Isaiah 54:11 - De Beebaa Dabu

¹¹ De aduhale gu hagaduasala ina, ma de oohaa i de madangi, gai tee hagaaneane ina, tilo, au e ahe ange naa e bae age goe i hadu hagamogomogo, ma de hagadagodo oo dagelo i denga sapphire.

Isaiah 54:11 Referans Kwoze

Jeremiah 30:17

Aagai au e hagaieiangi naa goe, ma de hai gi mmahu oo maanuga, go Tagi Maolunga e hagadaba, go hiidinga koe ne hagaingoo ange bolo se ia e kino ai dangada, ma Zion e deai laa dangada e anga ange aagena.

Acts 14:22

ga hagammahi ange ai lodo o denga dangada agoago gilaadeu gi duudagina de daohi de gai, ga hai ange, “Gidaadeu e tuu ange naa donu gi denga hagaduasala lagolago, gi maua ai e gidaadeu i de ulu i de hodooligi o de Maadua.”

1 Chronicles 29:2

Gai au gu lava i de hagadabena mee alodahi e hai ai de hale o dogu Maadua — go goolo e hai ai goloa goolo, ma selevaa, ma bronze, ma iron, ma laagau, ma onyx lagolago ma hadu hagamogomogo, ma antimony, ma denga hadu hagalaagii, ma hagadaagangaa hadu hagamogomogo alodahi, aama marble.

John 16:33

Au gu tala adu mee nei gi goodou, gi dagodo ai dogu baba i oodou lodo. Goodou e hagaduasala ina naa donu i henua i lalo, gai goodou gi llodo mmahi, au gu kii i henua i lalo!”

Ezekiel 10:1

Gai tilo, au ne gidee dahi mee be se nohoanga, e hai i sapphire i baasi lunga de moana i honga biho o denga cherubim.

Isaiah 54:6

Gai Tagi Maolunga gu hagahi adu goe bei de hine gu dilia ma de daemaha ono lodo, bei de hine e hai bodu i dono masavaa se damaa hine ai, gai gu dilia, go doo Maadua e hagadaba.

Isaiah 51:21

Deenei ai, goodou gu hagaduasala ina, hagalaangona muna nei, goodou gu ssenga, gai tee senga i uvaini:

Isaiah 49:14

Aagai Zion e hagadaba, “Tagi Maolunga gu tili au, gai de Ia Aamua gu ngalo donu au.”

Isaiah 28:16

Gai e hagadaba de Ia Aamua go Iahweh; “Tilo, au gu hagaduu dahi hadu e hai ai tagelo i Zion, se hadu gu lava i de hagadanuaa; gai go tuludulu o de logunga hagamogomogo, gai se dagelo makaga; gai be goai e hagadonusia e dee hai mee hagamoolau.

Isaiah 14:32

Dee hee dau hai e basa ange ai gi de gau sui o de huaahenua laa? Hai ange, “Tagi Maolunga gu hagaduu gi makaga Zion, gai ono dangada nogo vaivai haia laa e gidee naa delaadeu mommee buibui i ono daha.”

Psalm 34:19

Ga lagolago naa donu hai ngadaa o tangada heohi, aagai Tagi Maolunga e hagaola mai ia i mee nei hugadoo.

Ephesians 2:20

Goodou gu hagatuu ange gi honga tagelo a de gau tala ma denga pelaabisi, gai go Klisdo Iesu donu tuludulu o de logunga,

Matthew 8:24

Gai tilo, gu ssau mai de madangi mmahi gi honga de vai laa, gai delaadeu boose gu dai abulu. Aagai Iesu e seni.

Ezekiel 1:26

Gai lo te moana i honga olaadeu biho laa iai dahi mee be se nohoanga hodooligi e hai i sapphire; gai honga de mee be se nohoanga hodooligi laa e noho ai dahi e bei hoolinga o tangada.

Lamentations 1:21

Dangada gu langona dogu gonogono, aagai e deai donu se dangada e hagaaneane ina ogu lodo. Ogu hagadaumee alodahi gu langona dogu hai ngadaa; gilaadeu gu malangilangi i au mee gu hai mai gi de au. Haia gi moolau de dae mai de laangi aau gu lava laa i de hagailoo, gi bei ai gilaadeu ogu dagodo.

Isaiah 51:23

Gai au e gaavange naa de ubu laa gi gilaadeu ne vaivai haia goodou gi unu ai, go gilaadeu ne hai adu gi goodou, ‘Goodou daakodo gi lalo, gai gimaadeu ga seesee i honga oodou dua.’ Oodou dua gu bei honga de gelegele, gai e bei honga haiava o dangada e seesee ai laa.”

Song of Songs 5:14

Luoono lima ni laagau goolo e hagalaagii i denga chrysolite. Dono angaanga e bei de ivory gu hagamalali, ma de hagalaagii i denga sapphire.

1 Kings 5:17

Gai de hodooligi ne hai ange gilaadeu gi duuduudia denga duudangaa hadu nnui, ga hagamalali e hai ai tagelo o de hale daumaha.

Deuteronomy 31:17

De masavaa laa gai au e lili naa i gilaadeu, ga tili gilaadeu ma de huli gee luoogu mada i gilaadeu, gai gilaadeu e odi naa i de maakau. Denga mee baubau ma hai ngadaa lagolago e hai ange naa gi gilaadeu, gai gilaadeu e hagataba naa i de laangi laa, ‘E dee go hiidinga taadeu Maadua gu dee noho i odaadeu daha, ne tuu mai ai nei hai ngadaa nei gi gidaadeu?’

Exodus 24:10

gai gilaadeu ne gidee de Maadua o Israel: de mommee i lalo luoono vae e bei dagodo o de mommee e hai i sapphire, gai e masalaba bei dagodo o lo te langi i lunga.

Exodus 3:7

Gai Tagi Maolunga ga hai ange gi de ia, “Au gu gidee donu de duasala o ogu dangada i Egypt, au gu langona hogi delaadeu tangi i hiidinga de hai a olaadeu dagi e hagaduasala ai gilaadeu; au gu iloo donu dagodo o delaadeu duasala.

Exodus 3:2

Gai tangada de langi o Tagi Maolunga ne hakide ange gi de ia i de ahi ula i lo te manu somo baa i lalo. Gai Moses ne galo ange ga tilo de manu somo laa; gai de ahi e ula i ono lodo, aagai de manu laa e dee vvela donu ono lau.

Exodus 2:23

Dua huu hanu ngadau lagolago, gai de hodooligi o Egypt gu magau. Gai de gau Israel gu duasala mmao i delaadeu hagahai hegau kona ina, gai gilaadeu ga dangidangi i de bale, gai de Maadua gu langona e ia delaadeu dangidangi.

Isaiah 60:15

E dee galemu donu koe ne dilia ma de kino ai o dangada, gai gu deai dangada e loomai laa kilaa, aagai au e hai naa goe gi maolunga ga hano ai, gai gi se mommee e malangilangi ai denga atangada alodahi.

De Beebaa go Job 28:16

Dono hagamogomogo e dee bei goolo o Ophir, aabe go de hadu hagamogomogo go de onyx aabe go de sapphire.

Isaiah 44:28

Go au ne hagadaba i dagodo o Cyrus, ‘Go ia dagu dangada hagaloosi, gai ia e hagassula naa mee alodahi oogu e lodo ai; ia e hagadaba naa i Jerusalem, “Hagaduulia age ange,” ma de hagadaba i de temple, “Hagadaakodo ina ono dagelo.” ’

Isaiah 54:12

Au e hai naa oo hale maolunga i denga agate gai e hai oo haitoga i denga jewel malamalama, gai oo buibui alodahi i denga hadu hagamogomogo.

Micah 7:11

De laangi e hagaduu age ai doo buibui e dae mai naa donu, ma de laangi e hagatolo ai gi daha oo goinga.

1 Kings 6:30

Gai Solomon ne haoli tagelo o de aabi e mua gi lodo ma denga aabi e mua gi daha i goolo.

2 Chronicles 3:6

Ia ne hagalaagii lo te hale i denga hadu hagamogomogo ma goolo mai i Parvaim.