Isaiah 52:9 - De Beebaa Dabu

⁹ Denga mommee i Jerusalem gu ngadi daakodo laa, goodou alodahi hevaalogi daahili i de malangilangi, go hiidinga Tagi Maolunga gu hagaaneane lodo o ono dangada; ia gu hagaola Jerusalem.

Isaiah 52:9 Referans Kwoze

Isaiah 51:3

Tagi Maolunga e hagaaneane naa donu Zion, ma de lodo aloha ange gi ono mommee alodahi gu oohaa laa; ia e hai naa ono vao gi bei Eden, gai ono lodo henua gi bei de veelenga a Tagi Maolunga. De malangilangi ma de lodo danuaa e dagodo naa i kilaa, aama de hagaahe ange de abodonu ma de leo o taahili.

Psalm 98:4

Henua i lalo alodahi, hevaalogi duuhia Tagi Maolunga; malangilangi, daahili ma de hagadangidangi!

Isaiah 61:4

Gilaadeu e aahe ange naa ga hagatuu age mommee gu maoha ma gu ngadi daakodo i denga masavaa gu hulo; gilaadeu e hagaahe age naa denga aduhale gu maoha laa, ma gu ngadi daakodo mai i denga atangada gu hulo.

Isaiah 55:12

Gai goodou e ssao naa ga hulo i de malangilangi, ma de dagina ga hulo i de baba; denga mounga ma duuduu e oo naa ga daahili i oodou mada i mua, gai denga manu ssomo alodahi o de henua e baabaa naa olaadeu lima.

Isaiah 48:20

Goodou hulo gee mai i Babylon, gai saavini hulo gee mai i daho de gau Babylon! Hagailoo ina de mee nei ma de oo i de malangilangi, hagadele ina de longo nei gi dae gi de bido laa o henua i lalo; hai ange, “Tagi Maolunga gu hagaola dono dangada hai hegau go Jacob.”

Isaiah 44:26

go au e hagassula ina muna a ogu dangada hai hegau, aama de hagassula muna pelaabisi a ogu dangada hagailoo. Au e hagadaba i dagodo o Jerusalem, ‘Dangada e aahe ange naa ga nnoho ai,’ ma de hagadaba i dagodo o aduhale o Judah, ‘Denga aduhale e hagatuu age ange naa, gai au e hagaahe age naa mommee gu maoha laa.’

Isaiah 44:23

De langi, hevaalogi daahili i de malangilangi, i hiidinga go Tagi Maolunga ne haia de mee nei! Denga mommee i lalo de henua, goodou hevaalogi. Denga mounga, hevaalogi i taahili, de lodo henua, ma manu alodahi e ssomo ai, go hiidinga Tagi Maolunga gu hagaola Jacob, ia gu hagaago mai dono mahamaha i Israel.

Isaiah 14:7

Henua i lalo alodahi gu mmabu ma de nnoho paba, gilaadeu gu oo ma gu daahili.

Galatians 4:27

Go hiidinga gu sisi e hai ange, “De hine dee hua, koe gi malangilangi; de hine tigi langona iho de mmae i de haanau, koe gi oo mage malangilangi; go hiidinga de hine gu dilia e soa ange naa ana dama i dama a de hine e dahi laa ono bodu.”

Isaiah 49:13

De langi, malangilangi! Henua i lalo, lodo danuaa! Denga mounga, hevaalogi ma gi malangilangi! Go hiidinga Tagi Maolunga gu hagaaneane ono dangada, ma de lodo aloha ange gi ono dangada gu vaivai haia laa.

Isaiah 12:6

Dangada o Zion, goodou hevaalogi daahili i de malangilangi, i hiidinga de Ia Dabu o Israel i oodou magavaa e maolunga.”

Isaiah 40:1

E hagadaba doodou Maadua: Hagaaneane ina, hagaaneane ina ogu dangada.

Isaiah 43:1

Aagai iainei, Tagi Maolunga e hagadaba — de ia ne hagadau ina goe, Jacob, gai go de ia ne hagahua ina goe, Israel: “Aude madagu, go hiidinga au gu hagaola goe; au gu hagahi adu goe i doo ingoo, koe niiagu.

Isaiah 63:9

Ia ne hagaduasala hogi i olaadeu hagaduasala alodahi, gai tangada de langi i mada luoono mada ne hagaola gilaadeu. Gai ia ne hagaola gilaadeu i dono aloha ma dono abodonu; ia ne saabai gilaadeu i honga luoono eu mai i denga laangi gu hulo.

Micah 4:10

Tamaa hine o Zion, dangi ma gi dige saele i doo mmae, bei de hine gu hai ono hagalangona, go hiidinga koe gu dai hano gee naa i de aduhale ga nnoho gaainga i lodo henua. Koe e hano naa gi Babylon; gai koe e hagaola mai naa i kilaa. Gai Tagi Maolunga e hagao mai naa goe i daho oo hagadaumee.

Psalm 102:22

i de masavaa o denga huaadangada ma denga hodooligi e hagabuni ai e daumaha ange ai gi Tagi Maolunga.

Isaiah 44:22

Au gu ili gi hulo oo haisala bei dahi giliiga, ma de hai oo haisala gi bei de mama o denga vai. Ahe mai gi de au, go hiidinga au gu hagaola goe.

Isaiah 51:12

“Go au, go au donu de ia e hagaaneane ina goe. Gai go koe goai, gai koe ga madagu ai i tangada e magau laa, gai go dama a dangada, e bei laa dagodo o denga helii?