Isaiah 50:11 - De Beebaa Dabu

¹¹ Tilo, goodou alodahi e haulasia dahi ahi, ma de kave denga lama e haula laa, goodou seesee i de maalama o oodou ahi, ma denga lama oodou gu haula laa. Deenei dagu hai e hai ai goodou: goodou e daakodo gi lalo i doodou mmae.

Isaiah 50:11 Referans Kwoze

Romans 10:3

Go hiidinga gilaadeu tigi tonu ange gi de hai a de Maadua e hagaheohi ai dangada, gai e ssala donu huu delaadeu hai e hagaheohi ai, gilaadeu e dee llodo e dugu ange gilaadeu gi de hagaheohi a de Maadua.

John 8:24

Au gu tala adu gi goodou bolo goodou e maakau donu i lodo oodou haisala; noo goodou e dee hagadonusia bolo go au go ia bei dagu hai gu tala, gai goodou e maakau naa donu i lodo oodou haisala.”

Jonah 2:8

Gilaadeu e daumaha ange gi denga ngadi diinonga e daahuli gee doo abodonu ange gi gilaadeu.

Revelation 19:20

Gai de manu alasala laa ne nnoa, madali dono pelaabisi hadu muna ne haia laa denga hagailonga i ono mada i mua, ga hagasenga ai dangada, gilaadeu gi gaavee de maaga o de manu alasala laa, ma de daumaha ange gi dono diinonga. Gai gilaau ngaadahi gu maga ange gi lo te ahi ula i denga sulfur e sali laa bei de vai.

John 9:39

Iesu ne hai ange gi de ia, “Au se humai gi henua i lalo e hagamodu ai muna; gai gi gidee ai gilaadeu e dee kide, gai gilaadeu e gidee gi dee kide.”

Ezekiel 20:39

Gai oodou dagodo, dangada o Israel, go de Ia Aamua go Iahweh e hagadaba: Dahi ma dahi gi hano gi daumaha ange gi ono diinonga! Aagai dua naa huu mee nei, gai goodou e hagallongo mai gi de au; goodou gu dee hagangadi mee dogu ingoo dabu i oodou mee ngadi gaavange ma oodou diinonga.

Isaiah 8:22

Gai gilaadeu e kalo ange naa ga tilo henua i lalo, gai gilaadeu e gidee naa donu huu de hai ngadaa, ma de gohu aama de gohu hagamaatagu. Gai gilaadeu e hai naa gi nnoho i lo te gohu boo dangodango.

Revelation 20:15

Gai tangada e dee sisi dono ingoo i de beebaa o de mouli gu tili ange gi lo te ahi e sali laa bei de vai.

James 3:6

De alelo e bei de ahi ula. Gai se mommee iai de baubau gu dugu madali mee i odaadeu angaanga, gai e hai ga hakino gee de angaanga alodahi, gai e haula ai mee alodahi, mai i de ahi o Gehenna.

Matthew 22:13

Gai de hodooligi laa ga hai ange gi ono dangada hai hegau, ‘Noodia luoono lima ma luoono vae magaa ia gi lo te gohu i duaahaho, go de mommee o de tangi ma de hagaida ai gauvae.’

Matthew 8:12

Aagai dangada niiolaadeu de nohoanga hodooligi e tili naa gi lo te gohu i duaahaho, go de mommee o de tangi ma de hagaida ai gauvae.”

Isaiah 55:2

Gu aha gu moumou ai oodou sseene i mee e dee ni gai, ma de moumou oodou mahi i mee oodou e dee boobosu ai? Nnoho mai hagalaangona agu muna, ma de gai mee danuaa, gi malangilangi ai goodou i denga gai mammami.

Proverbs 26:18

Tangada hai mee senga e dilia laa denga dao ula ma dao o de mee hholu hagamaakau laa,

Psalm 32:10

E lagolago daemaha o de gau baubau, gai de abodonu o Tagi Maolunga e duuli tangada e hagadonusia ia.

Psalm 16:4

Daemaha o olaadeu e daudali ange i denga diinonga e hagalagolago naa. Au e dee hai naa donu alaadeu ssigidaumaha e hai i dodo, aabe e dagudagu ingoo o olaadeu diinonga.

Isaiah 9:18

De baubau e bei dagodo o de ahi e duungia laa mee, gai e dudu denga manu duiduia ma manu daladala, ma de haaula lodo mee muimui, gai dono useahi e buu age laa gi lo te moana i lunga.

Amos 4:9

Gu lagolago hanonga aagu ne oha ai oodou veelenga ma oodou veelengaa grape, ma de hai gi mmagi oodou manu ma de dongidongi. Gai denga itebuubuu ne gai oodou fig ma oodou olive aagai goodou tee aahe mai gi de au, go Tagi Maolunga e hagadaba.

Amos 4:10

Au ne hai gi loomai denga mee hagamaakau gi goodou bei dagu hai ne hai ai laa Egypt. Au ne daa ga maakau oodou dama daane i de gadilaasa; gai oodou hoosa ne gaavee gee. Au ne hai goodou gi dungua de pilo o oodou mommee nnoho gaainga; aagai goodou tee aahe mai gi de au, go Tagi Maolunga e hagadaba.

Habakkuk 2:13

Tilo, e aha, tee hagatau ina e Tagi o denga hagabuulinga hebagi bolo hegau a dangada ni mee donu huu e dudu i de ahi, gai denga huaahenua gi hagadaalea ange gi hanu ngadi mee?

Jeremiah 17:4

Gai go goodou donu huu ne hidi mai ai de gaavee gee de boolonga aagu gu gaavadu gi goodou. Au e hai naa goodou gi hai hegau ange gi oodou hagadaumee i dahi henua oodou e dee iloo laa, i hiidinga goodou gu hai au ma gu lili, gai dogu lili e bei naa de ahi mmahi e ula laa ga hano ai.”