Isaiah 54:8 - De Beebaa Dabu

⁸ Au ne kona mmao dogu lili gai au ga haoli luoogu mada gi dee gidee e goodou i dahi masavaa bodobodo, aagai au e abodonu adu gi de goe ga hano ai ma de lodo aloha adu naa gi de goe, go Tagi Maolunga doodou Ia Hagaola e hagadaba.

Isaiah 54:8 Referans Kwoze

Jeremiah 31:3

gai Tagi Maolunga ne hakide ange gi de ia i de mommee mmao, ga hai mai, “Dogu aloha i de goe e dee ngado donu, deelaa ai, au ne duudagi de muna abodonu adu gi de goe.

1 Timothy 1:16

Gai deenei de hiidinga aagu gu kave ai tegi nei, e hagaago mai ai i ogu daha de kona de golomagi lodo o Klisdo Iesu, gai de mee nei ne hagaago ange gi gilaadeu gu dai hagadonusia ia, gai gilaadeu ga kave ai de mouli e dee ngado mai, gai go au hugadoo e haisala i dangada.

Isaiah 60:10

De gau henua gee e hagatuu age naa oo buibui, gai olaadeu hodooligi e hai hegau adu naa gi de goe. Gai e dee galemu naa donu dagu hagaduasala goe i dogu lili, aagai au e abodonu adu donu gi de goe i dogu lodo aloha.

Zechariah 1:15

Gai au gu kona hogi dogu lili i denga huaahenua e nnoho paba laa, go hiidinga de masavaa oogu ne damaa lili ai i ogu dangada, gai gilaadeu ne kona donu delaadeu hagaduasala ogu dangada.

Isaiah 55:3

Huugea oodou dalinga, gai loomai gi de au; goodou hagalaangona agu muna, gi mouli ai goodou. Au e hai naa dahi hagatoo donu hagaheloongoi dee ngado mai madali goodou, i hiidinga dogu hai hegau i de muna abodonu, aama dogu aloha gu hagatoo donu ange laa gi David.

Isaiah 54:10

Gai ga aau naa donu ga deai mounga, gai denga duuduu gu hagangalue gee, aagai dogu abodonu adu gi goodou e dee ngalungalue donu, dagu hagatoo donu hagaheloongoi i de nnoho baba e dee tuu naa donu, go Tagi Maolunga e hagadaba, go de ia e lodo aloha adu gi de goe.

Isaiah 54:5

Go hiidinga doo bodu go ia ne haia goe, dono ingoo go Tagi o denga hagabuulinga hebagi; gai de Ia Dabu o Israel go doo Ia Hagaola, ia e hagaingoo ange go de Maadua o henua i lalo alodahi.

Isaiah 48:17

E hagadaba Tagi Maolunga, doo Ia Hagaola, de Ia Dabu o Israel: “Go au donu Tagi Maolunga doo Maadua, go au e agoagona adu de mee danuaa adu gi de goe, ma de dagi goe i de haiava e heohi doo hano ai.

Isaiah 47:6

Au ne lili i ogu dangada, ga hai gi dee se mee dabu dogu boolonga; au ne dugu adu goe gi hagadee kii ina gilaadeu, gai koe tee lodo aloha ange gi gilaadeu. Koe ne hagahai hegau kona donu hogi de gau madumaatua.

Isaiah 8:17

Au e tali ange Tagi Maolunga, go de ia e hagamuunia luoono mada i dangada o Jacob. Gai au e tali ange naa donu ia.

2 Thessalonians 2:16

Gai taadeu Dagi Maolunga go Iesu Klisdo aama de Maadua taadeu Damana e aloha laa i gidaadeu, ma de hagaaneane odaadeu lodo ga hano ai, aama de tali hagalodolodo i dono abodonu,

Isaiah 49:26

Au e hai naa gilaadeu ne vaivai haia goodou gi gaina olaadeu kano donu; gilaadeu e unu naa olaadeu dodo bei denga uvaini maimai. Gai gi iloo ai e dangada alodahi bolo go au donu go Iahweh, doo Ia Hagaola, go au ne hagaola ina goe, go au de Ia Mmahi o Jacob.”

Isaiah 45:15

Ni muna abodonu, koe se Maadua e hagamuunia goe, go koe de Maadua ma de Ia Hagaola i Israel.

Psalm 103:17

Aagai de abodonu o Tagi Maolunga se mee ange gi gilaadeu e maatagu i de ia, mai i de masavaa e dee ngado mai ga dae ai gi de masavaa e dee ngado mai, gai dono heohi e dohu ange gi denga atangada alodahi,

Psalm 13:1

Tagi Maolunga, dee hee maa taulooloa dau hagangalo au? Dee hee maa taulooloa dau hagammuni luoo mada i de au?

Psalm 27:9

Koe gi dee hagamuunia luoo mada i de au, koe gi dee alualumia doo dangada hai hegau i doo lili; go koe nogo balea mai au. De Maadua, dogu Ia Hagaola, koe gi dee kino aabe gi hano gee mai i ogu daha.

Psalm 30:5

Go hiidinga dono lili e dee daulooloa donu, gai dono abodonu e dagodo i taulooloa odaadeu mouli. De dangi e humai i de boo, aagai de malangilangi e humai i taiao.

Isaiah 14:1

Tagi Maolunga e lodo aloha ange naa gi Jacob; ia e ahe ange naa e hili Israel ma de hai gilaadeu gi nnoho i delaadeu henua. De gau henua gee e loomai naa ga dau ange gi gilaadeu, ma de hagabuni ange gi dangada o Jacob.

Isaiah 26:20

Ogu dangada, goodou hulo ulu gi lodo oodou aabi, ma gi bonodia ange oodou haitoga, ga mmuni ai i dahi masavaa bodobodo, ga dae ai gi de ui de masavaa o de bole.

Isaiah 40:27

Jacob, gu aha gu hagadaba ai naa goe, Israel, gu aha gu nanu ai naa goe ma e hagadaba, “Tagi Maolunga e dee gidee donu ogu dagodo; gai dogu Maadua e dee anga ange mai donu gi dogu heohi”?

Isaiah 49:10

Gilaadeu e dee hiikai naa donu be hieunu, gai de vao hagavvela ma de madangi hagavvela e dee hagammae naa donu gilaadeu. Gai de ia e lodo aloha ange laa gi gilaadeu e dagi naa gilaadeu, ga kave gi gaogao denga saalingaa vai.

Isaiah 49:13

De langi, malangilangi! Henua i lalo, lodo danuaa! Denga mounga, hevaalogi ma gi malangilangi! Go hiidinga Tagi Maolunga gu hagaaneane ono dangada, ma de lodo aloha ange gi ono dangada gu vaivai haia laa.

Isaiah 55:7

Tangada baubau gi dilia ana dahulinga baubau, gai tangada dee heohi gi dilia ana maanadu dee heohi. Gai ia gi ahe mai gi Tagi Maolunga, gai ia ga lodo aloha ange gi de ia; ia gi ahe mai gi taadeu Maadua, gai ia ga degi ange gi de ia.

Isaiah 63:7

Au e tala dagodo de abodonu o Tagi Maolunga, ma hegau e heohi laa de tuhi ai ia, i hiidinga hegau alodahi a Tagi Maolunga ne hai mai gi gidaadeu, ma mee danuaa aana ne hai ange gi de gau Israel, bei dagodo o dono lodo aloha ma dono abodonu laumalie.

Isaiah 64:7

E deai donu se dangada e hagahia adu doo ingoo, aabe e hagammahi e ssala goe; koe gu hagammuni luoo mada i gimaadeu, gai gu dugu ange omaadeu baubau gi hagaduasala ina gimaadeu.

Jeremiah 33:26

gai au e tili naa hogi hagadiilinga o Jacob ma dogu dangada hai hegau go David, gai au e dee hili naa hogi dahi ono hagadiilinga gi dagina hagadiilinga o Abraham, ma Isaac, aama Jacob. Gai au e hagaahe ange naa delaadeu manuuia aama de lodo aloha ange gi gilaadeu.”

Jeremiah 51:5

Gai de Maadua, go Tagi o denga hagabuulinga hebagi, tigi tili donu Israel ma Judah, e dee galemu donu delaadeu henua gu honu i de haisala i mada luu mada o de Ia Dabu o Israel.

Habakkuk 3:2

Tagi Maolunga, au gu langona oo longo, Tagi Maolunga, gai au gu lele ogu mouli i au hegau. Ahe ange haia au hegau i demaadeu masavaa, haia gi iloo e gimaadeu dagodo o au hegau; gai koe manadua de lodo aloha i doo bole.

Zechariah 1:16

Deenei ai, e hagadaba Tagi Maolunga: Au e ahe ange naa e lodo aloha ange gi Jerusalem; dogu hale e hagaduu naa i lo te aduhale laa, gai de uga haide e haide naa Jerusalem, go Tagi o denga hagabuulinga hebagi e hagadaba.

Zechariah 10:6

“Au e hai naa gi mmahi dangada o Judah, gai au e hagaola naa dangada o Joseph. Au e hagaahe mai naa gilaadeu go hiidinga au e lodo aloha ange gi gilaadeu. Gai e dagodo naa be au tee tili donu gilaadeu, go hiidinga go au Tagi Maolunga, delaadeu Maadua; gai au e basa ange naa gi alaadeu dalodalo.

Psalm 103:4

ia e hagaola doo mouli mai i lo te geelonga o de gau maakau, ma de hagahau goe i dono abodonu ma dono lodo aloha.

Ezekiel 39:29

Au gu dee huli gee luoogu mada i gilaadeu, gai au e hai naa gi hano iho dogu Hagasaalunga gi honga o de gau Israel, go de Ia Aamua go Iahweh e hagadaba.”