Isaiah 51:9 - De Beebaa Dabu

⁹ De lima o Tagi Maolunga, alahage, alahage! Hakahu ina goe i de mahi, alahage, bei oo dagodo i denga laangi gu hulo, bei au hegau i denga atangada madagidagi. E aha, e dee go koe e duuduudia de Rahab ga too dagidahi ma de velo de manu laumalie laa?

Isaiah 51:9 Referans Kwoze

Isaiah 52:1

Zion, alahage, alahage, hagammahi ina goe. Jerusalem, de aduhale dabu, gahu i oo malo mahamaha. Gai de gau tigi tuu dagaholiage ma gilaadeu e dee gilimalali e dee aahe e ulu i de aduhale.

Isaiah 27:1

De laangi laa gai Tagi Maolunga e hagaduasala naa i dana gadilaasa hagamaatagu ma de laumalie aama de mmahi, de Leviathan, go de labodo e tolo laa, de Leviathan, go de labodo e haganigo laa; ia e daa naa ga magau de manu laumalie o de moana.

Psalm 89:10

Koe e hagabalaginagina Rahab bei de manu gu daa ma gu magau; koe gu hagamavaevae saele oo hagadaumee i doo lima mmahi.

Isaiah 30:7

go Egypt e deai laa ono haigamaiana, gai e deai mee iai. Deelaa ai, au e hagaingoo ange ia go “Rahab, de ia ngadi noho.”

Ezekiel 29:3

Basa ange hai ange: E hagadaba de Ia Aamua go Iahweh: Tilo, au e hai baasi adu gi de goe, Pharaoh, de hodooligi o Egypt, koe go de dragon e noho laa lodo oo saalingaa vai. Koe e hagadaba, ‘Nile niiagu; au ne hai ssaalingaa vai laa maagu.’

Isaiah 51:17

Alahage, alahage! Jerusalem, hidi age, koe gu unu mee mai i de lima o Tagi Maolunga, go de ubu o dono bole, koe gu unu ma gu masa mee i ono lodo, go de ubu e haia ga ssee saele dangada.

Psalm 44:1

De Maadua, gimaadeu gu langona i omaadeu dalinga, gai omaadeu dubuna madagidagi gu tala mai gi gimaadeu, dagodo o au mee ne hai i delaadeu masavaa, i denga laangi madagidagi.

De Beebaa go Job 26:12

Ia e hagabeabeau tai i ono mahi; ia e duuduu Rahab i dono iloo mee.

Psalm 7:6

Tagi Maolunga, hidi age i doo bole; hidi age hai baasi ange gi ogu hagadaumee. Alahage balea mai au; koe gi hagasula ina de hagamodu muna heohi.

Habakkuk 3:13

Koe se humai e hagaola oo dangada, ma de hagamouli de ia aau gu hagadabu i de lolo. Koe ne hagabalaginagina tagi o de henua baubau, gai ne aau malo mai i dono biho ga dae iho ai gi dono bido i lalo. Selah

Isaiah 62:8

Tagi Maolunga gu haalo dono lima madau ma gu hagatoo donu i dono sauaa ma gu hagadaba, “Au e dee ahe ange naa donu e gaavange oodou grain e gai oodou hagadaumee, gai de gau henua gee e dee aahe ange naa donu e unu uvaini hoou oodou ne hagadaalea ange aagena;

Psalm 93:1

Go Tagi Maolunga e hodooligi; ia e gahu i de mahamaha. Tagi Maolunga gu gahu; ia e gahu i de mmahi. Henua i lalo gu hagaduu ma gu makaga; gai e dee maua naa donu gi baguu.

Psalm 87:4

Au e dau Rahab ma Babylon madali gilaadeu e iloo au; ma Philistia ma Tyre, aama Ethiopia; ma de hagadaba, “Ia e dau bolo ne haanau i Zion.”

Psalm 44:23

De Ia Aamua, hidi age! Gu aha gu seni ai naa goe? Alahage! Koe gi dee dilia gimaadeu ga hano ai!

Revelation 12:9

Gai de dragon laumalie laa gu tili iho gi lalo, go de labodo madagidagi e hagaingoo ange laa go de ia hagabaubau aabe go Satan, gai go de ia e hagasengalia laa dangada i henua i lalo alodahi — ia gu tili iho gi henua i lalo madali ono dangada de langi alodahi.

Revelation 11:17

ga hagataba, “Gimaadeu e hagaahe adu de abodonu gi de goe, Tagi Maolunga de Maadua Mmahi Mmao, go de ia e mouli iainei gai gu mouli mai donu madagidagi, go hiidinga koe gu hagahai hegau oo mmahi ma gu daamada ai de dagi.

Luke 1:51

Ia gu hagaago mai ssauaa mmahi o dono lima, ia gu hagamavaevae saele gilaadeu e maanadu hagamaolunga i olaadeu lodo.

Habakkuk 2:19

E vakaa naa tangada e hai ange gi de laagau, ‘Alahage!’ gai e hai ange gi de hadu, ‘Hidi age!’ E aha, e maua de mee nei i de agoago ange ia? Tilo, de hadu laa e haoli i goolo ma selevaa, gai e dee manamanava.

Isaiah 53:1

Goai e hagadonusia amaadeu muna gu tala? Gai goai a Tagi Maolunga gu hagaago ange aagena ssauaa o dono lima?

Isaiah 51:5

Dogu heohi e moolau naa donu de dae mai, dagu hagaola gu dae mai donu; ssauaa o dogu lima e hagamodu naa muna o denga huaahenua i de heohi. Mommee i tagudai e kalo mai naa gi de au, ma de tali mai ssauaa o dogu lima mmahi.

Psalm 78:65

Gai de Ia Aamua gu alahage ange hogi, bei dagodo o taane mmahi e oo laa i dono senga.

Psalm 21:13

Tagi Maolunga, gi laumalie doo hagaamua i hiidinga o oo mmahi; gimaadeu e daahili ma de tuhi oo mahi.

Judges 6:13

Gai Gideon ne hai ange gi de ia, “Dogu dangada aamua, au e ssili adu muhuu, noo Tagi Maolunga e noho i omaadeu daha, gai gu aha gu tuu mai ai nei denga hai ngadaa nei alodahi gi gimaadeu? Gai i hee iai denga hegau hagalele mouli a omaadeu dubuna madagidagi gu tala mai gi gimaadeu, ma gu hai mai, ‘Tagi Maolunga ne hagassao mai gidaadeu i Egypt’? Gai iainei Tagi Maolunga gu tili gimaadeu ma de dugu ange gimaadeu gi de gau Midian gi vaivai haia.”

Deuteronomy 4:34

Gai gu dahi laa maadua ne hagataalea de kave dahi huaadangada mai i dahi huaahenua e hai ai ono dangada, i denga hagaduasala, ma hagailonga, ma mee hagalele mouli, ma de hebagi, i dono lima sauaa mmahi, aama denga hegau hagamaatagu, bei hegau a Tagi Maolunga doodou Maadua ne hai adu gi goodou i Egypt, bei doodou hai gu gidee ai laa?

John 12:38

De mee nei ne hai e hagassula ai muna a de pelaabisi go Isaiah: “Tagi Maolunga, goai ne hagadonusia amaadeu muna, gai goai a Tagi Maolunga gu hagaago ange aagena dono sauaa?”

Psalm 59:4

Au tigi hai donu dahi mee dee heohi, gai gilaadeu gu nnoho e hebagi mai. Hidi age balea mai au; galo mai diiloo ogu dagodo!

Exodus 6:6

Deenei ai, daalaa ange gi de gau Israel, hai ange, ‘Go au donu go Iahweh, au e kave gee naa goodou mai i mee hagadaemaha a de gau Egypt e hai ange naa gi goodou, ma de hagaola gilaadeu mai i mee oodou hagaduasala ina ai. Gai au e hagaola naa goodou i dogu lima sauaa ma de hai denga hegau hagalele mouli e hagaduasala ai de gau Egypt.

De Beebaa go Job 9:13

De Maadua e dee daohi donu dono lili; de hagabuulinga hai hegau o Rahab e ino i gaogao luoono vae.

Psalm 77:5

Au ne maanadu dagodo o denga laangi gu hulo, ma denga ngadau madagidagi.

Isaiah 52:10

Tagi Maolunga e hagaabo naa dono lima dabu, i madamada o denga huaahenua alodahi, gai henua i lalo alodahi e gidee naa de hagaola a taadeu Maadua.

Zechariah 2:13

Dangada alodahi, goodou gi dee mmuu i mada luu mada o Tagi Maolunga, go hiidinga ia gu daamada ana hegau i dono mommee noho dabu.”

Zechariah 10:11

Gilaadeu e hulo naa laa lo te dai beabeau, gai beau o tai laa e hagadeai naa, gai mommee kelo alodahi o Nile e maamasa naa. De lodo maolunga o Assyria e hai naa ga maolalo, gai de laagau hodooligi o Egypt e odi naa dono masavaa.

Psalm 44:2

Koe ne hai gi hulo gee denga huaahenua, gai ne hai gi nnoho paba omaadeu dubuna madagidagi; koe ne hagaduasala denga huaadangada gai ne hai omaadeu dubuna gi hagadagadaga age.

Psalm 44:24

Gu aha gu hagammuni ai naa luoo mada i gimaadeu, ma de hagangalo demaadeu duasala ma demaadeu vaivai haia?

Psalm 89:11

Niiou de langi, gai niiou hogi henua i lalo; gai henua i lalo ma mee alodahi iai go koe ne haia.

Micah 7:15

“Au e hagaago adu naa agu hegau hagalele mouli, bei de masavaa oou ne sao mai ai i de henua go Egypt.”

Acts 7:7

Gai au e hagaduasala naa de huaahenua ne hagahai hegau ina gilaadeu, aagai dua naa huu mee nei, gai gilaadeu gu ssao ga hulo gee mai i de henua laa ga aahe mai ga daumaha mai gi de au i de mommee nei.’