Isaiah 51:12 - De Beebaa Dabu

¹² “Go au, go au donu de ia e hagaaneane ina goe. Gai go koe goai, gai koe ga madagu ai i tangada e magau laa, gai go dama a dangada, e bei laa dagodo o denga helii?

Isaiah 51:12 Referans Kwoze

Psalm 118:6

Tagi Maolunga e hagabuni mai donu gi de au; au e dee madagu donu. Ni aha naa donu a dahi dangada e maua i de hai mai gi de au?

1 Peter 1:24

go hiidinga, “Dangada alodahi e bei dagodo o denga helii, olaadeu mahamaha alodahi e bei huaala o denga helii; denga helii e mmae, gai denga huaala e malili,

Isaiah 2:22

Aude tali hagalodolodo ange gi dangada, e manavanava laa i luoono bongaa usu. Gai ni aha naa donu aau e mau ai?

John 14:18

Au e dee tili naa donu goodou bei dagodo o denga gauligi e deai olaadeu maadua; au e humai naa donu gi oodou daha.

Isaiah 66:13

Au e hagaaneane naa goodou bei de hagaaneane a dahi dinana dana dama; gai goodou e hagaaneane ina naa i Jerusalem.”

Matthew 10:28

Goodou gi dee maatagu i gilaadeu e daia ga magau de angaanga nei, aagai e dee maua e gilaadeu i de daa gi magau de hagasaalunga. Gai goodou gi maatagu i de Maadua, go de ia e maua i de daa ngaadahi de hagasaalunga ma de angaanga i de ahi.

Isaiah 51:3

Tagi Maolunga e hagaaneane naa donu Zion, ma de lodo aloha ange gi ono mommee alodahi gu oohaa laa; ia e hai naa ono vao gi bei Eden, gai ono lodo henua gi bei de veelenga a Tagi Maolunga. De malangilangi ma de lodo danuaa e dagodo naa i kilaa, aama de hagaahe ange de abodonu ma de leo o taahili.

Isaiah 43:25

Go au, go au donu e sooloa gi deai oo haisala i hiidinga o dogu ingoo; au e dee ahe ange naa donu e maanadu oo haisala.

Proverbs 29:26

E soa dangada e ssala de abodonu mai i daho dahi dagi, aagai de hagamodu muna heohi se mee mai i daho Tagi Maolunga.

Psalm 146:4

De masavaa naa huu e odi ai dana manava, gai ia e aahe ange gi de gelegele; de laangi laa gai ana hagatau gu ni ngadi mee.

Psalm 92:7

gai ga ssomo age naa donu de gau baubau bei denga helii, gai alodahi e haia de baubau e hagadagadaga age, gai gilaadeu e daa naa ga maakau ga hano ai.

Acts 9:31

Aagai denga nohoanga dabu alodahi i Judea ma Galilee aama Samaria gu nnoho paba ma de hagadagadaga age. Gilaadeu gu hai hegau i de madagu i Tagi Maolunga ma de hagaaneane i daho de Hagasaalunga Dabu, gai gilaadeu gu hagadaga ange donu de soa.

1 Samuel 15:24

Gai a Saul ne hai ange gi Samuel, “Au gu haisala, gai au gu hagahaisala muna a Tagi Maolunga aama au muna, i hiidinga au ne madagu i denga daane hebagi, gai au ga hagallongo ange gi gilaadeu.

2 Kings 1:15

Gai tangada de langi o Tagi Maolunga ga hai ange gi Elijah, “Ahe iho gi lalo madali ia; aude madagu i de ia.” Gai Elijah ga hidi age ga ahe iho gi lalo madali tagi laa gi daho de hodooligi.

Isaiah 40:1

E hagadaba doodou Maadua: Hagaaneane ina, hagaaneane ina ogu dangada.

Isaiah 49:13

De langi, malangilangi! Henua i lalo, lodo danuaa! Denga mounga, hevaalogi ma gi malangilangi! Go hiidinga Tagi Maolunga gu hagaaneane ono dangada, ma de lodo aloha ange gi ono dangada gu vaivai haia laa.

Isaiah 57:11

Goai oodou ne manavasaa ma de maatagu ai, gai goodou ga hadu muna mai ai gi de au, goodou tee manadua donu au, aabe ne manadua au i oodou lodo? E dee go hiidinga gu daulooloa dagu golomagi ogu lodo, gai goodou ga dee maatagu ai i de au?

Jeremiah 38:19

Gai de hodooligi go Zedekiah ga hai ange gi Jeremiah, “Au e madagu i de gau Ssuu gu dau ange laa gi de gau Babylon, de gau Babylon kana poo au ga gaavange gi gilaadeu, gai gilaadeu ga vaivai hai au.”

Jeremiah 41:18

Go hiidinga gilaadeu gu maatagu i de gau Babylon, i hiidinga Ishmael tama daane a Nethaniah gu daa ma gu magau Gedaliah tama daane a Ahikam, taane a de hodooligi o Babylon ne hili ange gi dagina de henua.

Ezekiel 2:6

Gai koe, tama a tangada, aude madagu i gilaadeu ma alaadeu muna, e dee galemu donu de duuli a denga manu duiduia ma manu daladala goe, ma doo noho i magavaa o denga manu manga lua. Gai koe aude madagu donu i alaadeu muna e tala adu gi de goe, aabe gi madagu i olaadeu mada, e dee galemu donu gilaadeu ni dangada hagamaanege.

1 Samuel 17:11

De masavaa a Saul ma denga daane Israel alodahi ne langona ai muna a taane Philistia laa, gai gilaadeu gu manavasaa ma de maatagu.

1 Samuel 21:13

Gai ia ne hai ia gi bei dagodo o dahi dangada boi i olaadeu mada i mua, ma dahi dangada senga, i de masavaa alaadeu ne poo ai ia. Ia ne maaga ange hanu mee gi honga denga abaaba o de aduhale, ma de hai gi ssali iho ono saavale gi honga huluhulu o dono gumigumi.

Isaiah 8:12

“Koe gi dee buni ange gi hagatau dee heohi a de hagabuulingaa dangada nei; gai koe gi dee madagu i mee olaadeu e maatagu ai, aama de manavasaa ai.

Isaiah 12:2

Tilo, de Maadua go dogu Ia Hagaola; au e hagadonu ia, deelaa ai, au e dee madagu. De Ia Aamua, Tagi Maolunga, go ogu mahi ma dagu daahili, gai go ia dogu Ia Hagaola.”

Isaiah 52:9

Denga mommee i Jerusalem gu ngadi daakodo laa, goodou alodahi hevaalogi daahili i de malangilangi, go hiidinga Tagi Maolunga gu hagaaneane lodo o ono dangada; ia gu hagaola Jerusalem.

Isaiah 61:2

ma de tala dagodo o de ngadau o de abodonu o Tagi Maolunga, ma de laangi a taadeu Maadua e sui ange ai de baubau; ma de hagaaneane ai lodo o dangada alodahi e hinangalosaa,