Isaiah 52:14 - De Beebaa Dabu

¹⁴ Dangada soa ne llele mouli i ono dagodo — dono angaanga e kona de lagolagohia, gu dee dagodo be se angaanga dangada, gai dono angaanga gu dee madea ange bolo se angaanga dangada —

Isaiah 52:14 Referans Kwoze

Isaiah 50:6

Au ne dugu ange au gi gilaadeu e hagailiilia dogu dua, gai e huli ange luoogu galaahuu gi gilaadeu e vele ina dogu gumigumi; gai au tee haoli luoogu mada i de hagadogaa ma de saavale.

Matthew 26:67

Aagai gilaadeu ga savasavale ange gi luoono mada, ma de dugidugi ia i olaadeu lima. Gai hanu ne hagailiili ia,

Psalm 22:17

Ogu ivi gu tuu mai, gai dangada gu haaina ngau.

Matthew 27:14

Aagai Iesu e dee basa ange donu gi de ia, deelaa ai, de goobenaa gu lele mmao ono mouli.

Luke 22:64

Gilaadeu ne nnoa hogi luoono mada gai ga ssili ange gi de ia, “Basa pelaabisi, daalaa mai be goai ne hagailia goe!”

Psalm 22:15

Ogu mahi gu masa bei de gumedi hadu, gai dogu ua gu buni; koe gu danu au i lo te gelegele o de magau.

Mark 7:37

Gai dangada gu llele mouli mmao, ga hagataba, “Mee alodahi a taane nei e hai e danuaa. Ia gu hai donu hogi gilaadeu e longoduli gi langona, gai gilaadeu e dee pasa gu pasa!”

Mark 6:51

Gai ia ga gage age gi olaadeu daha i lo te boose, gai de madangi gu sili. Gai ana dangada agoago gu llele mouli,

Mark 5:42

De masavaa laa donu huu gai de gauligi hahine laa gu hidi age ga seesee saele. (Tamaa hahine laa gu madaangahulu ma lua ono ngadau.) Aagai gilaadeu ne ulu laa madali ia gu llele mouli mmao.

Matthew 7:28

Gai ga lava huu muna a Iesu, gai dangada soa i kilaa gu llele mouli i ana agoago,

Psalm 71:7

Dogu mouli se hagailonga ange gi dangada soa, aagai go koe dogu mommee buibui makaga.

Luke 5:26

Gai dangada alodahi gu llele mouli ga tuhi de Maadua aama de maatagu mmao, ga hagataba, “Gidaadeu gu gidee hanu mee hagalele mouli anailaa nei!”

Luke 4:36

Gai dangada alodahi gu llele mouli ga hagataba i olaadeu magavaa, “Ni muna bee hee aanei? Ia ne basa ange gi hagasaalunga baubau laa i ssauaa aama de mmahi, aagai gilaadeu ga ssao ga hulo gee!”

Luke 2:47

Dangada alodahi ne langona ana muna gu llele mouli i dono iloo mee aama ana muna e basa ange ai gi gilaadeu.

Mark 10:32

Gai Iesu ma ana dangada agoago ne seesee age e hulo gi Jerusalem, gai Iesu e hano i olaadeu mada i mua, gai ana dangada agoago gu llele mouli, gai dangada e daudali adu i olaadeu dua gu maatagu. Aagai Iesu ne ahe ange ga kave tinoangahulu ma dogolua, ga daamada de tala ange gi gilaadeu mee gu dai hai ange gi de ia.

Mark 10:26

Gai denga dangada agoago gu kii ange donu de llele olaadeu mouli, ga hagadau ssili i olaadeu magavaa, “Gai goai ai naa donu e maua gi hagamouli?”