Isaiah 5:9 - De Beebaa Dabu

⁹ Tagi o denga hagabuulinga hebagi gu hagatoo donu ma gu langona e au: “Ni muna abodonu, denga hale nnui e ngadi daakodo naa, gai denga hale danuaa e deai naa dangada e nnoho ai.

Isaiah 5:9 Referans Kwoze

Matthew 23:38

Deenei ai, doodou temple gu tili gi se mommee e ngadi dagodo.

Amos 5:11

Goodou e vaivai hai de gau hagaau aloha ma de hai ia gi hagao ina taagisese o alaadeu grain. Gai goodou e hagatuu denga hale hadu danuaa aagai goodou e dee nnoho ai naa donu; goodou e doo naa denga veelengaa grape lau kohu, aagai goodou e dee unu naa donu uvaini e hai ai.

Amos 3:7

Ni muna abodonu, de Ia Aamua go Iahweh e dee hai donu dahi mee daudahi noo ia e tigi hagaago ange dana hagatau gi ono dangada hai hegau go denga pelaabisi.

Isaiah 22:14

Gai de Ia Aamua, Tagi o denga hagabuulinga hebagi ne tala mai de mee nei gi langona e au: “Ni muna abodonu, au e dee degi adu donu gi goodou i de baubau nei, ga dae ai gi doodou maakau,” go de Ia Aamua, Tagi o denga hagabuulinga hebagi e hagadaba.

Matthew 22:7

Gai de hodooligi laa gu kona mmao de lili. Gai ia ga hai gi hulo ono daane hebagi gi daia gi maakau de gau daa dangada laa magi duungia delaadeu aduhale.

Amos 6:11

Gai tilo, Tagi Maolunga gu tala hagasoe, gai ia e oha donu de hale laumalie laa gi too dagidahi, gai de hale damaa mee e ssii dagaligiligi.

Isaiah 27:10

De aduhale buibui gu ngadi dagodo, gu deai e nnoho ai, bei dagodo o de vao; gai damaa a denga kaau e gaimee i kilaa, ma de daakodo ai ga hagammabu, ma de gai ga deai lau o ono laa.

Isaiah 5:6

Au e hai naa de veelenga laa gi se ngadi gelegele; au e dee velevele naa donu aabe hagabalabala de veelenga laa, gai gi ssomo age ai denga manu duiduia ma manu daladala; au e hai ange naa gi denga hagausinga gi haia gi dee pala iho de langi gi ono elunga.

2 Chronicles 36:21

Gai de gelegele o de henua ne hagamabu danuaa; masavaa alodahi o de henua ne ngadi dagodo ai, gai de gelegele ne hagamabu hogi, ga dae ai gi de odi ange de madahidu ngadau, e hagassula ai muna a Tagi Maolunga gu tala laa i daho Jeremiah.

James 5:4

Tilo, hagaoanga o de gau hai hegau ne hagihagia hua o oodou veelenga e tangi, go hiidinga goodou tee hagao ange gilaadeu. Gai Tagi o denga hagabuulinga hebagi gu langona de tangi o de gau hagihagi.

De Beebaa go Job 15:28

Gai ia e noho i denga aduhale maoha ma gu ngadi daakodo, ma lodo hale e deai dangada e nnoho ai, gai gu dai maoha bei dagodo o denga gaainga.

De Beebaa go Job 20:21

Gu deai donu mee e doe i dua dono gaimee, gai dono lava e dee maua donu gi daulooloa.

Proverbs 15:27

Tangada nnoo hagamau mee, e hagahai ngadaa dono huaabodu, aagai tangada e kino i denga ngadi gaavange hagasenga e mouli donu.