Isaiah 5:28 - De Beebaa Dabu

²⁸ Dao o alaadeu mee hholu e kangi, alaadeu mee hholu alodahi gu dada ma gu maalena; vae o alaadeu hoosa e bei hadu makaga, gai hagasii o olaadeu hada hebagi e bei dagodo o ssou.

Isaiah 5:28 Referans Kwoze

Psalm 45:5

Dao o dau mee hholu e kangi i de tili gi ulu gi lodo o oo hagadaumee, e de hodooligi; gai denga huaahenua gu nnoho i oo lalo.

Nahum 3:2

De leo o de hagailiili o denga hoosa ma de hagalongaa o denga hagasii, ma de saavini o denga hoosa aama de nannadu o denga hada hebagi!

Micah 4:13

Tamaa hine o Zion, hiihidi age dagadagahia, go hiidinga au e hai naa oo hanga gi ni iron gai oo gubu vae gi ni bronze, gai koe ga oha ai gi maoha denga huaahenua soa. Koe e hagadabu ange naa olaadeu goloa gi Tagi Maolunga, gai olaadeu lava e gaavange gi de Ia Aamua o henua i lalo alodahi.

Jeremiah 47:3

i de hogihogi mai vae o denga hoosa e saavini mai ai, ma de nngolo mai o olaadeu hada hebagi ma de hagalongaa mai o olaadeu hagasii. Denga damana e dee huuhuli mai donu e bale ange alaadeu dama, i hiidinga gu deai olaadeu mahi.

Jeremiah 5:16

Alaadeu mee hhao dao e bei dahi daanunga e mahuge laa; gai gilaadeu alodahi ni daane dau i de hebagi.

Isaiah 21:1

Muna hagadaemaha i dagodo o de Vao i gaogao Tai. Dahi hagadaumee e humai naa i de vao, ma mai i dahi henua hagamaatagu, bei denga sio e ssau mai laa i de Negev.

Psalm 120:4

Ia e hagaduasala naa goe i denga dao kangi a taane hebagi, ma maga ahi o de manu go de broom.

Judges 5:22

Denga hoosa e hagasaamumu i delaadeu saavini mai, ma de saavini ga hagabagobago olaadeu vae.

Isaiah 13:18

Alaadeu mee hholu e daa naa ga maakau denga dama daane, gilaadeu e dee abodonu ange naa gi denga gaagaa, aabe e llodo aaloha ange gi denga gauligi.

Isaiah 66:15

Tilo, Tagi Maolunga e humai naa madali de ahi, gai ono hada hebagi e bei dahi sio; ia e hagahai hegau naa dono lili i dono bole, gai dana hagasee e hai naa madali de ahi ula.

Jeremiah 4:13

Tilo, ia e hanage bei dagodo o hagausinga, ono hada hebagi e bei dagodo o ssio; gai ana hoosa e kemo ange i denga igele. E vakaa naa gidaadeu! Gidaadeu e maakau naa donu!

Ezekiel 26:11

Vae o ana hoosa e dagadagahi honga haiava alodahi; gai ia e daa naa ga maakau oo dangada i de gadilaasa; gai oo duludulu makaga e baakuu iho naa gi honga de gelegele.

Ezekiel 38:9

Gai goodou ma oo daane hebagi ma huaadangada alodahi madali goe e loomai naa bei dagodo o de madangi mmahi; goodou e haoli de henua bei de hagausinga maadolu.

Daniel 11:40

Gai laangi hagaodi naa huu gai de hodooligi o ngaage e hebagi ange gi de ia, de hodooligi o ngaiho e humai naa ga hebagi ange gi de hodooligi o ngaage i denga hada hebagi, ma daane e kage i honga hoosa aama denga vaga lagolago mmao. Gai ia e hagadee kii naa denga henua lagolago ma de gage mai gi honga denga henua laa bei dagodo o tolona.