi dee degi ange gi gilaadeu!

Proverbs 7:17

Au gu hagamanongi dogu moenga i denga myrrh, ma aloe, aama cinnamon.

Daniel 11:36

“Gai de hodooligi laa e hai naa donu huu ono mee e lodo ai. Ia e hagaamua naa donu huu ia, ma de tala bolo ia e maolunga ange i denga maadua alodahi, ma de tala denga mee hagalele mouli e hai baasi ange ai gi de Maadua o denga maadua. Gai ia e sula naa donu ga dae ai gi de odi ange de masavaa o de lili ⌊o de Maadua⌋, go hiidinga mee gu hagamodu laa e hagassula naa donu.