Isaiah 50:1 - De Beebaa Dabu

¹ E hagadaba Tagi Maolunga, “I hee iai de beebaa maavae a doodou dinana, aagu ne gaavadu ga hai ai ia gi hano gee? Gai goai aagu ne hagao ange goodou aagena e hagao ai agu muli? Tilo, go hiidinga oodou haisala oodou ne hagao ai gi daha, gai go oodou haisala ne hidi mai ai de hano gee o doodou dinana.

Isaiah 50:1 Referans Kwoze

Deuteronomy 32:30

Dee hee de hai a dahi dangada ne maua ai laa i de doolohi e mano dangada, gai e dogolua dangada ne hagadee kii e dahisemada dangada? Deelaa donu huu noo delaadeu Baba gu tili gilaadeu, gai Tagi Maolunga gu hano gee i gilaadeu.

Jeremiah 3:8

Ia ne gidee hogi bolo au ne gaavange dahi beebaa maavae gi de hine dee hai hegau i de mee abodonu go Israel, ga hai ia gi hano i hiidinga o dono dagodo haisala. Gai dono daina hahine go Judah tee madagu donu hogi i de vaivai dagodo; ia ne hano hogi ga dagodo haisala.

Matthew 18:25

Gai ia gu dee maua i de hagao ana muli, gai dono dangada aamua ga hagadaba bolo gi hagao ina ia gi daha madali dono bodu ma ana dama, aama ana mee alodahi, e hagao ai ana muli.

Nehemiah 5:5

Gai gimaadeu e bei donu dagodo o omaadeu dangada, gai amaadeu dama e bei dagodo o alaadeu dama, aagai gimaadeu e hai amaadeu dama gi ni dangada hai hegau. Hanu amaadeu damaa hine gu lava donu i de hai gi ni dangada hai hegau dee ilaage, aagai gu deai donu amaadeu mee e mau i de hai, go hiidinga omaadeu alahenua ma amaadeu veelengaa grape gu niio hanu dangada gee.”

2 Kings 4:1

Gai de bodu o dahi daane mai i de hagabuulinga o denga pelaabisi ne humai ga dangi ange gi Elisha, ga hai ange, “Koe e iloo bolo doo dangada hai hegau, go dogu bodu, gu magau; gai ia se daane e madagu i Tagi Maolunga. Aagai tangada oona e muli ange aagena gu humai e kave luaagu dama e hai ai luoono dangada hai hegau, e hagao ai ana muli.”

Isaiah 52:3

E hagadaba Tagi Maolunga, “Koe ne hagao gi daha, gai tee hagao i sseene, gai e dee ni sseene hogi e hagaola ai goe.”

Jeremiah 4:18

Au dahulinga ma au hegau gu hai ma gu duu adu de mee nei gi de goe. Deenei doo hagaduasala. Gai e kona naa donu! Gai e velo naa donu oo lodo!”

Jeremiah 3:1

Noo dahi daane e maavae ange gi dono bodu, gai de hine laa e hano ga hai bodu ange gi dahi daane gee, gai e maua naa e taane i mua i de ahe ange gi de hine laa? E aha, e dee hai naa ga hakino gee de henua alodahi? Aagai koe e noho madali oo dau soa soa bei dagodo o dahi hahine hai be se manu — gai e maua ai naa e goe i de ahe mai gi de au? go Tagi Maolunga e hagadaba.

Psalm 44:12

Koe ne hagao oo dangada i dahi hagaoanga damaa mee, teai mee ne maua i delaadeu hagaoanga.

2 Kings 17:17

Gilaadeu ne sigidaumaha alaadeu dama daane ma damaa hine i lo te ahi. Gilaadeu ne tala hogi mee e dee iloo, ma de ssala denga hagailonga, ma de hai denga hegau baubau alodahi i mada luu mada o Tagi Maolunga, ga hai ai ia ga lili.

Esther 7:4

Go hiidinga gimaadeu ma ogu dangada gu hagao e daa gi maakau ma de hai gi odi i teai. Noo gimaadeu ne hagao gi daha e hai ai denga daane ma haahine hai hegau, gai e deai donu agu muna, go hiidinga e dee se mee e heohi ai de hakoso de hodooligi.”

1 Kings 21:25

(Gai teai ange donu se dangada ne bei dagodo o Ahab, ia ne dugu ange ia gi de baubau i mada luu mada o Tagi Maolunga, gai dono bodu go Jezebel ne usuusu ange ia.

Exodus 21:7

Noo dahi daane e hagao gi daha dana damaa hine e hai ai tangada hai hegau, gai ia e dee maua gi ilaage bei dagodo o taane hai hegau.

Leviticus 25:39

“ ‘Noo dahi dangada Israel gu hagaau aloha, gai ia e humai koe gi hagao ina ia, e hai ai doo dangada hai hegau, gai koe aude hagahai hegau ina ia gi bei dagodo o tangada hai hegau e dee ilaage.

Isaiah 1:28

Aagai de gau hai alaadeu hai ma de gau haisala e odi naa i de oha ga deai, gai gilaadeu e daahuli gee i Tagi Maolunga e maakau naa.

Isaiah 27:8

Koe se hagabau donu dau alualu gilaadeu gi hulo gi dahi henua gee — ia ne busi gilaadeu gi hulo gee i de madangi o dono ngudu, bei de laangi e ssau mai ai de madangi i dua.

Isaiah 43:27

Doo dubuna i taamada ne haisala; oodou dagi ne haisala mai gi de au.

Isaiah 46:8

Goodou manadua ma de hagasaele de mee nei, gai hagamaanadu i de mee nei, goodou de gau baubau.

Isaiah 54:6

Gai Tagi Maolunga gu hagahi adu goe bei de hine gu dilia ma de daemaha ono lodo, bei de hine e hai bodu i dono masavaa se damaa hine ai, gai gu dilia, go doo Maadua e hagadaba.

Isaiah 54:7

Au ne tili goe i dahi masavaa bodobodo, aagai au e hagaahe mai naa goe i hiidinga dogu lodo aloha laumalie.

Isaiah 58:1

“Oo daalaa, aude haganoho ina. Hagaleo laumalie bei de leo o de hanga manu. Daalaa ange gi ogu dangada olaadeu baubau, gai daalaa ange gi dangada o Jacob olaadeu haisala.

Isaiah 64:6

Gimaadeu alodahi gu bei tangada e dee gilimalali laa, amaadeu hegau heohi alodahi e bei donu huu denga bido malo hakino gee; gimaadeu alodahi gu bei de lau manu gu mmae, gai omaadeu baubau gu bei dagodo o de madangi, e hagalleva saele gimaadeu.

Hosea 4:5

Goodou e baakuu i de laangi ma de boo, gai denga pelaabisi e baakuu hogi madali goodou. Gai au e oha naa doo dinana.