Isaiah 55:12 - De Beebaa Dabu

¹² Gai goodou e ssao naa ga hulo i de malangilangi, ma de dagina ga hulo i de baba; denga mounga ma duuduu e oo naa ga daahili i oodou mada i mua, gai denga manu ssomo alodahi o de henua e baabaa naa olaadeu lima.

Isaiah 55:12 Referans Kwoze

Galatians 5:22

Aagai de hua o de Hagasaalunga go de aloha, ma de malangilangi, ma de baba, ma de golomagi lodo, ma de abodonu, ma tanuaa, ma de hai hegau i de mee abodonu,

Isaiah 44:23

De langi, hevaalogi daahili i de malangilangi, i hiidinga go Tagi Maolunga ne haia de mee nei! Denga mommee i lalo de henua, goodou hevaalogi. Denga mounga, hevaalogi i taahili, de lodo henua, ma manu alodahi e ssomo ai, go hiidinga Tagi Maolunga gu hagaola Jacob, ia gu hagaago mai dono mahamaha i Israel.

Psalm 105:43

Ia ne hagassao mai ono dangada i de lodo malangilangi, go ono dangada ne hili i de lodo danuaa.

Romans 15:13

Gai de Maadua o de tali hagalodolodo gi haia gi honu doodou malangilangi ma doodou nnoho paba i doodou hagadonusia, gai gi hagadagadaga age ai doodou tali hagalodolodo i ssauaa o de Hagasaalunga Dabu.

Isaiah 49:13

De langi, malangilangi! Henua i lalo, lodo danuaa! Denga mounga, hevaalogi ma gi malangilangi! Go hiidinga Tagi Maolunga gu hagaaneane ono dangada, ma de lodo aloha ange gi ono dangada gu vaivai haia laa.

Isaiah 35:10

dangada a Tagi Maolunga gu hagaola e aahe mai naa. Gilaadeu e loomai naa ga ulu i Zion ma de daahili; gai de malangilangi e dee odi go de hau i honga olaadeu biho. Gilaadeu e hoohonu naa i de lodo danuaa ma de malangilangi, gai taemaha ma de daalea gu hano gee mai i olaadeu daha.

Psalm 65:13

Mommee iai helii gu hoohonu i denga hagabuulingaa ssiibi, gai lodo geelonga gu dohu i denga grain; gilaadeu e hevaalogi ma de malangilangi ma de daahili.

Romans 5:1

Deenei ai, go hiidinga gidaadeu ne hagaheohi i de gai, gidaadeu gu nnoho paba madali de Maadua i hiidinga o taadeu Dagi Maolunga go Iesu Klisdo,

Jeremiah 33:6

Aagai au e hai naa gi mmahi ma de hagaieiangi de aduhale nei; au e hagaieiangi naa ogu dangada ga hai gi nnoho paba gilaadeu ma de duadonu.

Isaiah 54:10

Gai ga aau naa donu ga deai mounga, gai denga duuduu gu hagangalue gee, aagai dogu abodonu adu gi goodou e dee ngalungalue donu, dagu hagatoo donu hagaheloongoi i de nnoho baba e dee tuu naa donu, go Tagi Maolunga e hagadaba, go de ia e lodo aloha adu gi de goe.

Isaiah 48:20

Goodou hulo gee mai i Babylon, gai saavini hulo gee mai i daho de gau Babylon! Hagailoo ina de mee nei ma de oo i de malangilangi, hagadele ina de longo nei gi dae gi de bido laa o henua i lalo; hai ange, “Tagi Maolunga gu hagaola dono dangada hai hegau go Jacob.”

Colossians 1:11

Gai goodou gi mmahi i mahi alodahi, bei dagodo o ono mahi, gi maua ai e goodou i de llodo mmahi ma de golomagi lodo aama de malangilangi,

Jeremiah 30:19

Gai gilaadeu e daahili naa ga hagaahe ange de abodonu, gai leo o dangada e malangilangi ai e langona naa i kilaa. Gai au e hai naa gi kii ange de soa gilaadeu, gai taelodo o olaadeu dangada e dee kii mai naa donu. Au e hai naa gi hagadubu ina gilaadeu, gilaadeu e dee hagangadi mee ina naa donu.

Isaiah 51:11

Gilaadeu a Tagi Maolunga gu hagaola e aahe mai naa. Gilaadeu e loomai naa ga ulu i Zion ma de daahili; gai de lodo danuaa e dee odi laa go de hau i honga olaadeu biho. Gai gilaadeu e kona naa i de lodo danuaa ma de malangilangi, gai taemaha ma de daalea gu hano gee mai i olaadeu daha.

Isaiah 14:8

Denga cypress e malangilangi hogi i de goe, denga cedar o Lebanon e hagataba, ‘Mai i de masavaa oou ne hagamaolalo ina ai, gai gu deai donu se dangada e selea iho gimaadeu.’

Luke 15:10

Au e hai adu gi goodou, de gau de langi a de Maadua e malangilangi donu hogi i de dahuli lodo o dahi dangada haisala.”

Jeremiah 33:11

leo o dangada e malangilangi ai ma de llodo danuaa i kilaa, ma leo o taane ma de hine se goodo hai bodu, ma leo o dangada e daahili, i de masavaa alaadeu e gaamai ai alaadeu sigidaumaha, e hagaahe ange ai de abodonu i de hale o Tagi Maolunga, ga hagataba, ‘Hagaahea ange de abodonu gi Tagi o denga hagabuulinga hebagi, go hiidinga Tagi Maolunga e danuaa, gai dono abodonu e dagodo ga hano ai.’ Gai au e hagaahe ange naa de manuuia o de henua gi bei ono dagodo i mua, go Tagi Maolunga e hagadaba.

Psalm 47:1

Dangada alodahi, baabaa oodou lima! Hevaalogi daahili ange gi de Maadua i de malangilangi!

Romans 5:11

Gai e dee deenei donu huu, gai gidaadeu e malangilangi hogi i de Maadua, i daho taadeu Dagi Maolunga go Iesu Klisdo, go de ia ne haia ga maua e gidaadeu de hagadanuaa odaadeu magavaa ma de Maadua.

Isaiah 54:13

Gai au dama alodahi e agoago naa i daho Tagi Maolunga, gai au dama e laumalie naa delaadeu nnoho paba.

Psalm 65:12

De mommee iai helii i lodo henua gu lagolago mmao, gai denga duuduu gu malangilangi.

Psalm 69:34

De langi ma henua i lalo gi duuhia ia, ma tai aama mee alodahi e mouli i ono lodo.

Isaiah 52:9

Denga mommee i Jerusalem gu ngadi daakodo laa, goodou alodahi hevaalogi daahili i de malangilangi, go hiidinga Tagi Maolunga gu hagaaneane lodo o ono dangada; ia gu hagaola Jerusalem.

Jeremiah 29:11

Go hiidinga au e iloo denga hagatau aagu gu hagadabena adu gi goodou, go Tagi Maolunga e hagadaba, ni hagatau e hai ai gi duadonu goodou e dee hai adu ai de baubau, gai gi dahi ai oodou tali i denga laangi e loomai.

Ezekiel 17:24

Gai denga manu ssomo alodahi i lo te duu malaelae e iloo naa bolo go au go Iahweh; go au ne sele ina iho denga manu ssomo lloa, gai ne hai denga manu e paa i lalo gi ssomo gi lloa, ma de hai gi mmae denga manu lau kohu, gai ga hai denga manu gu mmae laa gi ssomo danuaa. Go au donu go Iahweh ne daalaa muna nei, gai au e hagassula naa donu mee nei.’ ”