Isaiah 50:10 - De Beebaa Dabu

¹⁰ Goai i oodou magavaa e madagu i Tagi Maolunga, ma de hagallongo ange gi muna a dono dangada hai hegau? Tangada e seesee i lo te gohu e deai laa se maalama iai, gi hagadonusia de ingoo o Tagi Maolunga ma de tali hagalodolodo ange gi dono Maadua.

Isaiah 50:10 Referans Kwoze

John 12:46

Au ne humai e hai ai de maalama o henua i lalo, gai be goai e hagadonusia au gai ia e dee noho donu i lo te gohu.

John 8:12

Gai Iesu ga ahe ange ga basa ange gi gilaadeu, ga hai ange, “Go au de maalama o henua i lalo. Tangada e daudali mai i de au e dee seesee i de gohu, gai ia e hagamaalama i de maalama o de mouli.”

Psalm 23:4

Gai ga seesee naa donu au i lo te geelonga gohu boo dangodango, gai au e dee madagu donu i dahi mee baubau daudahi, i hiidinga koe e noho madali au; dau laagau ma doo dogo e hagaaneane ogu lodo.

Hebrews 5:9

gai ga honu abodonu huu dono heohi, gai ia gu hai ai tagelo o de mouli e dee ngado ange gi dangada alodahi e hagallongo ange gi de ia,

Isaiah 9:2

Dangada e seesee i lo te gohu e gidee naa dahi maalama laumalie; gai gilaadeu e nnoho i de henua gohu boo dangodango, de maalama e sula ange naa gi gilaadeu.

Psalm 25:14

Tagi Maolunga e tala ange ono lodo gi gilaadeu e maatagu i de ia; ia e hai gi iloo e gilaadeu dana hagatoo donu hagaheloongoi.

1 Peter 5:7

Gaavange mee alodahi oodou e manavasaa ai ia gi hagauda ina, i hiidinga ia e tilo danuaa adu goodou.

Psalm 42:11

Dogu hagasaalunga, gu aha gu daemaha ai naa goe, gai gu aha gu manavasaa ai naa goe? Haia go de Maadua dau tali hagalodolodo; go hiidinga au e ahe ange naa donu ga tuhi ia, dogu Ia Hagaola ma dogu Maadua.

Psalm 28:7

Go Tagi Maolunga ogu mahi ma dagu mee hungihungi; au e hagadonu ia, gai au gu kave de bale i ono daha. Au gu malangilangi mmao, gai au e hagaahe ange de abodonu gi de ia i taahili.

Malachi 3:16

Gai dangada e maatagu laa i Tagi Maolunga ne pasa i olaadeu magavaa, gai Tagi Maolunga ne anga ange ga hagallongo alaadeu muna. Gai gu sisi dahi beebaa hagamaanadu i mada luoono mada, i dagodo o dangada e maatagu i Tagi Maolunga ma de hagadubu dono ingoo.

Isaiah 53:11

Gai ia e malangilangi naa i dana gidee hua o de hagaduasala o dono mouli, gai de iloo mee o dogu dangada hai hegau heohi e hai naa ga heohi dangada soa, gai ia e hagauda naa olaadeu baubau.

Isaiah 50:4

De Ia Aamua go Iahweh gu gaamai gi de au de alelo o tangada gu agoagona, gi iloo ai e au muna e hagammahi ai gilaadeu e daalea. Ia e hhango mai au i daiao alodahi, ma de hhuge luoogu dalinga gi langona ai e au bei dagodo o tangada e agoagona.

Psalm 25:12

Goai naa huu tangada e madagu i Tagi Maolunga? Gai ia e agoago ange ia i de haiava oona e hano ai.

De Beebaa go Job 29:3

gai dana laama e hagamaalama honga dogu biho, gai au e seesee i dono maalama i lo te gohu;

Psalm 128:1

E manuuia gilaadeu alodahi e maatagu i Tagi Maolunga, ma de seesee i ono haiava.

Psalm 111:10

De madagu i Tagi Maolunga go taamada o de heiangi; dangada alodahi e seesee i ana hainga e tonu danuaa ange. Dono tuhi gi dee helui ga hano ai!

Psalm 62:8

Ogu dangada, goodou hagadonusia ia i masavaa alodahi; daalaa ange gi de ia mee i oodou lodo; go hiidinga go de Maadua taadeu buibui. Selah

Psalm 145:21

Au e tala tuhi dagodo o Tagi Maolunga. Alodahi e mouli gi hagadegi ina dono ingoo dabu ga hano ai e dee ngado mai.

2 Chronicles 20:20

Gai gilaadeu ne oho age i taiao ga hulo gi de vao o Tekoa. De masavaa olaadeu ne daamada ai de seesee e hulo, gai Jehoshaphat ne duu age ga hai ange, “Denga daane o Judah ma Jerusalem, goodou hagalaangona agu muna! Goodou hagadonusia Tagi Maolunga doodou Maadua, gi tuu ai goodou gi makaga. Gai hagadonusia ono pelaabisi gi hagadagadaga age ai goodou.”

Isaiah 42:1

Tilo, deenei dogu dangada hai hegau, go ia aagu e bale ange; go ia aagu gu hili, gai go ia oogu e malangilangi ai. Au gu hai dogu Hagasaalunga gi hano iho gi ono elunga; gai ia ga hagamodu ai muna o denga huaahenua i de heohi.

Ecclesiastes 12:13

Gidaadeu gu langona mee alodahi; gai aanei muna hagaodi: koe gi madagu i de Maadua ma de daohi ana hainga; deenei donu de hegau laumalie a tangada e hai.

De Beebaa go Job 13:15

Gai ga daia naa donu e ia ga magau au, gai au e dahi donu agu tali ange gi de ia; gai au e tala ange donu dogu donu gi de ia.

2 Chronicles 20:12

Demaadeu Maadua, koe gi hagaduasala ina gilaadeu. Go hiidinga gimaadeu e dee pau ange gi de hagabuulinga hebagi soa gu loomai nei e hebagi mai gi gimaadeu. Gimaadeu e dee iloo be ni aha amaadeu ga hai, aagai gimaadeu e tali de bale mai i oo daha.”

1 Chronicles 5:20

Gai gilaadeu ne kave dahi bale ga hagadee kii de gau Hagar, ma henua alodahi ne hagabuni ange laa gi Hagar, go hiidinga gilaadeu ne dalodalo ange gi de Maadua i de masavaa o de hebagi, gai ia ne basa ange gi delaadeu dangidangi, i hiidinga gilaadeu ne hagadonu ia.

1 Samuel 30:6

Gai David gu kona mmao tee baba ono lodo, go hiidinga denga daane gu llodo e maga ia i denga hadu, go hiidinga gilaadeu alodahi gu llili i hiidinga o alaadeu dama. Gai Tagi Maolunga dono Maadua ga hagammahi ange lodo o David.

Isaiah 59:9

Deelaa ai, de hagamodu muna heohi e mmao gee donu i gidaadeu, gai de heohi e dee dae ange donu gi gimaadeu. Gimaadeu e tali gi maalama, aagai e gohu donu huu; gimaadeu ne tali gi hagamaalama, aagai gimaadeu e seesee i de malu o de gohu.

Lamentations 3:2

ia ne alualu au ma de hai au gi seesee i de mommee gohu, e dee maalama;

Ephesians 5:8

Go hiidinga i mua goodou e gohu, gai iainei goodou gu maalama i lodo o Tagi Maolunga; deenei ai, goodou mouli bei dagodo o dama a de maalama,

Isaiah 10:20

De laangi laa gai dangada o Israel e doe, ma gilaadeu ne ola i dangada o Jacob e dee tali hagalodolodo ange naa gi de ia ne oohaa laa delaadeu henua; aagai gilaadeu e hai naa Tagi Maolunga, de Ia Dabu o Israel, go delaadeu tali, i de heohi.

Isaiah 12:2

Tilo, de Maadua go dogu Ia Hagaola; au e hagadonu ia, deelaa ai, au e dee madagu. De Ia Aamua, Tagi Maolunga, go ogu mahi ma dagu daahili, gai go ia dogu Ia Hagaola.”

Isaiah 26:9

Ogu lodo e maanadu donu huu goe i de boo, gai dogu hagasaalunga e oho boo e ssala goe. De masavaa aau e hagamodu ai muna i henua i lalo, gai dangada e nnoho i henua i lalo gu iloo e gilaadeu de mee heohi.

Daniel 3:28

Gai Nebuchadnezzar ga hagadaba, “Duuhia de Maadua o Shadrak, ma Meshak, aama Abednego, go de ia ne haia gi humai dono dangada de langi gi hagaola ina ono dangada hai hegau. Gilaadeu ne hagadonusia ia, ma tee daudali i muna a de hodooligi, gai ne dugu ange olaadeu angaanga e dudu i de ahi; gilaadeu tee hai hegau ange aabe ne daumaha ange gi dahi diinonga daudahi, aagai go delaadeu Maadua donu huu.

Zephaniah 3:12

Aagai au e dugu naa i oo daha gilaadeu e duasala ma de hagaau aloha, go gilaadeu e hagadonusia de ingoo o Tagi Maolunga.

Haggai 1:12

Gai Zerubbabel, tama daane a Shealtiel, ma Joshua tama daane a Jehozadak, tangada haimeedabu maolunga, aama dangada alodahi ga hagallongo ange gi muna a Tagi Maolunga, delaadeu Maadua ma muna a de pelaabisi go Haggai, go hiidinga go Tagi Maolunga, delaadeu Maadua ne haia ia gi humai. Gai dangada gu maatagu i Tagi Maolunga.

2 Samuel 22:29

Uaa, Tagi Maolunga, go koe dagu laama; dogu Maadua e sui de gohu i ogu daha gi se maalama.

Isaiah 8:17

Au e tali ange Tagi Maolunga, go de ia e hagamuunia luoono mada i dangada o Jacob. Gai au e tali ange naa donu ia.

Nahum 1:7

Tagi Maolunga e danuaa, gai e bei de buibui i de masavaa hai ngadaa. Ia e iloo gilaadeu e hagadonusia ia,