Isaiah 50:8 - De Beebaa Dabu

⁸ De ia e daalaa dogu heohi e baa mai donu gi de au. Gai goai ai naa e hagabaubau ina au? Gidaadeu ga hagadau gaavange i de mommee hagamodu muna. Goai e lodo e hagabaubau au? Gai ia gi humai.

Isaiah 50:8 Referans Kwoze

Revelation 12:10

Gai au ne langona dahi leo mmahi i de langi e hagadaba, “Gu baa mai de hagaola, ma ssauaa, ma de nohoanga hodooligi o taadeu Maadua, ma ssauaa o dana Klisdo e dagi ai. Go hiidinga de ia e hagabaubau ina odaadeu daina, ma de hagabaubau ina gilaadeu i mada luu mada o de Maadua, i de laangi ma de boo gu tili iho gi lalo.

Isaiah 41:1

Denga mommee i tagudai, goodou nnoho mage dee muu! Gai denga huaadangada alodahi gi haia gi mmahi gilaadeu. Gilaadeu gi hagapaa mai gi daalaa alaadeu muna; gai gidaadeu ga hagabuni e hagamodu.

Isaiah 43:26

Ahe ange hagamaanadu ina mai gi de au mee gu hai i mua, gai gidaadeu ga hagadaumee ai; daalaa de mee oou e hai baasi ai, gi iloo ai bolo koe e heohi.

Isaiah 41:21

Tagi Maolunga e hai ange gi denga diinonga, “Daalaa mai oodou tonu; daalaa oodou mee e hai baasi mai ai gi de au,” go de Hodooligi o Jacob e hagadaba.

1 Timothy 3:16

Gai gu iloo abodonu, bolo de hai daumaha dabu nogo dee iloo laa, e maolunga mmao. Ia ne humai ga hai gi se dangada, gai de Hagasaalunga ⌊Dabu⌋ ne tala hagadonu ono dagodo, de gau de langi ne gidee ia, gai gu tala ono dagodo i magavaa o denga Gentile, ne hagadonusia e dangada i henua i lalo alodahi, gai ia ne gaavage i de mahamaha.

Matthew 5:25

Hagamoolau hagaheloongoi ina ooluu magavaa ma doo hagadaumee, i de masavaa ooluu e seesee ai e hulo gi de mommee hagamodu muna, ana vakaa ga gaavange e ia goe gi de ia hagamodu muna, gai de ia hagamodu muna ga gaavange goe gi tangada hagaloosi, gai koe gu tili ange gi lo te hale pono.

Deuteronomy 19:17

gai luu daane nei ngaadahi gi loomai gi tuu i mada luu mada o Tagi Maolunga, i daho de gau haimeedabu, aama de gau hagamodu muna e hai hegau i de masavaa laa.

Exodus 22:9

Gai hegau dee heohi alodahi e hai ange gi denga kaau, ma donkey, ma ssiibi, ma malo, aama goloa alodahi gu dee maaleva laa, gai dahi dangada gu hagadaba, ‘De mee nei niiagu,’ gai gaamai luu dangada e hagadaumee laa gi mada i mua o de Maadua. Gai tangada a de Maadua e hagabuu ange ssala aagena, e hagao ange tangada ange laa gi lua hanonga e kii ange ai.

De Beebaa go Job 13:19

Goai e maua i de hai baasi mai gi de au? Gai noo au e hagapuni dogu ngudu, gai au e magau donu.

Psalm 119:151

Aagai koe e dee mmao donu, Tagi Maolunga, gai au hainga alodahi ni muna abodonu.

Isaiah 1:18

Loomai, gidaadeu ga hagamodu de mee nei, go Tagi Maolunga e hagadaba. E dee galemu naa donu de mmea oodou haisala bei scarlet, gai e hai naa ga tea bei denga snow; e dee galemu naa donu de mmea oodou haisala bei crimson, gai e hai naa ga tea bei huluhulu o ssiibi.

Isaiah 45:25

Aagai go daho Tagi Maolunga a denga aamuli o Israel e gidee ai de hagaheohi ma de kii.

Isaiah 54:17

aagai e deai naa donu se goloa hebagi e hai baasi adu gi goodou e kii, gai goodou e kii naa i gilaadeu e hagabaubau ina goodou. Deenei de boolonga o de gau hai hegau o Tagi Maolunga, gai deenei dagu hai e hagaheohi ai gilaadeu,” go Tagi Maolunga e hagadaba.