Isaiah 57:20 - De Beebaa Dabu

²⁰ Aagai de gau baubau e bei dagodo o honga tai beabeau; e dee maua laa gi malino, gai ono beau e maga age bela ma gelegele.”

Isaiah 57:20 Referans Kwoze

Isaiah 3:11

E vakaa naa tangada baubau! Ia e hai ngadaa naa! Ana hegau ne hai e aahe ange naa donu huu gi de ia.

Jude 1:12

De gau nei e bei dagodo o mee dongidongi gelegele i de masavaa oodou e hagabuni ai e daonga i de hagadau aaloha; gilaadeu e dee maatagu donu i de gaimee madali goodou, gilaadeu e bei de gau hagaloosi ssiibi e hangaina laa donu huu gilaadeu. Gilaadeu e bei giliiga e ilihia saele laa i de madangi, gai e deai donu vai langi iai, gai e bei hogi manu ssomo e deai olaadeu hua i malama e malili ai lau o denga manu ssomo; tee hhua gai ne unuunusi age — ne lua hanonga ne maakau ai.

Jude 1:13

Gilaadeu e bei dagodo o denga beau nnui o de moana, gilaadeu e hagassula age alaadeu hegau hagadookaa; gai e bei dagodo o denga heduu e silivaahea saele laa, gai gu hagadabena ange gi gilaadeu de gohu boo dangodango ga hano ai.

Isaiah 3:9

Olaadeu mada e hagabaubau donu huu gilaadeu; gilaadeu e hagaago mai olaadeu haisala bei Sodom; gilaadeu e dee hagammuni donu olaadeu haisala. E vakaa naa gilaadeu! Gilaadeu e hagaduasala donu huu gilaadeu.

Isaiah 59:8

Gilaadeu e dee tonu ange gi dagodo o de nnoho baba, gilaadeu e dee hai hegau donu i de heohi. Gilaadeu gu hai olaadeu haiava gi pigo; gai dangada e seesee i lodo haiava nei e dee tonu ange gi dagodo o de noho baba.

Jeremiah 49:23

Dagodo o Damascus. “Hamath ma Arpad gu hagadookaa ina, go hiidinga gilaau gu langona hanu longo baubau; gilaau gu maatagu olaau lodo, gilaau gu dee paba olaau lodo bei dagodo o tai e dee maua laa gi malino.

2 Kings 6:11

Gai de hodooligi o Syria gu kona mmao tee baba ono lodo i hiidinga o de mee nei. Gai ia ga hagahi denga dagi ga ssili ange gi gilaadeu, “Goodou daalaa mai be goai de goodou e hagabuni ange nei gi de hodooligi o Israel!”

Isaiah 48:22

“E deai donu se noho paba o de gau baubau,” go Tagi Maolunga e hagadaba.