Isaiah 51:13 - De Beebaa Dabu

¹³ E aha, koe gu ngalo laa bolo go Tagi Maolunga ne haia goe, go de ia ne hoolaa gi daha de langi, ma de hagatuu dagelo o henua i lalo, gai koe ga noho ai naa ga madagu i laangi alodahi i hiidinga de bole o tangada e vaivai haia dangada, go de ia e noho laa e oohaa mee? Gai i hee iai de lili o de ia e vaivai haia dangada?

Isaiah 51:13 Referans Kwoze

Isaiah 45:12

Go au donu ne haia henua i lalo, ga hagadau dangada e nnoho ai. Go luoogu lima ne hoolaa de langi, ma de tala ange gi mee i lo te langi alaadeu mee e hai.

Isaiah 40:22

Ia e noho i honga de moana e holiagina laa henua i lalo, gai dangada e nnoho i kilaa e bei dagodo o denga itebuubuu. Ia e hhola gi madoha de langi bei dagodo o de hale malo, ma de doha mee nei bei dagodo o de hale malo e nnoho ai dangada.

Isaiah 17:10

Goodou gu ngalo de Maadua doodou Ia Hagaola; goodou tee manadua de Baba ne buibuia goodou. Deelaa ai, e dee galemu donu doodou doo manu danuaa, ma denga grapevine ne sigi mai i denga henua gee;

Psalm 104:2

Ia e gahu i de maalama bei de malo; ia e doha de langi bei de hale malo,

Daniel 3:19

Gai Nebuchadnezzar gu kona mmao dono lili, gai ia ne hagaago ange dono lili gi Shadrak, ma Meshak, aama Abednego. Ia ne hagadaba bolo gi dahua de ahi gi hidu hanonga e mmahi ange ai.

Isaiah 48:13

Go luoogu lima ne haia henua i lalo, gai dogu lima madau ne hhola de langi; de masavaa aagu ne hagahi ai luu mee nei, gai gilaau ga tuu age i ogu mada i mua.

Isaiah 44:24

E hagadaba Tagi Maolunga, doo Ia Hagaola, ne haia goe i de mommee o denga dama: “Go au donu Tagi Maolunga, ne haia laa mee alodahi, go au ne hoolaa de langi, go au donu huu ne doohaa henua i lalo.

De Beebaa go Job 9:8

Go ia donu huu ne hoolaa ina de langi i lunga, ma de seesee i honga beau o de moana.

Revelation 20:9

Gai gilaadeu ne loomai i henua i lalo alodahi, ga duuli de mommee nnoho gaainga o dangada o de Maadua, go de aduhale oona e aloha ai laa. Aagai de ahi ne hano iho i de langi ga dudu gilaadeu gu maakau.

Revelation 19:20

Gai de manu alasala laa ne nnoa, madali dono pelaabisi hadu muna ne haia laa denga hagailonga i ono mada i mua, ga hagasenga ai dangada, gilaadeu gi gaavee de maaga o de manu alasala laa, ma de daumaha ange gi dono diinonga. Gai gilaau ngaadahi gu maga ange gi lo te ahi ula i denga sulfur e sali laa bei de vai.

Hebrews 11:15

Noo gilaadeu ne maanadu de henua olaadeu ne loomai ai laa, gai gilaadeu ne aahe ga hulo aagena noo ne dugua ange.

1 Corinthians 15:55

“De magau, i hee iai doo kii? De magau, i hee iai doo sauaa e hagammae ai?”

1 Corinthians 1:20

Gai go hee ai naa iai tangada heiangi? Gai go hee ai naa iai tangada sisi? Gai go hee naa iai tangada e hagadau gaavange i muna iainei? Gai de Maadua tee hai laa de heiangi o henua i lalo gi se lodo senga?

Daniel 3:15

Noo goodou gu paba ange e duuduli e daumaha ange gi dagu diinonga gu hagaduu laa, i de masavaa oodou e langona ai de ili o de hanga manu, ma de flute, ma de lyre, ma mee hagadangidangi iai daula, ma de harp, ma de bagpipe, aama denga hagadaagangaa mee hagadangidangi alodahi, gai gu danuaa. Aagai noo goodou e dee daumaha ange gi tiinonga laa, gai goodou e tili ange donu gi lo te ahi ula mmahi i de masavaa moolau. Gai goai naa donu de maadua e maua i de hagaola goodou mai i dogu sauaa?”

Jeremiah 51:15

Go ia ne haia henua i lalo i ono mahi; ma de hagaduu henua i lalo i dono heiangi, aama de hhola de langi i dono iloo mee.

Jeremiah 2:32

E aha, e maua e de gauligi hahine gi ngalo ono mee hagalaagii, aabe go de hine gu dai hai bodu i de ngalo ono malo? Aagai ogu dangada gu ngalo au i hanu laangi lagolago.

Isaiah 42:5

Aanei muna a de Maadua, Tagi Maolunga e tala, go de ia ne hagadau ina de langi ga doha gi daha, gai go ia ne hoolaa henua i lalo ma mee alodahi ne loomai ai, ma de hai gi manavanava dangada e nnoho ai, ma de gaavange de manava o de mouli gi dangada i kilaa:

Isaiah 16:4

Dugua de gau Moab gu silivaahea saele laa gi nnoho i oodou daha; gai buibuia gilaadeu mai i tangada e daia gilaadeu gi maakau.” Gu dai odi de masavaa o tangada e vaivai haia dangada, gai gu ui de masavaa e oha ai, gai tangada alasala gu dee maaleva i honga de henua.

Isaiah 7:4

Gai koe ga hai ange gi de ia, ‘Koe gi kana ange, gai gi noho donu huu, aude madagu. Aude manavasaa oo lodo i hiidinga o Rezin de hodooligi o Syria ma tama a Remaliah, i hiidinga gilaau e bei donu e lua lahhie gu kaa laa ma gu dai odi.

Psalm 76:10

Ni muna abodonu, de llili o dangada e hidi mai ai doo tuhi, gai dangada e ola mai i de lili e dau adu naa gi de goe.

De Beebaa go Job 37:18

Koe e maua i de doha gi madoha lo te langi madali ia, ma de hai gi makaga bei de galaasa dilodilo?

Esther 7:10

Gai gilaadeu ga daudau Haman i honga de laagau aana ne hagaduu laa e daudau ai Mordecai, gai de hodooligi gu ahe dono lili.

Esther 5:14

Gai dono bodu go Zeresh ma ono soa alodahi ne hai ange gi de ia, “Hagaduulia dahi laagau gi madalima sugilima de maolunga, gai koe ga hai ange gi de hodooligi daiao gi daudaulia ai Mordecai. Gai koe ga hano madali de hodooligi gi taonga ma de malangilangi.” Gai Haman gu malangilangi i muna laa, ga hai gilaadeu gi hagaduulia dahi laagau daudau.

Deuteronomy 32:18

Koe gu dee anga ange gi de Baba, go de ia ne hagadili ina goe; gai koe gu ngalo de Maadua ne haia goe.

Acts 12:23

De masavaa laa donu huu gai tangada de langi o Tagi Maolunga ga hagaili Herod, gai denga ilo ga gai dono angaanga, gai ia gu magau, go hiidinga ia tee hagamahamaha de Maadua.

Isaiah 57:11

Goai oodou ne manavasaa ma de maatagu ai, gai goodou ga hadu muna mai ai gi de au, goodou tee manadua donu au, aabe ne manadua au i oodou lodo? E dee go hiidinga gu daulooloa dagu golomagi ogu lodo, gai goodou ga dee maatagu ai i de au?

Deuteronomy 6:12

gai goodou dagidiiloo goodou kana ngalo Tagi Maolunga, ne hagassao ina mai laa goodou i de henua go Egypt, go de mommee oodou nogo hai hegau hagaduasala ina ai.

Deuteronomy 8:11

Gai goodou kana ange gi dee ngalo e goodou Tagi Maolunga doodou Maadua, gai goodou gu dee daohi ana muna ma ana mee gu hagamodu aama ana hainga gu hagasauaa aagu e tala adu nei gi goodou anailaa nei.

Isaiah 9:4

Go hiidinga koe gu hadihadi de laagau e hagahai hegau aana e hagauda, ma togo i honga dono eu, go de laagau a de ia e vaivai haia gilaadeu, bei de laangi aau ne hagadee kii ai de gau Midian.

Isaiah 10:24

Deenei ai, e hagadaba de Ia Aamua, Tagi o denga hagabuulinga hebagi: “Ogu dangada e nnoho laa i Zion, goodou aude maatagu i de gau Assyria, e hagailiilihia laa goodou i de laagau, ma de hagaabo de laagau ga daa ai goodou, bei hegau a de gau Egypt.

Isaiah 14:4

gai goodou e hua ange naa taahili hagammae manava nei gi de hodooligi o Babylon: “De ia e vaivai haia dangada gu lilo! Dono lili mmahi gu tuu!

Isaiah 40:21

E aha, goodou tigi iloo naa donu? E aha, goodou tigi langona naa donu? E aha, tigi ai naa donu ne daalaa adu gi goodou mai i taamada age? E aha, goodou tigi tonu ange naa donu mai i taamada age de hai o henua i lalo?

Isaiah 45:18

Gai e hagadaba Tagi Maolunga, go de ia ne haia de langi, go ia donu go de Maadua, gai go ia ne hagadulagi henua i lalo ga hai gu dahi, gai ia tee hagaduu henua i lalo gi se ngadi mommee, aagai ne hagaduu gi nnoho ai dangada — ia ne hagadaba: “Go au donu go Iahweh, e deai ange donu.

Isaiah 49:26

Au e hai naa gilaadeu ne vaivai haia goodou gi gaina olaadeu kano donu; gilaadeu e unu naa olaadeu dodo bei denga uvaini maimai. Gai gi iloo ai e dangada alodahi bolo go au donu go Iahweh, doo Ia Hagaola, go au ne hagaola ina goe, go au de Ia Mmahi o Jacob.”

Isaiah 54:14

De aduhale e hagaduu naa i de heohi, gai de hagaduasala e mmao gee naa donu, gai goodou e dee maatagu naa donu i dahi mee daudahi. De mee hagamaatagu e kave naa donu gi mmao gee i goodou; e dee dai baabaa adu naa donu gi goodou.

Jeremiah 38:19

Gai de hodooligi go Zedekiah ga hai ange gi Jeremiah, “Au e madagu i de gau Ssuu gu dau ange laa gi de gau Babylon, de gau Babylon kana poo au ga gaavange gi gilaadeu, gai gilaadeu ga vaivai hai au.”

Jeremiah 41:18

Go hiidinga gilaadeu gu maatagu i de gau Babylon, i hiidinga Ishmael tama daane a Nethaniah gu daa ma gu magau Gedaliah tama daane a Ahikam, taane a de hodooligi o Babylon ne hili ange gi dagina de henua.

Daniel 3:18

Aagai noo e deai, gai koe gi iloo bolo gimaadeu e dee daumaha ange donu gi oo diinonga aabe e ino ange gi dau diinonga goolo gu hagaduu naa.”

Psalm 106:13

Aagai ne moolau delaadeu ngalo ana hegau; gilaadeu tee tali gi iloo e gilaadeu ana hagatau.

Isaiah 43:1

Aagai iainei, Tagi Maolunga e hagadaba — de ia ne hagadau ina goe, Jacob, gai go de ia ne hagahua ina goe, Israel: “Aude madagu, go hiidinga au gu hagaola goe; au gu hagahi adu goe i doo ingoo, koe niiagu.

Jeremiah 51:19

Gai e dee deenei tagodo o de ia e hagabinga laa go Tuuhanga o Jacob; gai go ia ne haia mee alodahi, aama Israel de aamuli o dono boolonga — dono ingoo go Iahweh o denga hagabuulinga hebagi.