Isaiah 56:2 - De Beebaa Dabu

² E manuuia tangada e haia de mee nei, ma tangada e kana ange ga daohia de mee nei, go tangada e dao ina e dee hagangadi mee Sabbath, gai e daohi luoono lima gi dee haia de baubau.”

Isaiah 56:2 Referans Kwoze

Isaiah 58:13

Noo koe e dee oha Sabbath, ma tee hai oo mee e lodo ai i dogu laangi dabu, ma de hagabinga Sabbath bolo se laangi hagamalangilangi, ma de hagaingoo ange de laangi dabu o Tagi Maolunga bolo se laangi hagadubu, gai noo koe e hagadubu de laangi laa ga dee hai donu huu au hegau, ma de hagamalangilangi donu huu goe, aama tee tala ai hanu ngadi muna,

Ezekiel 20:12

Gai au ne gaavange hogi gi gilaadeu agu Sabbath, se hagailonga i omaadeu magavaa, gi iloo ai e gilaadeu bolo go au donu go Iahweh ne vaea gee laa gilaadeu ga hai gi dabu.

Psalm 112:1

Duuhia Tagi Maolunga! E manuuia tangada e madagu i Tagi Maolunga, ma de malangilangi mmao i ana hainga.

Luke 11:28

Iesu ne hai ange gi de ia, “Gai e kii ange donu de manuuia o dangada e hagalaangona muna a de Maadua ga daudali ai!”

Ezekiel 20:20

Goodou hagadabu ina agu Sabbath, gai gi se hagailonga ai i odaadeu magavaa. Gai gi iloo ai goodou bolo go au donu go Iahweh doodou Maadua.”

Exodus 20:10

aagai de hidu laangi go Sabbath a Tagi Maolunga doo Maadua, aude haia ai dahi hegau daudahi, go koe ma dau dama daane, ma dau damaa hine, ma doo daane hai hegau, ma doo hahine hai hegau, ma au manu, aama tangada henua gee e nnoho i oo daha.

John 13:17

Noo goodou gu iloo mee nei, gai goodou e manuuia noo goodou e hai hegau ai.

Psalm 106:3

E manuuia gilaadeu e hai hegau i de hagamodu muna heohi, ma de hai hegau i de heohi i masavaa alodahi.

Proverbs 16:17

De haiava o dangada e haia de mee heohi e hagaui gee i de baubau, gai tangada e dagidiiloo dono haiava e hagaola dono mouli.

Proverbs 16:6

Go de aloha ma de hai hegau i de mee abodonu e maatala ai haisala, gai de madagu i Tagi Maolunga e hai tangada gi hano gee i de baubau.

Proverbs 14:16

Tangada heiangi e madagu i Tagi Maolunga, ma de kino i de baubau, aagai tangada lodo senga e lodo maolunga ma de vaivai hai hegau.

Proverbs 4:27

Aude daa gi de baasi madau be go de baasi masui, gai huli gee i de baubau.

Proverbs 4:13

Daohia agu agoago, aude dilia donu, gai diiloo ange gi danuaa, go hiidinga deenei doo mouli.

Psalm 119:101

Au e dee daudali i hegau baubau alodahi, gi maua ai e au i de daudali i au muna.

Leviticus 19:30

Goodou gi daohia agu Sabbath ma de hagadubu dogu mommee dabu. Go au go Iahweh.

Exodus 20:8

Manadua de laangi o Sabbath ma gi haia gi dabu.

Revelation 22:14

E manuuia gilaadeu e hagagilimalali ina olaadeu malo; gi dahi ai olaadeu sauaa e gai ai hua o de manu o de mouli, aama de ulu i haitoga o de aduhale laa.

Luke 12:43

E manuuia tangada hai hegau a dono dangada aamua e gidee bolo ia gu hagassula ana muna i dono masavaa e humai ai!

Isaiah 56:6

Gai de gau henua gee gu dau ange laa gi Tagi Maolunga ma de hai hegau ange ai gi de ia, gi aaloha i de ingoo o Tagi Maolunga ma de daumaha ange gi de ia, gai alodahi e daohia Sabbath, gai e dee hagangadi mee de laangi nei, ma tangada e daohia dagu hagatoo donu hagaheloongoi —

Psalm 128:1

E manuuia gilaadeu alodahi e maatagu i Tagi Maolunga, ma de seesee i ono haiava.

Psalm 37:27

Huli gee i de baubau gai haia tanuaa; gai koe ga maua i de noho i honga de henua ga hano ai.

Psalm 34:14

Koe gi hano gee i de baubau, gai haia tanuaa; ma de ssala gi maua e goe de noho paba.

Nehemiah 13:17

Gai au ne hagasee de gau aamua o Judah, ga hai ange gi gilaadeu, “Se hegau baubau bee hee oodou gu hai nei, gai goodou ga hagangadi mee ai de laangi o Sabbath?

Romans 12:9

Oodou aaloha gi se mee abodonu; goodou kino i de baubau, gai daohia de mee danuaa.

Isaiah 56:4

Go hiidinga e hagadaba Tagi Maolunga, “Denga eunuch e dao ina laa agu Sabbath, ma de hilihili mee oogu e malangilangi ai, aama de daohi dagu hagatoo donu hagaheloongoi —

Ecclesiastes 7:18

E danuaa dau daohi dahi mee nei, aagai e dee tili de mee ange laa; go hiidinga tangada e madagu i de Maadua e maua i de hai mee nei alodahi.