Isaiah 54:7 - De Beebaa Dabu

⁷ Au ne tili goe i dahi masavaa bodobodo, aagai au e hagaahe mai naa goe i hiidinga dogu lodo aloha laumalie.

Isaiah 54:7 Referans Kwoze

Psalm 30:5

Go hiidinga dono lili e dee daulooloa donu, gai dono abodonu e dagodo i taulooloa odaadeu mouli. De dangi e humai i de boo, aagai de malangilangi e humai i taiao.

2 Peter 3:8

Ogu soa hagamogomogo, goodou gi dee ngalo bolo dahi laangi sogosogo, e bei de mano ngadau i daho Tagi Maolunga, gai de mano ngadau e bei donu huu dahi laangi.

Micah 4:6

E hagadaba Tagi Maolunga, “De laangi laa gai au e hagabuni naa gilaadeu e balagelage, ma gilaadeu gu mavaevae saele aama gilaadeu aagu gu hagaduasala.

Isaiah 26:20

Ogu dangada, goodou hulo ulu gi lodo oodou aabi, ma gi bonodia ange oodou haitoga, ga mmuni ai i dahi masavaa bodobodo, ga dae ai gi de ui de masavaa o de bole.

Isaiah 60:4

Dangage age ma gi galogalo saele mage diiloo: gilaadeu alodahi gu hagabuni e loomai gi oo daha. Au dama daane e loomai naa i de mommee mmao, gai au damaa hine e saabai i honga dono dege.

Deuteronomy 30:3

gai Tagi Maolunga doodou Maadua e hagaahe mai naa goodou gi doodou henua, ga lodo aloha adu gi goodou, ma de hagaahe mai goodou i denga huaadangada aana gu hai goodou gi mavaevae saele aagena.

Isaiah 66:18

Gai au e iloo dagodo o alaadeu hegau ma maanadu i olaadeu lodo; gai e dae mai naa de masavaa e hagabuni mai ai denga huaahenua alodahi ma dangada e pasa i muna henua gee. Gai gilaadeu e loomai naa ga gidee dogu mahamaha.

2 Corinthians 4:17

Go hiidinga odaadeu hai ngadaa e hai donu huu i dahi masavaa bodobodo, e hagadabena ange ai gidaadeu gi de mahamaha laumalie e dee ngado mai laa, e dee maua laa i de hagahedae ange gi dahi mee daudahi,

Matthew 23:37

“Jerusalem, Jerusalem! De aduhale ne daia ga maakau denga pelaabisi ma de maga i hadu, gilaadeu ne hai gi loomai gi oo daha! Gu dee modu donu dogu lodo e hagabudu mai au dama, bei de hai a de gaagoo hahine e hagabudu ai laa ana dama i lalo luoono bakau, aagai koe e dee lodo!

Isaiah 56:8

Gai de Ia Aamua go Iahweh e hagadaba, go de ia e hagabuni ina mai de gau Israel gu i denga henua gee: “Au e hagabuni mai naa hogi de gau ange laa, gi daho olaadeu aagu gu lava laa i de hagabuni mai.”

Ezekiel 36:24

Au e hagaahe mai naa goodou i daho denga huaahenua; au e hagabuni mai naa goodou i denga henua alodahi, ga hagaahe mai gi doodou henua.

Isaiah 60:10

De gau henua gee e hagatuu age naa oo buibui, gai olaadeu hodooligi e hai hegau adu naa gi de goe. Gai e dee galemu naa donu dagu hagaduasala goe i dogu lili, aagai au e abodonu adu donu gi de goe i dogu lodo aloha.

Isaiah 40:11

Ia e tilo ange naa dana hagabuulingaa ssiibi bei tangada hagaloosi ssiibi, ia e hagabudu naa ana ssiibi gauligi i luoono lima, ma de saabai gilaadeu i ono hadahada; gai ia e dagi maalie naa denga ssiibi e hanu laa alaadeu dama.

Isaiah 27:12

De laangi laa gai Tagi Maolunga e hili naa denga grain mai i ssaalingaa vai go Euphrates ga dae ai gi Ssaalingaa Vai o Egypt, gai goodou de gau Israel e bei naa denga grain e ogo dagidahi laa.

Psalm 106:47

Tagi Maolunga, demaadeu Maadua, hagaola ina gimaadeu; hagaahea mai gimaadeu i daho denga huaahenua, gai gimaadeu ga hagadegi ai doo ingoo dabu ma de hagamahamaha goe i de tuhi.

Ephesians 1:10

gai ia ga hagahai hegau ai i de masavaa gu hagamodu laa — gai ia ga hai ai gi buni mee alodahi i de langi ma henua i lalo ssauaa o Klisdo.

Isaiah 49:18

Dangage age ma gi diiloo; au dama alodahi gu hagabuni mai gi oo daha. Au e hagatoo donu i dogu mouli, go Tagi Maolunga e hagadaba, “Koe e hai naa gilaadeu alodahi bei mee hagalaagii aau e dau laa; koe e dau naa gilaadeu bei mee hagalaagii o de hine gu dai hai bodu.

Isaiah 11:11

De laangi laa gai de Ia Aamua e hagaahe mai naa ono dangada e doe i ssauaa o dono lima, mai i Assyria, ma Egypt, ma Pathros, ma Ethiopia, ma Elam, ma Babylon, ma Hamath, aama mai i denga modu alodahi.

James 4:6

Aagai ia e abodonu mmao; deelaa ai, gu sisi e hai ange, “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”

Isaiah 11:12

Gai ia e hagaduu age naa dahi hagailonga ange gi denga huaahenua, ma de hagabuni mai de gau Israel i denga henua gee; ia e hagaahe mai naa dangada o Judah gu mavaevae saele laa gi denga dege e haa o henua i lalo.

Isaiah 12:1

De laangi laa gai koe e hagadaba naa: “Tagi Maolunga, au e hagaahe adu de abodonu gi de goe, go hiidinga, e dee galemu koe nogo lili i de au, gai iainei koe gu dee lili, gai gu hagaaneane ogu lodo.

Isaiah 14:1

Tagi Maolunga e lodo aloha ange naa gi Jacob; ia e ahe ange naa e hili Israel ma de hai gilaadeu gi nnoho i delaadeu henua. De gau henua gee e loomai naa ga dau ange gi gilaadeu, ma de hagabuni ange gi dangada o Jacob.

Isaiah 27:8

Koe se hagabau donu dau alualu gilaadeu gi hulo gi dahi henua gee — ia ne busi gilaadeu gi hulo gee i de madangi o dono ngudu, bei de laangi e ssau mai ai de madangi i dua.

Isaiah 49:13

De langi, malangilangi! Henua i lalo, lodo danuaa! Denga mounga, hevaalogi ma gi malangilangi! Go hiidinga Tagi Maolunga gu hagaaneane ono dangada, ma de lodo aloha ange gi ono dangada gu vaivai haia laa.

Isaiah 49:21

Gai koe e hagadaba naa i oo lodo, ‘Goai ne hanaua mai dama nei gi de au? Au ne buliaamou ma teai agu dama; au ne gaavee gi dahi henua gee ma de dilia. Gai goai ne haelea age dama nei? Tilo, go au donu huu e doe; aagai go hee ne loomai ai dama nei?’ ”

Isaiah 50:1

E hagadaba Tagi Maolunga, “I hee iai de beebaa maavae a doodou dinana, aagu ne gaavadu ga hai ai ia gi hano gee? Gai goai aagu ne hagao ange goodou aagena e hagao ai agu muli? Tilo, go hiidinga oodou haisala oodou ne hagao ai gi daha, gai go oodou haisala ne hidi mai ai de hano gee o doodou dinana.

Isaiah 62:4

Gai koe gu dee hagabinga bolo go De ia gu Dilia, gai doodou henua gu dee hagabinga bolo go Ngadi Dagodo. Aagai koe e hagaingoo ange naa go Hephzibah, gai doo henua e hagaingoo ange naa go Beulah; go hiidinga Tagi Maolunga e malangilangi naa i de goe, gai doo henua e bei naa de hine gu hai bodu.

Isaiah 63:7

Au e tala dagodo de abodonu o Tagi Maolunga, ma hegau e heohi laa de tuhi ai ia, i hiidinga hegau alodahi a Tagi Maolunga ne hai mai gi gidaadeu, ma mee danuaa aana ne hai ange gi de gau Israel, bei dagodo o dono lodo aloha ma dono abodonu laumalie.

Jeremiah 51:5

Gai de Maadua, go Tagi o denga hagabuulinga hebagi, tigi tili donu Israel ma Judah, e dee galemu donu delaadeu henua gu honu i de haisala i mada luu mada o de Ia Dabu o Israel.

Lamentations 3:31

Go hiidinga de Ia Aamua e dee tili donu dahi dangada ga hano ai.

Psalm 30:6

De masavaa oogu e duadonu ai, gai au ne hagadaba, “Au e dee maua donu gi ngalungalue”.

Psalm 107:3

ma gilaadeu aana gu hagaahe mai i denga henua gee, i dua ma dai, aama ngaiho ma ngaage.

Lamentations 3:32

Gai e dee galemu naa donu dana hai gi duu ange au gi de hagaduasala, gai ia e lodo aloha mai donu hogi, bei tagodo o dono abodonu laumalie.