Isaiah 56:6 - De Beebaa Dabu

⁶ Gai de gau henua gee gu dau ange laa gi Tagi Maolunga ma de hai hegau ange ai gi de ia, gi aaloha i de ingoo o Tagi Maolunga ma de daumaha ange gi de ia, gai alodahi e daohia Sabbath, gai e dee hagangadi mee de laangi nei, ma tangada e daohia dagu hagatoo donu hagaheloongoi —

Isaiah 56:6 Referans Kwoze

Jeremiah 50:5

Gilaadeu e ssili naa de haiava e hano laa gi Zion, ma de huuhuli ange gi kilaa, ga hagataba, ‘Loomai, gidaadeu ga hagabuni ange gi Tagi Maolunga i dahi hagatoo donu hagaheloongoi dee ngado mai e dee maua laa gi ngalo.’

Isaiah 58:13

Noo koe e dee oha Sabbath, ma tee hai oo mee e lodo ai i dogu laangi dabu, ma de hagabinga Sabbath bolo se laangi hagamalangilangi, ma de hagaingoo ange de laangi dabu o Tagi Maolunga bolo se laangi hagadubu, gai noo koe e hagadubu de laangi laa ga dee hai donu huu au hegau, ma de hagamalangilangi donu huu goe, aama tee tala ai hanu ngadi muna,

James 2:5

Denga daina hagamogomogo, goodou nnoho hagasaelea age! E dee go gilaadeu e hagaau aloha i henua i lalo a de Maadua ne hai laa gi lava i de gai, aama de henua i de nohoanga hodooligi, gu lava laa i dana hagatoo donu ange gi gilaadeu e aaloha i de ia?

Galatians 5:6

Go hiidinga e deai donu haigamaiana de tuu dagaholiage aabe go tee tuu dagaholiage i daho Klisdo Iesu, aagai go de gai donu huu e hai hegau laa i de aloha.

Isaiah 44:5

Dahi e hagadaba naa, ‘Au se dangada niio Tagi Maolunga,’ gai dahi e kave naa de ingoo go Jacob; gai tangada ange laa e sisi ange naa gi honga dono lima, ‘Nii Tagi Maolunga’, ma de kave de ingoo go Israel.”

Revelation 1:10

Gai de Hagasaalunga ⌊Dabu⌋ ne hano iho gi ogu elunga i de laangi o Tagi Maolunga; gai au ne langona dahi leo laumalie bei de leo o de trumpet i ogu dua.

Acts 2:41

Gai gu soa dangada ne hagadonusia ana muna ga babudaisi, gai gu dolumano ange dangada ne hagapuni ange gi denga daina.

James 1:12

E manuuia tangada e lodo mmahi i dono masavaa e hagataalea ai, go hiidinga noo ia e duu ga makaga i lo te hagatale, gai ia e kave donu de hau o de mouli, go de mee a de Maadua gu hagatoo donu ange gi gilaadeu e aaloha i de ia.

Ephesians 6:24

De abodonu gi dagodo i daho dangada alodahi, e aaloha laa i taadeu Dagi Maolunga go Iesu Klisdo, i de aloha e deai laa se helui.

2 Corinthians 8:5

Gai de mee alaadeu ne daohi age e kii ange donu i mee amaadeu ne maanadu; aagai gilaadeu ne dugu ange gilaadeu i mua gi Tagi Maolunga aama gi gimaadeu bei dagodo lodo o de Maadua.

1 Corinthians 16:22

Noo dahi goodou e dee aloha i Tagi Maolunga, gai ia e hagamalaia! Gi humai taadeu Dagi Maolunga!

Romans 8:28

Gai gidaadeu e iloo bolo de Maadua e hagahai hegau mee alodahi e hai ai de mee danuaa ange gi gilaadeu e aaloha i de ia, go gilaadeu gu hagahia laa bei dagodo o dana hagatau.

Acts 11:23

Dono masavaa ne dae ai gi kilaa, gai ia gu gidee mee a de Maadua gu hai i kilaa i dono abodonu, gai ia gu malangilangi, ga hagammahi ange gilaadeu alodahi gi hai hegau ange gi Tagi Maolunga i de mee abodonu ma de lodo mmahi.

Isaiah 61:5

Gai de gau henua gee e hagaloosi oodou hagabuulingaa manu, de gau henua gee e hagabalabala naa oodou veelenga, ma de velevele oodou veelengaa grape.

Isaiah 60:10

De gau henua gee e hagatuu age naa oo buibui, gai olaadeu hodooligi e hai hegau adu naa gi de goe. Gai e dee galemu naa donu dagu hagaduasala goe i dogu lili, aagai au e abodonu adu donu gi de goe i dogu lodo aloha.

Isaiah 14:1

Tagi Maolunga e lodo aloha ange naa gi Jacob; ia e ahe ange naa e hili Israel ma de hai gilaadeu gi nnoho i delaadeu henua. De gau henua gee e loomai naa ga dau ange gi gilaadeu, ma de hagabuni ange gi dangada o Jacob.

Isaiah 61:6

Gai goodou e hagaingoo ange naa go de gau haimeedabu o Tagi Maolunga, gai e hagabinga naa bolo go de gau hai hegau o taadeu Maadua. Goodou e gaimee naa i de lava o denga huaahenua, ma de tala tuhi naa doodou kave olaadeu goloa.

Ezekiel 20:13

Gai de gau Israel ne hai baasi mai gi de au i de vao. Gilaadeu tee daudali i agu mee gu hagasauaa, aagai ne tili agu hainga — go mee e haia ga mouli tangada, noo ia e daudali ai — gai gilaadeu ne hagangadi mee agu Sabbath. Deelaa ai, au ne maanadu de hagaduasala, ma de daa gilaadeu gi maakau i de vao, i hiidinga dogu bole.

Ezekiel 47:22

Gai goodou vaevaaea de henua i oodou magavaa e henua ai goodou aama de gau henua gee e nnoho i oodou daha gu hanu laa alaadeu dama. Gilaadeu gu hagabinga bolo ni dangada Israel bei oodou dagodo; gai e vvae ange hogi dahi mommee gi gilaadeu i de henua madali denga aamuli o Israel.

Zechariah 6:15

Gai dangada e nnoho laa i mommee mmao e loomai naa ga bale de hagaduu o de temple o Tagi Maolunga. Gai goodou e tonu ange naa bolo go Tagi o denga hagabuulinga hebagi ne haia ngau gi humai gi oodou daha. Gai mee nei alodahi e hai naa donu ga bei, noo koe e hagaduu ngae ga hagallongo ange gi muna a Tagi Maolunga doodou Maadua.”

1 Kings 8:41

E bei ai hogi dagodo o tangada henua gee, e dee se dangada Israel aagai ne humai i dahi henua mmao i hiidinga doo ingoo,