Isaiah 55:3 - De Beebaa Dabu

³ Huugea oodou dalinga, gai loomai gi de au; goodou hagalaangona agu muna, gi mouli ai goodou. Au e hai naa dahi hagatoo donu hagaheloongoi dee ngado mai madali goodou, i hiidinga dogu hai hegau i de muna abodonu, aama dogu aloha gu hagatoo donu ange laa gi David.

Isaiah 55:3 Referans Kwoze

Jeremiah 32:40

Gai au e hai naa dahi hagatoo donu hagaheloongoi dee ngado mai madali gilaadeu, au e dee tuu naa donu dagu hai ange tanuaa gi gilaadeu. Gai au e hai naa gilaadeu gi madagu i de au, gi dee daahuli gee ai gilaadeu i de au.

Matthew 11:28

Loomai gi de au, goodou alodahi e daalea ma de daemaha, gai au ga hagammabu goodou.

Proverbs 4:20

Dagu dama, hagalaangona agu muna e tala adu; huli mai luoo dalinga mage hagalaangona agu muna.

John 10:27

Agu ssiibi e langona dogu leo; au e iloo gilaadeu, gai gilaadeu e daudali mai i de au.

Acts 13:34

Gai dagodo o dana hagamouli age Iesu mai i de magau, gi dee ahe ange ai dono angaanga gi bobo, gai de Maadua gu hagadaba, ‘Au e gaavadu gi de goe denga manuuia dabu abodonu, gu hagatoo donu ange laa gi David.’

Genesis 17:7

Gai au e hai naa dahi hagatoo donu hagaheloongoi e dee ngado mai adu gi de goe, ma doo hagadiilinga e loomai i oo dua, aama olaadeu atangada alodahi, bolo au go doo Maadua aama de Maadua o doo hagadiilinga e loomai i oo dua.

John 6:37

Dangada alodahi a Tamana e gaamai gi de au e loomai naa donu gi de au; aagai au e dee haihai naa donu ga tili tangada e humai gi de au.

Isaiah 61:8

Gai au, go au go Iahweh, e lodo i de hagamodu muna heohi, au e kino i de gaiaa ma de baubau. Gai au e hagao ange naa alaadeu hegau i hiidinga dogu hai hegau i de mee abodonu, ma de hai dahi hagatoo donu hagaheloongoi dee ngado mai madali gilaadeu.

Psalm 78:1

Ogu dangada, goodou nnoho mai hagalaangona agu agoago; hagalaangona agu muna e tala adu gi goodou!

Isaiah 54:8

Au ne kona mmao dogu lili gai au ga haoli luoogu mada gi dee gidee e goodou i dahi masavaa bodobodo, aagai au e abodonu adu gi de goe ga hano ai ma de lodo aloha adu naa gi de goe, go Tagi Maolunga doodou Ia Hagaola e hagadaba.

Leviticus 18:5

Goodou daohia agu muna gu hagasauaa ma agu hagamodu, go mee e maua ai gi mouli tangada noo ia e hai hegau ai. Go au donu go Iahweh.

Hebrews 13:20

De Maadua o de baba, go de ia ne hagamouli ina Iesu taadeu Dagi Maolunga, de Ia Hagaloosi Maolunga o denga ssiibi, i dodo o de hagatoo donu hagaheloongoi e deai laa se ngado mai,

John 8:47

Tangada se dama nii de Maadua e hagallongo muna a de Maadua. Goodou e dee hagallongo muna a de Maadua, go hiidinga goodou e dee ni dama nii de Maadua.”

Matthew 17:5

De masavaa o Peter e basa ai, gai tilo, dahi giliiga maalama gu haoli gilaadeu, gai dahi leo mai i lo te giliiga laa ga hagadaba, “Deenei dagu Dama Daane hagamogomogo, au e malangilangi i de ia. Goodou hagalaangona ana muna!”

Jeremiah 50:5

Gilaadeu e ssili naa de haiava e hano laa gi Zion, ma de huuhuli ange gi kilaa, ga hagataba, ‘Loomai, gidaadeu ga hagabuni ange gi Tagi Maolunga i dahi hagatoo donu hagaheloongoi dee ngado mai e dee maua laa gi ngalo.’

Jeremiah 33:26

gai au e tili naa hogi hagadiilinga o Jacob ma dogu dangada hai hegau go David, gai au e dee hili naa hogi dahi ono hagadiilinga gi dagina hagadiilinga o Abraham, ma Isaac, aama Jacob. Gai au e hagaahe ange naa delaadeu manuuia aama de lodo aloha ange gi gilaadeu.”

Jeremiah 30:9

Aagai gilaadeu e hai hegau ange naa gi Tagi Maolunga delaadeu Maadua, ma delaadeu hodooligi go David, go de ia aagu e gaamai e hai ai delaadeu hodooligi.

Psalm 119:112

Au ne maanadu bolo au ga daudali i au hainga gu hagasauaa, ga hano ai e dee ngado mai.

Psalm 89:28

Au e abodonu ange naa gi de ia ga hano ai, gai dagu hagatoo donu hagaheloongoi ange gi de ia e dee sui naa donu.

2 Samuel 23:5

E aha, e dee aanei dagodo o dogu huaabodu i daho de Maadua? Ia gu hai dahi hagatoo donu hagaheloongoi dee ngado mai madali au, ma de hai gi too donu mee alodahi iai. E aha, ia e dee hai naa gi sula dogu hagaola, ma mee alodahi oogu e lodo ai?

Matthew 13:16

Gai goodou gu manuuia, go hiidinga oodou ganomada e gidee gai oodou dalinga e langona!

Romans 10:5

Moses ne sisi dagodo de hagaheohi o tangada i dono daudali i de hainga: “Tangada e hai hegau i de hainga e mouli ai donu.”

John 7:37

Gai de laangi hagaodi o taonga, go de laangi maolunga hugadoo, gai Iesu ne duu age ga oo ga hagadaba, “Be goai e hieunu, gai ia gi humai gi unu i ogu daha.

2 Chronicles 6:42

Tagi Maolunga de Maadua, koe gi dee huli gee i de ia aau gu hagadabu i de lolo! Manadua de abodonu ange gi David doo dangada hai hegau.”

Psalm 119:175

Daohia dogu mouli, gai au ga tuhi ai goe, gai au muna gu hagamodu gi balea mai au.

Isaiah 51:4

“Ogu dangada, goodou hagalaangona agu muna; dogu huaahenua, nnoho mai hagalaangona: de hainga se mee mai i ogu daha, gai dagu hagamodu heohi e hagamaalama naa denga huaahenua.

Isaiah 54:10

Gai ga aau naa donu ga deai mounga, gai denga duuduu gu hagangalue gee, aagai dogu abodonu adu gi goodou e dee ngalungalue donu, dagu hagatoo donu hagaheloongoi i de nnoho baba e dee tuu naa donu, go Tagi Maolunga e hagadaba, go de ia e lodo aloha adu gi de goe.

Jeremiah 38:20

Jeremiah ga hai ange, “Gilaadeu e dee poo naa donu goe e gaavange gi gilaadeu. Gai koe daudali i muna a Tagi Maolunga aagu e tala adu gi de goe, gi danuaa adu ai gi de goe, gai doo mouli e ola naa.

Ezekiel 16:60

Aagai au e ahe ange naa ga hagamaanadu dagu hagatoo donu hagaheloongoi ne hai madali goe i de masavaa oou e gauligi ai, gai au e hai adu naa dahi hagatoo donu hagaheloongoi e dee ngado gi de goe.

Ezekiel 34:24

Gai au, go Tagi Maolunga delaadeu Maadua, gai dogu dangada hai hegau go David go delaadeu dagi. Go au donu go Iahweh e hagadaba.

Ezekiel 37:26

Au e hai naa dahi hagatoo donu hagaheloongoi o de nnoho paba madali gilaadeu, gai se hagatoo donu hagaheloongoi ange gi gilaadeu ga hano ai e dee ngado mai. Au e hai naa gilaadeu gi nnoho i de henua ma de hai gi soa gilaadeu, gai au e hagaduu naa dogu mommee dabu i olaadeu daha ga hano ai.

Amos 5:4

Gai aanei muna a Tagi Maolunga ange gi dangada o Israel: “Goodou saalaa mai au gi mouli ai goodou;

Amos 5:6

Goodou saalaa Tagi Maolunga gi mouli ai goodou, ia kana humai ga hano laa magavaa aamuli o Joseph bei dagodo o de ahi; gai ia ga dudu ga gilaadeu alodahi, gai e deai naa donu se dangada e diinei ina de ahi laa.

Genesis 49:10

De laagau hodooligi e dee aau gee naa donu i daho Judah, aabe e aau gee togo o tagi mai i magavaa luoono vae, ga dae ai gi de humai o de ia niiona togo laa; gai denga huaahenua e hagallongo ange gi de ia.

Exodus 15:26

Ia ne hai ange, “Noo goodou e kana ange e hagallongo muna a Tagi Maolunga doodou Maadua, ma de hai hegau i de mee heohi i mada luoono mada, noo goodou hagallongo ange gi ana hainga ma de daudali i ana hainga gu hagasauaa alodahi, gai au e dee gaamai naa gi goodou denga hagadaagangaa magi aagu ne gaavange laa gi de gau Egypt, i hiidinga go au donu go Iahweh e hagaieiangi ina goodou.”

2 Samuel 7:29

Gai koe gi malangilangi i de hagamanuuia de huaabodu o doo dangada hai hegau, gai gi nnoho ai gimaadeu i mada luoo mada ga hano ai. Gai koe, de Ia Aamua go Iahweh gu lava i de tala, gai de manuuia aau e hagamanuuia ai de hale o doo dangada hai hegau e dagodo naa ga hano ai.”

Psalm 89:29

Gai au e hai naa dono aamuli gi hodooligi ga hano ai, gai dono nohoanga hodooligi e duudagi naa donu huu i taulooloa de dagodo de langi i lunga.

Proverbs 7:2

Daohia agu muna gi mouli ai goe, gai hagamogomogo ina agu agoago, bei tama legalega eidu i lo too ganomada.

Ezekiel 34:25

Gai au e hai naa dahi hagatoo donu hagaheloongoi ange gi de nnoho paba madali gilaadeu, ma de hai gi deai manu lodo henua e loomai gi honga de henua. Gai gilaadeu gu maua i de nnoho paba i de vao ma de sseni i lodo henua.