Isaiah 54:4 - De Beebaa Dabu

⁴ Koe gi dee madagu; koe e dee hagadogaa ina naa donu. Koe gi dee manavasaa i doo hagangadi mee ina; koe e dee hagamaolalo ina. Gai koe e ngalo naa doo hagadogaa ina i de masavaa oou e gauligi ai, gai koe e dee manadua naa donu doo hagadogaa ina i teai soo bodu.

Isaiah 54:4 Referans Kwoze

Isaiah 41:10

Gai koe gi dee madagu, go hiidinga au madali goe, aude manavasaa oo lodo, i hiidinga go au donu doo Maadua. Go au e hagammahi ina goe, ma de bale adu goe; go au donu e daohia age goe i dogu lima madau i de heohi.

1 Peter 2:6

Go hiidinga e hagadaba de Beebaa Dabu: “Tilo, au e hagaduu dahi hadu i Zion, go tuludulu hagamogomogo i tege ne hili laa, gai be goai e hagadonusia ia e dee hagadogaa ina donu.”

Jeremiah 31:19

Dua dogu huli gee i de goe, gai au ne dahuli ogu lodo; dua dogu agoagona ga donu ange, gai au ne hagailiili ogu hadahada ⌊i dogu daemaha⌋. Au ne dogaa ma de hagadogaa ina, i hiidinga o ogu baubau i de masavaa oogu e dama daane ai.’

Isaiah 61:7

Goodou e kave naa tuuhanga e lua hanonga e kii ange ai e sui ai doodou hagadookaa ina. Gilaadeu e malangilangi naa i olaadeu boolonga e sui ai delaadeu hagangadi mee ina; gai delaadeu gelegele i de henua e hai naa ga lua hanonga e kii ange ai, gai delaadeu malangilangi e deai donu se ngado mai.

Isaiah 51:7

Goodou e iloo de mee heohi, hagalaangona agu muna, goodou de huaadangada e daohia agu hainga i oodou lodo: goodou aude maatagu i de hagabaubau a dangada goodou, aabe gi manavasaa i delaadeu hagadookaa goodou.

Isaiah 41:14

De ilo go Jacob, aama Israel damaa mee, koe gi dee madagu, i hiidinga go au donu e bale adu goe, go Tagi Maolunga e hagadaba, de ia ne hagaola ina goe, go de Ia Dabu o Israel.

Ezekiel 16:43

Go hiidinga koe tee manadua doo masavaa e damaa hine ai, aagai koe ne hai au ga lili i mee nei alodahi, deenei ai, au e sui adu naa donu au hegau ne hai, go de Ia Aamua go Iahweh e hagadaba. E aha, koe tee hai laa hogi dahulinga hakino gee nei madali au hegau baubau alodahi ange laa?

Ezekiel 16:22

Gai de masavaa oou e hai ai au dahulinga hakino gee ma de hai be se manu, gai koe tee manadua donu doo masavaa e gauligi ai, koe nogo gilisau ma teai oo malo, ma doo dagodo ga dagai saele i lodo oo dodo.

Isaiah 4:1

De laangi laa gai e dogohidu haahine e poo naa dahi daane, ga hai ange, “Gimaadeu e gai naa donu huu amaadeu gai, ma de hai omaadeu malo e kahu ai; deelaa donu huu, hai bodu mai gi gimaadeu, gi dee dookaa ai gimaadeu!”

Isaiah 25:8

Ia e hai naa gi deai se magau ga hano ai. De Ia Aamua go Iahweh e ssolo naa loimada i ganomada alodahi; ia e kave gee naa de hagadogaa o ono dangada mai i henua i lalo alodahi. Go Tagi Maolunga e hagadaba.

Isaiah 29:22

Deenei ai, Tagi Maolunga ne hagaola ina laa Abraham, e hagadaba i dagodo o dangada o Jacob: “Jacob e dee ahe ange naa donu ga dogaa, gai luoono mada e dee mada tea naa donu i dono dogaa.

Isaiah 50:7

De Ia Aamua go Iahweh ne bale mai au, deelaa ai, au e dee hagangadi mee ina naa donu; deenei ai, au gu soe donu dagu maanadu, gai au e iloo bolo au e dee dogaa naa donu.

Isaiah 54:14

De aduhale e hagaduu naa i de heohi, gai de hagaduasala e mmao gee naa donu, gai goodou e dee maatagu naa donu i dahi mee daudahi. De mee hagamaatagu e kave naa donu gi mmao gee i goodou; e dee dai baabaa adu naa donu gi goodou.

Lamentations 1:1

De aduhale nogo soa laa dangada e nnoho ai gu se mommee e ngadi dagodo! De aduhale maolunga i magavaa o denga huaahenua gu bei dagodo o de hine gu magau dono bodu! De aduhale nogo maolunga ange laa i denga aduhale gu hai ma gu se dangada hai hegau.

Ezekiel 36:15

Au e hai naa donu gi dee langona e goe de hagammae manava a de huaahenua, gai koe e dee hagangadi mee ina naa donu i daho denga huaadangada, aabe gilaadeu e hagadee kii doo henua, go de Ia Aamua go Iahweh e hagadaba.”

Joel 2:21

De henua, aude madagu, gai lodo danuaa ma de malangilangi. Ni muna abodonu, Tagi Maolunga gu hai hanu hegau hagalele mouli.

Zephaniah 3:11

De laangi laa, gai koe e dee dogaa naa, i hiidinga o au hegau, go mee oou ne haisala mai ai gi de au, go hiidinga au e kave gee mai naa i oo daha de gau pasa hagamaolunga. Gai koe e dee aahe ange e hagamaolunga i honga dogu mounga dabu.

Zechariah 10:6

“Au e hai naa gi mmahi dangada o Judah, gai au e hagaola naa dangada o Joseph. Au e hagaahe mai naa gilaadeu go hiidinga au e lodo aloha ange gi gilaadeu. Gai e dagodo naa be au tee tili donu gilaadeu, go hiidinga go au Tagi Maolunga, delaadeu Maadua; gai au e basa ange naa gi alaadeu dalodalo.

De Beebaa go Job 11:16

Koe e ngalo naa doo hai ngadaa, gai koe e manadua naa de mee nei bei denga vai gu gaavee laa i de mee mmilo.

Isaiah 65:16

Gai be goai naa huu e hagamanuuia ina dahi i honga de henua, gai ia e hai de mee nei i de ingoo o de Maadua abodonu; gai tangada e haia dahi hagatoo donu i honga de henua, e hagatoo donu naa i de ingoo o de Maadua abodonu. Gai mee hai ngadaa gu hai i mua e ngalo naa, gai gu haoli gi dee gidee e au.