Isaiah 55:6 - De Beebaa Dabu

⁶ Saalaa Tagi Maolunga i de masavaa e maua ai gi gidee ia; dalodalo ange gi de ia i de masavaa oona e baa mai ai.

Isaiah 55:6 Referans Kwoze

Psalm 145:18

Tagi Maolunga e baa ange gi gilaadeu e hagahia ange ia; go gilaadeu alodahi e hagahia ia i de muna abodonu.

Isaiah 45:19

Au tee tala hagammuni mee nei aabe ne tala i lo te gohu; au tee hai ange gi hagadiilinga o Jacob, ‘Saalaa au i dahi ngadi mommee.’ Go au Iahweh, au e tala de muna abodonu; au e tala de mee heohi.

Psalm 32:6

Deenei ai, dangada alodahi e heohi gi dalodalo adu gi de goe i de masavaa alaadeu e maua ai goe; ni muna abodonu, de masavaa naa huu e hagahonu age ai de vai mmahi, gai gilaadeu gu dee maua gi daea adu ia.

Psalm 14:2

Tagi Maolunga e galo iho i de langi ma e tilo dangada, e tilo be hanu gilaadeu e heiangi, aabe hanu gilaadeu e saalaa de Maadua.

Isaiah 65:24

I mua delaadeu hagaagahi mai au, gai au e basa ange gi gilaadeu, gai de masavaa alaadeu goi tala ai alaadeu muna gai au ga hagallongo.

Amos 5:6

Goodou saalaa Tagi Maolunga gi mouli ai goodou, ia kana humai ga hano laa magavaa aamuli o Joseph bei dagodo o de ahi; gai ia ga dudu ga gilaadeu alodahi, gai e deai naa donu se dangada e diinei ina de ahi laa.

1 Chronicles 28:9

Gai koe, dagu dama go Solomon, koe gi iloo de Maadua o doo damana, ma de hai hegau ange gi de ia i oo lodo alodahi ma au maanadu alodahi, go hiidinga Tagi Maolunga e iloo dagodo o denga lodo alodahi, ma de donu ange gi maanadu alodahi. Noo koe e ssala ia, gai koe e gidee naa donu ia; aagai noo koe e huli gee i de ia, gai ia e huli gee naa hogi i de goe ga hano ai.

Hebrews 2:3

gai dee hee ai taadeu hai e hagaola ai gidaadeu, noo gidaadeu e hagangadi mee de hagamouli maolunga nei? De hagamouli nei ne tala i mua i daho Tagi Maolunga, gai dangada ne langona ne tala hagadonu mai gi gidaadeu.

Psalm 27:8

Koe gu hai mai, “Saalaa gi gidee e goodou luoogu mada!” Ogu lodo e hai adu gi de goe, “Tagi Maolunga, au e ssala donu gi gidee e au luoo mada!”

De Beebaa go Job 8:5

Aagai noo koe e dalodalo ange gi de Maadua, ma de hagaduu ngae ga dangidangi ange gi de Ia Mmahi Mmao laa,

Deuteronomy 4:7

Gai e deai ange donu se huaahenua laumalie e hanu olaadeu maadua e kona de baa ange gi olaadeu dangada, bei de baa mai o Tagi Maolunga taadeu Maadua gi gidaadeu, i masavaa odaadeu e dalodalo ange ai gi de ia.

Psalm 95:7

I hiidinga go ia taadeu Maadua, gai gidaadeu go ana dangada i dana mommee iai helii, ma de hagabuulingaa ssiibi aana e tilo ange. Anailaa nei, noo goodou gu langona dono leo,

Isaiah 49:8

E hagadaba Tagi Maolunga: “Au e basa adu naa gi dau dangidangi i de masavaa danuaa, ma de bale adu goe i de laangi o de hagaola; au e hagaloosi naa goe ma de hai goe gi se hagatoo donu hagaheloongoi ange gi denga huaadangada, ma de hagaahe adu doo henua, ma de vaevae denga boolonga gu ngadi daakodo laa,

Hebrews 3:13

Aagai goodou hagadau hagammahi ina goodou i laangi alodahi, i de masavaa goi hagabinga ai bolo go “anailaa nei,” gai dahi ma dahi gi dee hagamakaga ina ono lodo, i dono hagasengalia i de haisala.

Luke 13:25

De masavaa naa huu o tangada niiona de hale e pono ai de haitoga, gai goodou e tuu naa i duaahaho ga dugidugi ai de haitoga, ga hai ange, ‘Tagi Maolunga, huugea mai de haitoga e ulu adu ai gimaadeu!’ Gai ia e hai adu naa gi goodou, ‘Au e dee iloo donu be go hee oodou ne loomai ai!’

Isaiah 46:13

au e hai gi baa mai dogu heohi, gai e dee mmao donu; gai dagu hagaola mai e dee mmule donu. Au e hai dagu hagaola gi dagodo i Zion, gai dogu mahamaha i Israel.

John 8:21

Iesu ne ahe ange hogi ga hai ange gi gilaadeu, “Au gu dai hano gee mai i kinei, gai goodou ga ssala naa au, gai goodou e maakau i lodo oodou baubau. Gai de mommee oogu e hano gi aagena, gai goodou e dee maua i de loadu aagena.”

Psalm 148:14

Ia gu hagasula age dahi hanga moo ono dangada, de tuhi a ono dangada dabu alodahi, ma de gau Israel, go dangada aana e hagamogomogo. Duuhia Tagi Maolunga!

Ezekiel 8:6

Gai ia ne hai mai gi de au, “Tama a tangada, koe e gidee naa alaadeu mee e hai — go mee hakino gee mmao a de gau Israel e hai i kinei, aanei mee e haia gi dee maua e au i de noho i dogu mommee dabu? Gai koe e gidee naa denga mee e hakino gee ange i mee nei.”

2 Chronicles 19:3

Gai goi hanu huu oo danuaa, go hiidinga koe ne aau gee mai i de henua denga duludulu laagau o Asherah, gai koe ne hagaduu ngae ga ssala de Maadua.”

Psalm 75:1

De Maadua, gimaadeu e hagaahe adu de abodonu gi de goe, gimaadeu e hagaahe adu de abodonu, go hiidinga doo ingoo e baa mai donu; dangada e tala dagodo o au hegau hagalele mouli.

Ephesians 3:13

Deenei ai, au e dangidangi adu goodou gi dee baageaa oodou lodo i ogu hagaduasala lagolago i oodou hiidinga; mee nei go doodou mahamaha.

Isaiah 12:6

Dangada o Zion, goodou hevaalogi daahili i de malangilangi, i hiidinga de Ia Dabu o Israel i oodou magavaa e maolunga.”

Matthew 5:25

Hagamoolau hagaheloongoi ina ooluu magavaa ma doo hagadaumee, i de masavaa ooluu e seesee ai e hulo gi de mommee hagamodu muna, ana vakaa ga gaavange e ia goe gi de ia hagamodu muna, gai de ia hagamodu muna ga gaavange goe gi tangada hagaloosi, gai koe gu tili ange gi lo te hale pono.

Deuteronomy 4:29

Aagai noo goodou e ssala Tagi Maolunga doodou Maadua i doodou nnoho i kilaa, gai goodou e gidee donu ia noo goodou e hagaduu ngae ga ssala ia i oodou lodo alodahi aama oodou hagasaalunga alodahi.

Isaiah 26:9

Ogu lodo e maanadu donu huu goe i de boo, gai dogu hagasaalunga e oho boo e ssala goe. De masavaa aau e hagamodu ai muna i henua i lalo, gai dangada e nnoho i henua i lalo gu iloo e gilaadeu de mee heohi.

Isaiah 45:22

Henua i lalo alodahi, daahuli mai gi de au, gi ola ai goodou; i hiidinga go au donu huu de Maadua, e deai ange donu.

Isaiah 58:9

Gai de masavaa naa huu oou e dalodalo ai, gai Tagi Maolunga ga basa adu gi de goe; de masavaa naa huu oou e dangidangi i de bale, gai ia e hai adu naa, ‘Deenei au.’ Noo koe e tuu dau vaivai hai dangada, ma de sisi ange dahi, ma de tala hagabaubau dahi,

Isaiah 65:10

Sharon e hai naa ga se mommee iai helii ange gi denga hagabuulingaa ssiibi, gai de geelonga o Achor gu se mommee hagammabu niio denga manu, ange gi ogu dangada e saalaa mai au.

Jeremiah 25:5

Gilaadeu ne hai adu, ‘Goodou alodahi dilia oodou dahulinga baubau ma oodou hegau baubau, gi maua ai e goodou i de nnoho i de henua a Tagi Maolunga gu gaavadu gi goodou ma oodou dubuna ga hano ai.

Jeremiah 33:3

Dangidangi mai gi de au gai au ga basa adu, ma de tala adu gi de goe dagodo o mee e hagammuni gai e dee iloo.

Ezekiel 14:6

Deenei ai, hai ange gi dangada o Israel, ‘E hagadaba de Ia Aamua go Iahweh: Goodou daahuli oodou lodo, gai dilia oodou diinonga ma de hulo gee i oodou dahulinga hakino gee.

Ezekiel 33:11

Hai ange gi gilaadeu, ‘Au e hagatoo donu i dogu mouli, go de Ia Aamua go Iahweh e hagadaba: Au e dee malangilangi donu i de magau o tangada baubau, aagai tangada baubau gi dahuli gee i ana hegau baubau, gi mouli ai i. Goodou daahuli gee, goodou daahuli gee i oodou hegau baubau! De gau Israel, ni haigamaiana aha doodou maakau?’

Daniel 4:27

Deenei ai, de hodooligi, noo e heohi mai i oo daha, gai koe gi daudali i agu muna. Dugua oo haisala gai hai hegau i de mee heohi, dilia oo baubau gai abodonu ange gi gilaadeu e duasala. Kana adu e maua naa gi daulooloa doo noho baba.”

Jonah 3:8

Aagai dangada ma manu dolodolo alodahi gi kahu i denga malo daladala. Gai dangada alodahi gi hagaduu ngae gi tangi ange gi de Maadua. Gai dahi ma dahi gi dilia alaadeu dahulinga baubau, ma delaadeu vaivai hai dangada.

Ezra 10:2

Gai Shecaniah tama daane a Jehiel, o de aamuli o Elam, ga hai ange gi Ezra, “Gimaadeu gu haisala ange gi taadeu Maadua, gimaadeu gu hai bodu ange gi denga haahine henua gee. Aagai e dee galemu demaadeu hai de hegau nei, gai goi dahi donu tali a de gau Israel.

Psalm 34:19

Ga lagolago naa donu hai ngadaa o tangada heohi, aagai Tagi Maolunga e hagaola mai ia i mee nei hugadoo.

Proverbs 8:17

Au e aloha i gilaadeu e aaloha i de au, gai gilaadeu e hagammahi e saalaa au e gidee naa e gilaadeu au.

Hosea 10:12

Goodou dooa ange de heohi gi oodou lodo, gai goodou ga hagihagi ai hua o de abodonu; hagabalabala ina de gelegele makaga i oodou lodo, go hiidinga gu dae mai de masavaa oodou e ssala ai Tagi Maolunga, ga dae ai gi dono humai ga hai gi hano iho de heohi gi oodou elunga.