Isaiah 54:2 - De Beebaa Dabu

² Hagalaumalie ina de mommee o doo hale malo, gai doohaa gi madoha malo buibui o doo hale, aude daohia mai, gai hagatolo ina gi daha oo daula, ma de hagatuu gi makaga oo laagau hagamakaga.

Isaiah 54:2 Referans Kwoze

Isaiah 33:20

Galo ange diiloo Zion, de aduhale o adaadeu daonga gu hagailonga; koe e gidee naa Jerusalem, de mommee iai de baba, gai se hale malo e dee hagangalue; ono laagau hagamakaga e dee dada age naa donu, gai ono daula e dee moomodu hogi.

Exodus 39:40

ma malo e dau ai luu baasi de buibui laa daha, ma denga duludulu ma olaadeu dagelo, ma de malo e dau i ma te haitoga o de buibui laa daha, ma ono daula, ma baalanga e daohi ai, ma denga goloa alodahi e hai ai hegau o de tabernacle, go de hale malo hagabuni;

Jeremiah 10:20

Dogu hale malo gu maoha, ono daula gu modumodu. Agu dama gu hulo gee mai i ogu daha, gilaadeu gu dee maaleva; gai gu deai donu se dangada e doe e hagaduulia age dogu hale malo aabe go de dau age dogu buibui.

Exodus 35:18

ma baalanga e velo ai e daohi de buibui laa daha ma de tabernacle, ma olaadeu daula;

Genesis 26:22

Gai ia ne ngalue ange gi dahi mommee gee ga geli ai dahi vai geli, gai gilaadeu teai donu ne hagadaumee ange gi de ia i de vai laa. Gai ia ga hagaingoo ange de vai laa go Rehoboth, go hiidinga ia e hagadaba, “Anailaa nei gai Tagi Maolunga gu hai gi lahalaha demaadeu mommee, gai gimaadeu e hagadili naa ga soa i de henua nei.”

Isaiah 26:15

Tagi Maolunga, koe e hai ma gu kii ange de laumalie de huaahenua, koe e hai ma gu kii ange de laumalie age de huaahenua. Koe gu hagamahamaha goe i daho dangada; koe gu hagatolo gi daha goinga alodahi o de henua.

Micah 7:11

De laangi e hagaduu age ai doo buibui e dae mai naa donu, ma de laangi e hagatolo ai gi daha oo goinga.