Isaiah 50:7 - De Beebaa Dabu

⁷ De Ia Aamua go Iahweh ne bale mai au, deelaa ai, au e dee hagangadi mee ina naa donu; deenei ai, au gu soe donu dagu maanadu, gai au e iloo bolo au e dee dogaa naa donu.

Isaiah 50:7 Referans Kwoze

Hebrews 13:6

Deenei ai, gidaadeu gi lo taane i de hagataba, “Go Tagi Maolunga e balea mai au; au e dee madagu donu. Ni aha naa donu a dangada e maua i de hai mai gi de au?”

Isaiah 42:1

Tilo, deenei dogu dangada hai hegau, go ia aagu e bale ange; go ia aagu gu hili, gai go ia oogu e malangilangi ai. Au gu hai dogu Hagasaalunga gi hano iho gi ono elunga; gai ia ga hagamodu ai muna o denga huaahenua i de heohi.

John 16:33

Au gu tala adu mee nei gi goodou, gi dagodo ai dogu baba i oodou lodo. Goodou e hagaduasala ina naa donu i henua i lalo, gai goodou gi llodo mmahi, au gu kii i henua i lalo!”

Romans 1:16

Go hiidinga au e dee dogaa donu i de longo danuaa nei, i hiidinga deenei ssauaa o de Maadua e hagamouli ai dangada alodahi e hagadonusia; ange gi de gau Ssuu i mua gai ange hogi gi denga Gentile.

1 Peter 4:16

Gai noo dahi dangada gu hagaduasala i hiidinga dana hagadonusia de ingoo o Klisdo, gai ia gi dee dogaa, aagai ia gi duuhia de Maadua i hiidinga ia e hagauda de ingoo laa.

Luke 9:51

Gai ga paa mai huu laangi o Iesu e gaavage ai gi de langi, gai ia ga hagammahi e hano gi Jerusalem.

1 Peter 4:1

Deenei ai, go hiidinga Klisdo gu lava donu i de hagaduasala i de angaanga nei, oodou maanadu gi bei hogi ana maanadu, go hiidinga tangada gu hagaduasala i de angaanga nei gu tuu dono haisala.

Isaiah 49:8

E hagadaba Tagi Maolunga: “Au e basa adu naa gi dau dangidangi i de masavaa danuaa, ma de bale adu goe i de laangi o de hagaola; au e hagaloosi naa goe ma de hai goe gi se hagatoo donu hagaheloongoi ange gi denga huaadangada, ma de hagaahe adu doo henua, ma de vaevae denga boolonga gu ngadi daakodo laa,

Isaiah 50:9

Tilo, go de Ia Aamua go Iahweh e bale mai au, gai goai ai naa e hagahaisala ina au? Tilo, gilaadeu alodahi e bei naa de malo duai a de lengisi e gai laa ga odi.

Jeremiah 1:18

Tilo, ailaa nei gai au gu hai goe gi bei dahi aduhale buibui makaga, gai se duludulu iron, gai se buibui bronze, e hai baasi ange ai gi de henua alodahi — gi denga hodooligi o Judah, ma dagi o de henua, ma ono dangada haimeedabu, aama dangada o de henua.

Psalm 110:1

Tagi Maolunga ne hai ange gi dogu Ia Aamua, “Noho i dogu baasi madau, ga dae ai gi dagu hai oo hagadaumee go de mee e dugu ange aagena luoo vae.”

Isaiah 29:22

Deenei ai, Tagi Maolunga ne hagaola ina laa Abraham, e hagadaba i dagodo o dangada o Jacob: “Jacob e dee ahe ange naa donu ga dogaa, gai luoono mada e dee mada tea naa donu i dono dogaa.

Isaiah 45:17

Aagai Tagi Maolunga e hagaola naa Israel i de hagaola e deai se hagaodi; gai goodou e dee dookaa naa donu aabe e hagangadi mee ina ga hano ai e dee ngado mai.

Isaiah 54:4

Koe gi dee madagu; koe e dee hagadogaa ina naa donu. Koe gi dee manavasaa i doo hagangadi mee ina; koe e dee hagamaolalo ina. Gai koe e ngalo naa doo hagadogaa ina i de masavaa oou e gauligi ai, gai koe e dee manadua naa donu doo hagadogaa ina i teai soo bodu.

Micah 1:2

Goodou denga huaadangada alodahi, nnoho mai hagalaangona, henua i lalo ma dangada alodahi e nnoho ai, goodou aanga mai hagalaangona, gai de Ia Aamua go Iahweh ga hagabaubau goodou, de Ia Aamua mai i dono temple dabu.

Psalm 54:6

Au e ngadi gaavadu gi de goe dahi sigidaumaha; Tagi Maolunga, au e tuhi doo ingoo, go hiidinga doo ingoo e danuaa.

Isaiah 49:23

Denga hodooligi e tilo adu naa goodou, gai denga haahine hodooligi e haele naa goodou. Gilaadeu e ino gi honga de gelegele i oodou mada i mua, gilaadeu e samusamu laa gelegele i oodou vae. Gai gi iloo ai e goodou bolo go au donu go Iahweh; gilaadeu e haia au go delaadeu tali hagalodolodo e dee dookaa naa donu.”