Isaiah 51:18 - De Beebaa Dabu

¹⁸ Gai gu deai dangada e dagina ia i magavaa o ana dama ne haanau; aabe go dahi gilaadeu aana ne haele e boogia dono lima ga dagi ai ia.

Isaiah 51:18 Referans Kwoze

Isaiah 49:21

Gai koe e hagadaba naa i oo lodo, ‘Goai ne hanaua mai dama nei gi de au? Au ne buliaamou ma teai agu dama; au ne gaavee gi dahi henua gee ma de dilia. Gai goai ne haelea age dama nei? Tilo, go au donu huu e doe; aagai go hee ne loomai ai dama nei?’ ”

Psalm 88:18

Koe gu hai ogu soa ma ogu soa hagaaloha gi dee aanga mai gi de au; go de gohu donu huu dogu soa.

Mark 8:23

Gai ia ga poo de lima o taane dee gide laa ga dagi ia gi tua de aduhale. Gai ia ga saavale ange gi luoono mada ma de dugu ange dono lima gi ono elunga, ga ssili ange gi de ia, “Gu hanu naa au mee ne gidee?”

Matthew 15:14

Goodou aude anga ange, gilaadeu ni dagi e dee kide, e dagina de gau dee kide. Noo dahi dangada dee gide e dagidahi dangada dee gide, gai gilaau ngaadahi e too ange donu gi dahi geelinga.”

Matthew 9:36

De masavaa a Iesu ne gidee ai dangada soa, gai ia gu lodo aloha i gilaadeu, go hiidinga gilaadeu e dee nnoho paba gai e maoha saele, bei dagodo o denga ssiibi e deai laa selaadeu dangada hagaloosi.

Isaiah 45:1

“Tagi Maolunga e hai ange gi de ia aana gu hagadabu i de lolo, go Cyrus, go de ia aagu e poo dono lima madau e hagadee kii ai denga huaahenua i ono mada i mua, ma de hai ia gi gaavee goloa hebagi o denga hodooligi; ma de hhuge denga haitoga i ono mada i mua, gai denga haitoga o de aduhale e dee pono naa donu:

Isaiah 41:13

Go hiidinga go au donu go Iahweh, doo Maadua, au e poo naa doo lima madau, ma de ga hai adu gi de goe, “Aude madagu, go au donu e balea adu goe.”

Psalm 142:4

Galo ange gi dogu madau ma gi diiloo, gu deai donu dangada e kalo mai gi de au. Gu deai sogu mommee e buibui ai, gu deai donu dangada e aloha mai gi de au.

Hebrews 8:9

gai e dee bei donu dagu hagatoo donu hagaheloongoi ne hai madali olaadeu dubuna madagidagi, i dagu laangi ne poo ai olaadeu lima ga hagassao mai gilaadeu i de henua go Egypt, gai gilaadeu tee duudagi de daohi dagu hagatoo donu hagaheloongoi, deelaa ai, au tee anga ange gi gilaadeu, go Tagi Maolunga e hagadaba.

Acts 13:11

Iainei gai de lima o Tagi Maolunga gu hai baasi adu gi de goe. Koe e dee gide naa i hanu laangi.” De masavaa laa donu huu gai gu hano iho de gohu gi ono elunga; gai ia ga hano ga haahaa saele dahi dangada gi boogia dono lima gi dagina ai ia.

Acts 9:8

Gai a Saul ne hidi age i honga de gelegele ga aala luoono mada, gai ia gu dee gidee dahi mee. Deelaa ai, denga daane madali ia ne dagi ia ga kave gi Damascus.

Jeremiah 31:32

Gai e dee bei donu dagu hagatoo donu hagaheloongoi ne hai madali olaadeu dubuna madagidagi, i dagu laangi ne poo ai olaadeu lima ga hagassao mai gilaadeu i de henua go Egypt, go hiidinga gilaadeu ne oha dagu hagatoo donu hagaheloongoi, e dee galemu donu go au delaadeu dangada aamua, go Tagi Maolunga e hagadaba.

De Beebaa go Job 8:20

Tilo, de Maadua e dee tili donu tangada e dee haisala, aabe e bale ange tangada e haia de baubau.

Isaiah 54:11

De aduhale gu hagaduasala ina, ma de oohaa i de madangi, gai tee hagaaneane ina, tilo, au e ahe ange naa e bae age goe i hadu hagamogomogo, ma de hagadagodo oo dagelo i denga sapphire.

Jeremiah 10:20

Dogu hale malo gu maoha, ono daula gu modumodu. Agu dama gu hulo gee mai i ogu daha, gilaadeu gu dee maaleva; gai gu deai donu se dangada e doe e hagaduulia age dogu hale malo aabe go de dau age dogu buibui.

Amos 5:2

“Israel e bei de bua moe gu magau laa, gai e dee ahe ange naa donu e mouli age; gai gu dilia i honga dono henua donu, gu deai e hagahidi age ia.”

Ezekiel 34:6

Agu ssiibi gu ssenga saele i honga mounga ma duuduu alodahi. Gilaadeu gu mavaevae saele i henua i lalo alodahi, gai e deai donu dangada e saalaa gilaadeu.