Isaiah 56:11 - De Beebaa Dabu

¹¹ Gilaadeu e bei denga gaaduu hiikai, e dee maua laa gi boobosu. Gilaadeu ni dangada hagaloosi ssiibi e dee tonu; gilaadeu alodahi gu daudali donu huu i olaadeu lodo, dahi ma dahi gu ssala donu huu mee e danuaa ange gi de ia.

Isaiah 56:11 Referans Kwoze

Micah 3:11

Dagi o Jerusalem e hagamodu muna e kave ai denga ngadi gaavange hagasenga, de gau haimeedabu e agoago e kave ai dahi hagaoanga, gai denga pelaabisi e tala mee tigi loomai e kave ai denga sseene. Aagai gilaadeu e hagataba bolo delaadeu tali go Tagi Maolunga, “E aha, Tagi Maolunga e dee noho nei i odaadeu daha? E deai naa donu se hai ngadaa e baa i gidaadeu.”

Ezekiel 13:19

Goodou ne hagangadi mee au i magavaa o dogu huaadangada i hiidinga o hanu momo barley ma hanu amuamu pelaoaa. Goodou ne daa dangada e dee heohi de daa gi maakau, aagai ne hagaola dangada e dee heohi de dugu gi mouli, i doodou hadu muna ange gi ogu dangada e hagalaangona oodou muna hhadu.

Revelation 22:15

Gai tua de aduhale e nnoho ai denga gaaduu, ma de gau hai huuhuaa mee, ma de gau dagodo haisala, ma de gau daa dangada, ma gilaadeu e daumaha ange gi denga diinonga, aama dangada alodahi e malangilangi i de hai hegau i de hadu muna.

Titus 1:7

Go hiidinga tagi o de nohoanga dabu o de Maadua, e hai donu gi deai ono mee e hagabaubau ina ai — ia gi dee hagamaolunga, be gi moolau de lillili, be gi se dangada e lodo e unu gi senga, be se dangada alasala, aabe go de nnoo hagamau mee,

John 8:43

Gai gu aha goodou gu dee tonu mai ai naa gi agu muna? Go hiidinga goodou e dee llodo e hagallongo agu muna.

Isaiah 57:17

Au ne lili i hiidinga dono nnoo hagamau mee; gai au e hagaduasala naa ia, ma de haoli luoogu mada i dogu lili, aagai ia ne duudagi donu huu de hai ono lodo.

Isaiah 1:3

De kaau e iloo dono dangada aamua, dahi donkey e iloo de mommee haangai manu a dono dangada aamua; aagai Israel e dee iloo, ogu dangada tigi tonu ange donu.”

Jude 1:16

De gau bee nei ni dangada e nnanu, ma de hagabaubau dangada; gilaadeu e hai hegau donu i olaadeu lodo haisala, gilaadeu e tuhi donu huu gilaadeu, aama de hagasegesege ange dangada gi maua ai olaadeu mee e llodo ai.

Jude 1:11

Gilaadeu e vakaa naa donu! Go hiidinga gilaadeu e seesee i de haiava o Cain, ma de hai gi maua alaadeu mee, bei hegau dee heohi a Balaam, gai gilaadeu e maakau bei dagodo o Korah i de hai alaadeu hai.

2 Peter 2:3

Gai gilaadeu e hadu age naa hanu muna hhadu, e hagasenga ai goodou i hiidinga delaadeu nnoo hagamau mee; de hagaduasala gu tala laa madagidagi goi hai hegau donu huu, gai delaadeu hagaduasala gu baba ange donu.

1 Peter 5:2

goodou diiloo ange de hagabuulingaa ssiibi a de Maadua i oodou daha naa, ma de hai hegau gi bei dagodo o denga dagi abodonu, e dee go hiidinga donu huu se hegau gu gaavadu goodou gi haia, aagai go hiidinga doodou malangilangi i de hai lodo o de Maadua; e dee go hiidinga goodou e kave dahi hagaoanga, aagai go hiidinga goodou e llodo abodonu.

Titus 1:11

Gai e heohi donu de hai de gau bee nei gi dee pasa, go hiidinga gu soa huaabodu alaadeu ne hai gi huuhuli gee i de mee heohi i alaadeu agoago dee heohi nei. Gai gilaadeu e hai mee nei i hiidinga delaadeu llodo i sseene.

1 Timothy 3:8

Gai e bei hogi denga deacon, gilaadeu gi ni dangada e hagadubu i daho dangada, gilaadeu gi dee hadu muna, ma tee llodo e unu uvaini lagolago, gai gi dee nnoo hagamau mee.

1 Timothy 3:3

ia gi dee lodo e unu gi senga, ia gi dee alasala aagai gi daudonu, ia gi dee lodo e hagadaumee, ma tee nnoo ange gi sseene.

Philippians 3:19

Gai de hagaodi o de gau bee nei go de hagaduasala, delaadeu maadua go olaadeu dinae, gai gilaadeu e hagassoenga i denga mee hagadookaa, gai e maanadu donu huu mee o henua i lalo nei.

2 Corinthians 4:4

Gai de maadua o henua i lalo nei gu lava i de hai gi dee kide lodo o dangada e dee hagadonusia, gi dee gidee ai e gilaadeu de maalama o de longo danuaa ma de mahamaha o Klisdo, go ia de hagadulagi o de Maadua.

Acts 20:33

Gai au tee nnoo ange donu gi selevaa be go goolo, aabe go malo o dahi dangada.

Acts 20:29

Au e iloo bolo dua naa huu dogu hano gee i oodou daha, gai denga wolf alasala e loomai naa gi oodou magavaa, gai gilaadeu e dee hagaola naa donu denga ssiibi.

Malachi 1:10

Mee naa dahi goodou gi bonodia denga abaaba o de temple, gi dee duungia ai e goodou denga ahi dee haigamaiana naa i honga dagu mommee o ssigidaumaha! Au e dee malangilangi i goodou, go Tagi o denga hagabuulinga hebagi e hagadaba, gai au e dee kave naa donu oodou sigidaumaha e gaamai.

Jeremiah 22:17

Aagai koe e nnoo ange ma de lodo i goloa e maua i de hadu muna, ma de daa gi maakau dangada tigi haisala, ma de hagaduasala aama de vaivai hai dangada.”

Ecclesiastes 5:10

Be goai e lodo i denga sseene e dee maua donu gi malangilangi i ana sseene e mau; gai tangada e lodo i goloa lagolago e dee maua hogi gi malangilangi i mee aana e hanu. De mee nei e deai hogi ono haigamaiana.

1 Samuel 2:29

Gai gu aha goe gu hagangadi mee ai naa dagu sigidaumaha, ma dagu mee ngadi gaavange? Gai gu aha goe gu hai ai naa gi kii ange luaau dama daane dau hagadubu i de au, ma de hai gi pedi goodou i mee danuaa hugadoo, mai i sigidaumaha alodahi a ogu dangada, go de gau Israel?’

Exodus 23:3

gai aude vae dangada ange gi tangada hagaau aloha, i de masavaa e hagamodu ai ono muna.

Philippians 3:2

Goodou dagidiiloo denga gaaduu ma gilaadeu e haia de baubau, aama gilaadeu e duuduudia olaadeu angaanga.

Isaiah 28:7

Gilaadeu nei e ssenga hogi i denga uvaini, ma de ssee saele i de unu mee mmahi; de gau haimeedabu ma denga pelaabisi gu ssee saele i de unu mee mmahi ma uvaini; gilaadeu e ssenga ange naa i de unu mee mmahi; gilaadeu e ssee saele i delaadeu gidee denga midi, gilaadeu gu dee maua i de hagamodu muna.

Jeremiah 6:13

Mai i tangada maolalo ga dae ai gi tangada maolunga, go gilaadeu alodahi e nnoo ange laa gi mee e maua i hegau dee heohi; gai mai i denga pelaabisi ga dae ai gi de gau haimeedabu, gilaadeu alodahi e hai hegau i de hadu muna.

Jeremiah 8:10

Deenei ai, au e gaavange naa olaadeu bodu gi hanu daane gee, gai olaadeu alahenua e gaavange naa gi olaadeu hagadaumee. Mai i tangada maolalo ga dae ai gi tangada maolunga, gilaadeu alodahi gu nnoo hagamau mee; denga pelaabisi ma de gau haimeedabu gu se dagodo daudahi donu, gilaadeu alodahi e hegau i de hagasenga.

Hosea 4:8

Gilaadeu e gaimee i mee e maua i haisala o ogu dangada, ma de llodo i alaadeu hegau baubau.

Numbers 22:7

Gai dagi o Moab ma Midian ne kave hanu sseene madali gilaadeu e hagao ai dana tala ange mee e dee iloo. De masavaa olaadeu ne tae ai gi daho Balaam, gai gilaadeu ga tala ange muna a Balak ne tala ange.

Judges 18:20

Gai tangada haimeedabu laa gu malangilangi. Gai ia ga kave de ephod, ma denga diinonga o de huaabodu ange laa, ma tiinonga laagau laa ga hano ai madali de gau laa.