Isaiah 51:23 - De Beebaa Dabu

²³ Gai au e gaavange naa de ubu laa gi gilaadeu ne vaivai haia goodou gi unu ai, go gilaadeu ne hai adu gi goodou, ‘Goodou daakodo gi lalo, gai gimaadeu ga seesee i honga oodou dua.’ Oodou dua gu bei honga de gelegele, gai e bei honga haiava o dangada e seesee ai laa.”

Isaiah 51:23 Referans Kwoze

Joshua 10:24

Gai de masavaa alaadeu ne hagassao mai ai denga hodooligi laa ga gaamai gi daho Joshua, gai ia ga hagahi denga daane alodahi o Israel, gai ia ga hai ange gi denga dagi o denga daane hebagi ne hulo laa madali ia, “Goodou hulo gi paa ange goodou mage dugua ange oodou vae gi honga ua o denga hodooligi laa.” Gai gilaadeu ga hulo ga dugu ange olaadeu vae gi honga olaadeu ua.

Zechariah 12:2

“Tilo, au gu dai hai naa Jerusalem gi bei de ubu e haia laa ga ssenga denga huaadangada alodahi i luoono baasi. De masavaa naa huu alaadeu e hebagi ange ai gi Jerusalem, gai gilaadeu e hebagi ange naa hogi gi Judah.

Revelation 17:18

Gai de hine aau ne gidee naa go de aduhale laumalie e dagina denga hodooligi o henua i lalo.”

Revelation 11:2

Gai koe aude haidea lo te buibui laa daha o de temple; dugua donu huu, go hiidinga gu dugu ange gi denga huaahenua, gai gilaadeu e hagadee kii naa ga kave de aduhale dabu laa i e madahaa ma lua malama.

Proverbs 21:18

Tangada baubau go de mee hagaola o tangada heohi, gai tangada e dee hai laa hegau i de mee abodonu, e sui tangada heohi.

Proverbs 11:8

Tangada heohi e ola mai naa i de hai ngadaa, aagai tangada baubau e duu ange naa donu aagena.

Psalm 66:12

Koe ne hai dangada gi dagina ma de vaivai hai gimaadeu; gimaadeu ne hulo laa lo te ahi ma de vai; aagai koe ne gaamai gimaadeu gi dahi henua iai mee lagolago.

Obadiah 1:16

Goodou ne unu de ubu i honga dogu mounga dabu, gai denga huaahenua alodahi e unu ai naa hogi ga hano ai; gilaadeu e duudagi naa donu huu de unu ai, gai e hai naa ga dagodo be gilaadeu tee haanau donu.

Micah 7:10

Dogu hagadaumee e dogaa naa i dana gidee de hai mee nei, tangada ne hai mai laa gi de au, “I hee iai Tagi Maolunga doo Maadua?” Au e gidee naa de hagadee kii ina o dogu hagadaumee; iainei donu gai ia e dagadagahi au gi lo te gelegele bei bela pigi i honga denga haiava.

Psalm 129:3

De gau hagabalabala gu hagalagolagohia lo togu dua, ma de hai gi lloa alaadeu daanunga.”