Isaiah 52:7 - De Beebaa Dabu

⁷ Ga dae laa de mahamaha i honga denga mounga vae o dangada e gaamai de longo danuaa, go de ia e daalaa dagodo o de nnoho paba, ma de gaamai denga longo danuaa ma de tala dagodo o de hagaola, ma de hai ange gi Zion, “Go doo Maadua e hodooligi!”

Isaiah 52:7 Referans Kwoze

Nahum 1:15

Galo ange diiloo honga denga mounga, dabuvae o de ia e gaamai de longo danuaa, ma de tala dagodo o de nnoho paba! Judah, haia au daonga, ma de hagassula au hagatoo donu. Go hiidinga gu deai ange dangada baubau e kage mai gi honga doo henua; gilaadeu gu daia ma gu maakau.

Mark 16:15

Gai ia ga hai ange gi gilaadeu, “Goodou hulo gi henua i lalo alodahi ga agoago ange ai de longo danuaa gi dangada alodahi.

Ephesians 6:15

ga ulumagi ange mee vae gi oodou vae, go de longo danuaa o de baba;

Isaiah 40:9

Zion, de ia e hagadele ina de longo danuaa, koe gi hanage gi honga dahi mounga maolunga. Jerusalem, go de ia e hagadele ina de longo danuaa, koe gi oo i de leo laumalie. Aude madagu, gai oo hai ange gi aduhale o Judah, “Tilo, doo Maadua gu humai!”

Psalm 93:1

Go Tagi Maolunga e hodooligi; ia e gahu i de mahamaha. Tagi Maolunga gu gahu; ia e gahu i de mmahi. Henua i lalo gu hagaduu ma gu makaga; gai e dee maua naa donu gi baguu.

Matthew 28:18

Aagai Iesu ne humai ga basa ange gi gilaadeu, ga hai ange, “Ssauaa alodahi i de langi ma henua i lalo gu gaamai gi de au.

Isaiah 24:23

De masavaa laa gai de maasina e senga ange naa, gai de laa e dogaa naa, go hiidinga Tagi o denga hagabuulinga hebagi e hodooligi naa i honga de mounga go Zion aama Jerusalem, gai ia e hagamahamaha naa i madamada o denga daane maatua o Jerusalem.

Psalm 68:11

De Ia Aamua e hagailoo ana muna, gai e soa haahine ne hagadele ina muna nei:

Luke 2:10

Gai tangada de langi ga hai ange gi gilaadeu, “Goodou aude maatagu! Tilo, au ne gaamai gi goodou dahi longo danuaa ma de hagamalangilangi ange gi dangada alodahi.

Mark 13:10

Aagai de longo danuaa e agoago ange naa gi denga huaahenua alodahi i mua de hai mee nei.

Revelation 14:6

Gai au ne gidee ange hogi dahi dangada de langi e lele i lo te moana i lunga, ia e kave de longo danuaa dee ngado mai laa, e tala ange gi dangada e nnoho i henua i lalo, go denga huaahenua ma denga aamuli, ma dangada e pasa i denga hagadaagangaa muna, aama denga huaadangada alodahi.

Zechariah 9:9

Tamaa hine o Zion, koe gi malangilangi! Tamaa hine o Jerusalem, koe gi oo i doo malangilangi! Tilo, doo hodooligi e humai naa gi oo daha; ia e heohi gai de hagaola i ono daha, ia e daudonu gai e gage i honga dahi donkey, ma dahi manu gauligi, go tama a dahi donkey.

Luke 24:47

gai de dahuli o de lodo ma de degi ange gi haisala, e agoago ange naa gi denga huaahenua alodahi i dono ingoo, gai e daamada mai i Jerusalem.

Song of Songs 2:8

Hagalaangona adu de leo o dogu dau soa! Tilo, deenei ia gu humai nei, ia e savini mai laa honga denga mounga, ma de lellele mai laa honga denga duuduu.

Psalm 99:1

Go Tagi Maolunga e hodooligi, denga huaadangada gi bolebole; ia e noho i magavaa luu cherubim; henua i lalo gi ngalungalue.

Revelation 11:15

Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”

Micah 4:7

Au e hai naa tangada balagelage go dahi dangada e doe, gai dangada ne gaavee gee e hai naa ga se huaahenua mmahi. Gai Tagi Maolunga e dagi naa gilaadeu i honga de mounga go Zion, mai de laangi laa, ga hano ai e dee ngado mai.

Isaiah 33:22

Gai Tagi Maolunga go demaadeu ia hagamodu muna, Tagi Maolunga go demaadeu ia hai hainga, Tagi Maolunga go demaadeu hodooligi; gai go ia e hagaola ina gimaadeu.

Psalm 96:10

Hai ange gi denga huaahenua, “Go Tagi Maolunga tagi.” Henua i lalo gu hagaduu ma gu makaga, gai e dee maua naa donu gi baguu; ia e hagamodu naa muna o dangada i de heohi.

Matthew 25:34

Gai de Hodooligi e hai ange naa gi dangada i dono baasi madau, ‘Loomai, goodou gu lava i de hagamanuuia i daho dogu Damana. Goodou gaavee de nohoanga hodooligi gu hagadabena adu laa gi goodou, mai i taamada age de hai o henua i lalo.

Psalm 59:13

hagallilo ina gilaadeu i doo bole, hagallilo ina gilaadeu ga dae ai gi teai se gilaadeu e doe. Gai henua i lalo alodahi e iloo naa bolo go de Maadua e dagina Jacob. Selah

Psalm 97:1

Go Tagi Maolunga e hodooligi; henua i lalo gi lodo danuaa, gai mommee lagolago i tagudai gi malangilangi.

Isaiah 41:27

Go au hugadoo ne hai ange gi Zion i taamada, “Tilo, aanei gilaadeu!” Au ne hai gi humai gi Jerusalem dahi dangada e hagailoo ina longo danuaa.

Isaiah 42:11

Lodo henua ma ono aduhale gi daahili, gai denga aduhale vaaligiligi o de gau Kedar e nnoho ai gi malangilangi. Dangada o Sela gi daahili i delaadeu lodo danuaa, gilaadeu gi hevaalogi i ulu denga mounga.

Psalm 98:2

Tagi Maolunga gu hagaago mai dana hagaola, ma de hagaago ange gi denga huaahenua dono heohi.

Psalm 98:3

Ia tee ngalo donu dono abodonu, ma de hai hegau i de mee abodonu ange gi de gau Israel. Henua i lalo alodahi gu gidee e gilaadeu de kii o taadeu Maadua.

Nahum 2:1

Nineveh, tangada oohaa mee gu humai e hai baasi adu gi de goe. Dagitilo i honga de buibui o de aduhale; hagaloosia de haiava; hagadaabena ina oodou goloa hebagi, gai hagammahi ina goodou ma de lo taane!