Isaiah 57:14 - De Beebaa Dabu

¹⁴ Gai hanu e hagataba naa, “Hagaduulia age, hagaduulia age, hagadabena ina de haiava! Aaua gee mee e buibuia de haiava o ogu dangada.”

Isaiah 57:14 Referans Kwoze

Isaiah 62:10

Ulu laa lodo, ulu laa lodo haitoga! Hagadabena ina de haiava o dangada e ulu ai. Hagaduulia age, hagaduulia age de haiava laumalie! Aaua denga hadu; hagaduulia age de hagailonga ange gi denga huaadangada.

Isaiah 40:3

De leo o dahi e oo ma e hagadaba: “Hagadabena ina de haiava o Tagi Maolunga i lodo henua; hagasoea de haiava laumalie o taadeu Maadua i de vao.

Isaiah 35:8

Gai e hai naa dahi haiava laumalie i kilaa, gai e hagaingoo ange naa go de Haiava Dabu. De gau hakino gee e dee maua donu i de seesee i de haiava laa, gai de haiava laa se mee ange gi gilaadeu e seesee ai, aagai de gau llodo senga e dee maua donu i de seesee i kilaa.

Jeremiah 18:15

Aagai ogu dangada gu ngalo au, gilaadeu e dudu mee maanongi ange gi denga ngadi diinonga, gai denga diinonga gu hai gilaadeu gi dee maua i de seesee i de haiava madagidagi. Denga diinonga laa gu hai gilaadeu gi hulo i denga dao haiava gee, aama honga haiava tigi bae.

1 Corinthians 8:13

Deenei ai, noo denga gai e hai ga baageaa lodo o dogu daina, gai au gi dee ahe ange donu gi gaina hanu giidagi, kana haia e au ga doo dogu daina.

Romans 14:13

Deenei ai, gidaadeu ga tuu taadeu hagadau hagabaubau; aagai gi baba i odaadeu lodo bolo gidaadeu e dee hai dahi mee e hagabaageaa ai lodo o dahi, aabe gi ahe dua ai dahi oodou daina.

Hebrews 12:13

gai hagassoea haiava oodou e seesee ai, gi dee daahuli ai vae o de gau balagelage, aagai gi ieiangi.

2 Corinthians 6:3

Gimaadeu tee hagahai ngadaa goodou i dahi mee, gi dee hagabaubau ina ai demaadeu duuhanga hegau,

1 Corinthians 1:23

aagai gimaadeu e agoago dagodo de daudau o Klisdo i de laagau lui, go mee e hagahaisala ina de gau Ssuu, gai ni ngadi muna i daho denga Gentile.

1 Corinthians 8:9

Gai goodou kana ange gi dee hagabaageaa ina e goodou lodo o dangada e baageaa laa olaadeu kai, i doodou hai hegau i doodou ilaage e hai dahi mee.

Psalm 68:4

Daahili ange gi de Maadua, daahili duuhia dono ingoo; daahili ange gi de ia e gage laa i honga denga giliiga — dono ingoo go Iahweh — gai gi malangilangi i ono mada i mua.

Isaiah 49:11

Au e ulu iho naa agu mounga ga hai gi ni haiava, gai agu haiava nnui e hhao age naa.