Isaiah 53:3 - De Beebaa Dabu

³ Ia ne hagangadi mee ina ma de kino ai o dangada, se dangada e lagolago ono hagammae, ma de donu ange gi dagodo o de hagaduasala. Dangada e kino i de kalo ange e tilo ia; ia ne hagangadi mee ina, gai gidaadeu tee hagadubu ia.

Isaiah 53:3 Referans Kwoze

Matthew 26:67

Aagai gilaadeu ga savasavale ange gi luoono mada, ma de dugidugi ia i olaadeu lima. Gai hanu ne hagailiili ia,

Isaiah 53:10

Aagai se hagatau nii Tagi Maolunga, de hagammae ia ma de hagaduasala ia, gai dono mouli ne hai ai ssigidaumaha o tagasala. Deelaa ai, ia e gidee naa ono hagadiilinga soa, ma de lagolago ono laangi e mouli ai; gai de hagatau a Tagi Maolunga e hagasula naa i ono daha.

Isaiah 49:7

E hagadaba Tagi Maolunga, de Ia Hagaola o Israel, gai go dono Ia Dabu, ange gi de ia e hagangadi mee ina ma de kino ai o denga huaahenua, ma ange gi tangada hai hegau o denga dagi: “Denga hodooligi e tuu age naa, i de masavaa alaadeu e gidee ai goe, denga dagi o de henua e ino naa gi lalo, i delaadeu gidee goe, go hiidinga Tagi Maolunga, go de ia e hai hegau i de muna abodonu, gai go de Ia Hagaola ma de Ia Dabu ma o Israel, ne hilihilia goe.”

Mark 14:34

Gai ia ga hai ange gi gilaadeu, “Au gu daemaha mmao ogu lodo, gai gu baa ange donu gi de magau; goodou nnoho i kinei dagidiiloo ai.”

Isaiah 53:4

Ni muna abodonu, ia ne kave odaadeu baageaa ma de hagauda odaadeu daemaha; gai gidaadeu ne maanadu bolo de Maadua ne hagaduasala ia, ia ne hagailiilia, ma de hagammae.

Hebrews 5:7

Gai de masavaa o Iesu ne mouli ai i henua i lalo, gai ia ne dalodalo aama de dangidangi i de dangi see aama de ssali ono loimada ange gi de ia e maua laa i de hagaola ia mai i de magau, gai de Maadua ne hagallongo dana dangidangi, i hiidinga ia e hai hegau i de hagadubu ma de madagu.

Isaiah 50:6

Au ne dugu ange au gi gilaadeu e hagailiilia dogu dua, gai e huli ange luoogu galaahuu gi gilaadeu e vele ina dogu gumigumi; gai au tee haoli luoogu mada i de hagadogaa ma de saavale.

Hebrews 4:15

Go hiidinga taadeu dangada haimeedabu maolunga e lodo aloha mai gi odaadeu mee e baageaa ai, i hiidinga ia gu lava i de hagatale i mee alodahi bei odaadeu dagodo, aagai ia tee haisala donu.

Luke 9:22

Gai ia ga hai ange, “Tama a Tangada e hagaduasala naa ma de hagangadi mee ina i daho denga dagi, ma de gau haimeedabu maolunga, aama de gau sisi, ga daa ga magau, gai de hagadolu laangi naa huu gai ia gu mouli age.”

Luke 16:14

Gai denga Pharisee, e nnoo ange laa gi sseene lagolago, ne langona e gilaadeu muna nei, gai gilaadeu ga doo mee i Iesu.

Luke 8:53

Aagai dangada ga kada i ana muna, go hiidinga gilaadeu e iloo bolo tamaa hine laa gu magau.

Mark 15:19

Gai gilaadeu ga hagailiili dono biho i de laagau ma de savasavale ange gi de ia, aama de duuduli ga ino ange gi de ia.

Mark 9:12

Ia ne hai ange gi gilaadeu, “Elijah e humai naa donu i mua, ga hagadabena mee alodahi. Gai gu aha gu sisi ai laa, bolo Tama a Tangada e kona naa donu dono hagaduasala ina, ma dono hagangadi mee ina?

John 11:35

Gai Iesu ga dangi.

John 8:48

Gai de gau Ssuu ga hai ange gi de ia, “E heohi donu demaadeu hai adu bolo koe se dangada Samaria, gai de hagasaalunga baubau e noho i oo daha.”

Matthew 27:63

ga hai ange gi de ia, “Tangada aamua, gimaadeu gu manadua bolo taane ne daahangadia laa dangada, ne hagadaba i dono masavaa e mouli ai, ‘Dua naa huu e dolu laangi, gai au gu mouli age.’

Micah 5:1

De aduhale o denga daane hebagi, hagabuni ina oo hagabuulinga hebagi, go hiidinga hanu gu dai hebagi mai naa gi taadeu aduhale. Gilaadeu e hagailiili naa de galaahuu o tagi o Israel i de laagau.

Zechariah 11:8

Gai au ne daa ga maakau de gau hagaloosi dogodolu laa i e dahi malama. Au tee maua de golomagi ogu lodo i gilaadeu, gai gilaadeu ne kino i de au.

Deuteronomy 32:15

Aagai Jeshurun ne bedi, ga dagadagahi au; koe gu bedi i de gaimee ma de daemaha, ma de bungubungu. Koe gu tili de Maadua ne haia goe, ma de hagangadi mee de Baba, doo Ia Hagaola.

Luke 19:41

De masavaa o Iesu ne baa ange ai ga gidee de aduhale, gai ia gu dangi,

Psalm 69:29

Au e duasala ma de mmae; dogu Maadua, koe gi hagaola ina ma de dugu age au gi de mommee maolunga!

Mark 10:33

Gai ia ga hai ange, “Tilo, gidaadeu ga loage nei gi Jerusalem, gai Tama a Tangada e gaavange naa gi de gau haimeedabu maolunga ma de gau sisi. Gai gilaadeu e hagamodu naa ono muna e daa gi magau, ma de gaavange ia gi denga Gentile,

Mark 10:34

gai gilaadeu e doo mee naa i de ia, ma de savasavale ange gi de ia, ma de hagailiili ia aama de daa ia gi magau. Gai dua naa huu e dolu laangi gai ia e mouli age.”

Isaiah 52:14

Dangada soa ne llele mouli i ono dagodo — dono angaanga e kona de lagolagohia, gu dee dagodo be se angaanga dangada, gai dono angaanga gu dee madea ange bolo se angaanga dangada —

Psalm 88:4

Au gu bei gilaadeu e loiho laa gi lo te geelonga o de magau; au gu bei tangada gu deai laa ono mahi.