Isaiah 54:5 - De Beebaa Dabu

⁵ Go hiidinga doo bodu go ia ne haia goe, dono ingoo go Tagi o denga hagabuulinga hebagi; gai de Ia Dabu o Israel go doo Ia Hagaola, ia e hagaingoo ange go de Maadua o henua i lalo alodahi.

Isaiah 54:5 Referans Kwoze

Isaiah 48:17

E hagadaba Tagi Maolunga, doo Ia Hagaola, de Ia Dabu o Israel: “Go au donu Tagi Maolunga doo Maadua, go au e agoagona adu de mee danuaa adu gi de goe, ma de dagi goe i de haiava e heohi doo hano ai.

Ezekiel 16:8

Muli mai gai au ne seesee adu ange hogi gi de mommee oou iai, gai tilo, koe gu odi ange oo ngadau e hai bodu ai. Gai au ga hai dogu malo ga haoli adu ai goe, gi dee gilisau ai goe. Au ne hagatoo donu adu gi de goe, ma de hai dahi hagatoo donu hagaheloongoi madali goe — go de Ia Aamua go Iahweh e hagadaba — gai au ne hai goe ga niiagu.

John 3:29

Taane niiona de bodu go taane gu dai hagahai bodu. Gai ssoa o taane gu dai hagahai bodu e duu ma e tali e hagallongo ana muna, gai ia e malangilangi mmao i dana langona de leo o taane gu dai hagahai bodu. Deenei ai, dogu malangilangi gu honu danuaa.

Ephesians 5:32

De mee e dee iloo laa e hai ngadaa mmao i de tonu ange aagena, aagai au e hagadaba bolo de mee nei e tala dagodo o Klisdo ma de nohoanga dabu.

Zechariah 14:9

Gai Tagi Maolunga e hodooligi naa i henua i lalo alodahi. De laangi laa gai e dahi naa donu huu Dagi Maolunga, gai go dono ingoo donu huu e dahi.

Luke 1:32

Ia e sula naa ga maolunga, gai e hagabinga naa go Tama Daane a de Ia Maolunga Mmao laa. Gai Tagi Maolunga de Maadua e gaavange naa gi de ia de nohoanga hodooligi o dono dubuna go David,

Jeremiah 51:19

Gai e dee deenei tagodo o de ia e hagabinga laa go Tuuhanga o Jacob; gai go ia ne haia mee alodahi, aama Israel de aamuli o dono boolonga — dono ingoo go Iahweh o denga hagabuulinga hebagi.

Jeremiah 3:14

Goodou aahe mai, denga dama gu daahuli gee i de au, go Tagi Maolunga e hagadaba. Go au doodou dangada aamua; au e kave naa hanu goodou — e dahi mai i dahi aduhale gai e dogolua mai i dahi huaabodu — gai au e hagaahe mai naa goodou gi Zion.

Isaiah 6:3

Gai gilaadeu e hagadau pasa ma e hagataba, “E dabu, e dabu, e dabu Tagi o denga hagabuulinga hebagi, henua i lalo alodahi gu honu i dono mahamaha.”

Revelation 11:15

Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”

Jeremiah 10:16

Gai e dee aanei dagodo o de ia e hagabinga laa go Tuuhanga o Jacob; go hiidinga go ia ne haia mee alodahi, gai ia hogi ne haia Israel, de aamuli o dono boolonga; dono ingoo go Iahweh o denga hagabuulinga hebagi.

Isaiah 43:14

E hagadaba Tagi Maolunga, doodou Ia Hagaola, go de Ia Dabu o Israel: “Au e aalu naa gi Babylon ga oha mee hagamakaga o denga haitoga ma de hagauda mai de gau Babylon alodahi gu hagadee kii laa, i denga vaga olaadeu e hagassoenga ai laa.

Isaiah 51:15

Go au donu go Iahweh doodou Maadua, go au ne saugalo ina lo te moana ga hai gi beabeau; dogu ingoo go Iahweh o denga hagabuulinga hebagi.

Isaiah 48:2

Goodou e hagataba bolo goodou ni dangada e dau ange gi de aduhale dabu, gai goodou e dau ange gi de Maadua o Israel; dono ingoo go Tagi o denga hagabuulinga hebagi.

Isaiah 11:9

Gai e deai naa donu se hagammae aabe go de oha i honga dogu mounga dabu alodahi, go hiidinga henua i lalo e honu naa i de iloo mee o Tagi Maolunga, bei de honu o tai i denga lausedi.

Isaiah 45:11

E hagadaba Tagi Maolunga, de Ia Dabu o Israel, gai go de ia ne haia Israel: E aha, koe e ssili naa dagodo o agu dama, ma dagodo o mee e loomai, aabe e tala mai agu hegau e hai?

Isaiah 54:8

Au ne kona mmao dogu lili gai au ga haoli luoogu mada gi dee gidee e goodou i dahi masavaa bodobodo, aagai au e abodonu adu gi de goe ga hano ai ma de lodo aloha adu naa gi de goe, go Tagi Maolunga doodou Ia Hagaola e hagadaba.

Isaiah 65:16

Gai be goai naa huu e hagamanuuia ina dahi i honga de henua, gai ia e hai de mee nei i de ingoo o de Maadua abodonu; gai tangada e haia dahi hagatoo donu i honga de henua, e hagatoo donu naa i de ingoo o de Maadua abodonu. Gai mee hai ngadaa gu hai i mua e ngalo naa, gai gu haoli gi dee gidee e au.

Hosea 2:16

De laangi laa, go Tagi Maolunga e hagadaba, gai koe e hagahi mai naa ‘Dogu bodu’ gi de au, koe gu dee hai mai ‘Dogu Baal’.

Malachi 1:11

Dogu ingoo e hagaamua naa i denga huaahenua alodahi, mai i de sobo age o de laa ga dae ai gi de danu. Sigidaumaha o mee maanongi ma denga sigidaumaha gilimalali e gaamai naa gi de au i mommee alodahi, go hiidinga dogu ingoo e hagaamua naa i denga huaahenua, go Tagi o denga hagabuulinga hebagi e hagadaba.

Joshua 3:11

Tilo, de ngavesi o de hagatoo donu hagaheloongoi a de Ia Aamua o henua i lalo alodahi, e hano naa i oodou mada i mua gi lo te saalingaa vai go Jordan.

Joshua 3:13

Gai de masavaa naa huu o de gau haimeedabu e sabaia laa de ngavesi a Tagi Maolunga — de Ia Aamua o henua alodahi — e tuu ai olaadeu vae i lo te vai o Jordan, gai ono vai gu tuu de ssali iho; denga vai e loiho laa i lunga gu tuu de loiho, ga hagabudubudu age i dahi mommee.”

De Beebaa go Job 19:25

Aagai au e iloo bolo dogu Ia Hagaola e mouli, gai muli mai naa huu gai ia e duu i honga henua i lalo.

Isaiah 43:1

Aagai iainei, Tagi Maolunga e hagadaba — de ia ne hagadau ina goe, Jacob, gai go de ia ne hagahua ina goe, Israel: “Aude madagu, go hiidinga au gu hagaola goe; au gu hagahi adu goe i doo ingoo, koe niiagu.

Hosea 2:18

De laangi laa, gai au e hai naa dahi hagatoo donu hagaheloongoi ange gi gilaadeu madali denga manu dolodolo o lodo henua ma manu llele, ma manu e tolo i honga de gelegele. Au e hai naa gi deai mee hholu, ma gadilaasa, ma hebagi i honga de henua, gai dangada alodahi e nnoho paba ma tee maatagu.